Levitico 11:34 - Biblia Mixe de Quetzaltepec

³⁴ Oymyëti'ipë jë'kxyëty, pën këxka'ap tu'ktsuny yë nëë ma yë'ëjën mëti'ipë ënäty jap tu'tsjoty të y'ityën, ëxëëk nëjkx wyi'imy ja jë'kxy ets ja nyinëë.

Levitico 11:34 ပူးပေါင်းရင်းမြစ်များ

Tito 1:15

Pën myëët'ajtëp ja jyot wyinma'any wa'ats, aak wa'ats winë t'ixtë; e mëti'ipë ka'ap ja jyot wyinma'any y'oyëtyën ets ka'ap tmëpëktën ja Tios ka'ap tii wa'ats t'ixtë. Jä'ä ko ëxëëk ja jyot wyinma'any tmëët'atë.

Proverbios 28:8

Mëti'ipë ja'ay may yë meeny nyipëjkpejtypyën ko tyäky ënu'kxy, yë meeny y'u'unk yë'ë nëjkx tjä'ä'aty mëti'ipë jyiiky myëku'uk pya'ëyoopyën.

Proverbios 21:27

Tios ëxëëk t'ixy ko ëxëëkja'aytyëjk tii tyoxtë. Jä'ä ko ka'ap tii ëmuumtu'ukjot tyaktë.

Proverbios 21:4

Ja nëë'ix pa'at'ix, ja mëj'ajtën këjxm'ajtën ets nämyëjjaw näjyääntyjyawë, aak poky yë'ë.

Proverbios 15:8

Yë Tios ka'ap nijënu'un t'oy'ixy ko yë ëxëëk ja'ay tyäky yë wintsë'kën, e ko yë wa'ats ja'ay aaw ayuk myo'oyë kyupëjkpy yë'ë.

Levitico 11:33

Pën ya'atë jëtu'unpë jëyujk'ooky ka'ap muum naaxtu'tskëjxy, tëkokyë jënu'un ënäty jap winë y'ityën tu'tsjoty, ëxëëk wyë'ëmta'ajëty ets kopkpëky ko yajpu'uta'akëty.

Levitico 11:35

Oy tyimtiijëty, ma ënäty tyaapë jëtu'unpë jëyujk'ooky kyä'äyën ëxëëk yajtijëty. Pën jam kyä'äy ma tsijtkën ëkë ma tsijtk u'unkën, nëjkxëp xyajma'ta'atë, jä'ä ko ëxëëk yë'ënë ets jëtu'un mëpaat xyajnaxtë.