Levitico 11:31 - Biblia Mixe de Quetzaltepec

³¹ Ma ja jëyujkëtyën, tyaapë ëxëëk xytyijtëty. Pën tyoompy jëtu'unpë jëyujk'ooky, kopkpëky ko ëxëëk wyë'ëmëty tu'kxëëwpaaty.

Levitico 11:31 ပူးပေါင်းရင်းမြစ်များ

Levitico 11:8

Ya'atë jëyujkëty ka'ap mëpaat yë nyitsu'uty xytsyu'tsëtë, nijä'ä xykyatontëty ma ënäty të y'ookyën. Ëxëëkjëyujk jëtu'un xytyimtijtëty.

Génesis 1:20

Ënät yë Tios jatëkok y'ënäny: wä'än tjää'aty winëjaty jëyujk jap nëëjoty ets wä'än tjää'aty näjyëtu'un yë joon jëyujk mëti'ipë kääkjëtijtëpën naaxwiinkëjxy. Jëtu'un tyuunë jyajtë.

Levitico 11:30

Tä mëti'ipë yajtijpën kujoy, nëtoky, mëjnëë jëyujk, të'ënytyik ets tsuxk kujoy.

Levitico 11:32

Ja it naaxwiinyëtë ma ënäty jëtu'unpë ja jëyujk'ooky yajpaatyën, ëxëëk wyë'ëmëty: wä'än kyepykyijxyëty, wyitkëjxyëty, pyo'okëjxyëty, xya'këjxëty, ëkë oy tyuunpäjnkëjxmëty, jap mëpaat yaj'apëkë nëëjoty ets jëtu'un ëxëëk wyë'ëmëty koonëm kyootsëty, ko jëtu'un y'itëty, tääts jatëkok wa'ats wyë'ëmëty.

Levitico 14:46

Ets jëtu'un jap tëkoty ma ënäty ja teety të tnikäjpxyën ets ëtuky y'itëty. Ëxëëk ja ja'ay wyë'ëmëty tu'kxëëw ets jëtu'un tyimkutsu'ujëty.

Levitico 15:15

Tu'uk ja teety tyakëty mëti'ipë ja nëë poky tyukunaxëpën ets tu'uk mëti'ipë yajno'okëpën. Jëtu'un ënäty yajtuny, ma ja ja'ay ja näypyuj näjyä'ätsë tpaatyën Wintsën wintum, mëti'ipë ja myëjaaw tukjënajkëpën ma ja ye'etyëjk'ajtënën.

Levitico 16:26

E ja ja'ay mëti'ipë ënäty ojts të tnajtsmatsën ja tsajppax jam të'ëts itjotm, mëti'ipë ja Azazel jyä'ä'ajtypyën, yajxon ja wyit tpujëty wa'ats ets näjyëtu'un kë'ëm nyäpyuj nyäjyä'ätsëtëty wa'ats, täänëm tyëkëty ma ja naax kajpnën.

Levitico 17:15

Ko tu'uk yë Israel ja'ay ëkë jaaypyaat jaaypyo'kxy tsu'utsëty yë jëyujk, mëti'ipë najts'ookën, nëjkxëp yë wyit tpujy ets nëjkxëp kë'ëm nyäpyujy nyäjye'etsyë wa'ats ets ëxëëk jëtu'un wyë'ëmëty tyimkutsu'ujëty, oknëm wa'ats jatëkok wyë'ëmëty.

Levitico 22:6

Ëxëëk nëjkx yajtijy tyimtsu'ujëty jëtu'un ets ka'ap tjëkyäpëty tjë'kxëty, mëti'ipë wa'atsën, pën ka'ap jëyëjp nyäpyujy nyäjye'etsyë.

Números 19:7

Ko ënäty jëtu'un të tuunta'ay tääts ja wyit tpujëty ets tsyi'iwëty xyëtsëty wa'ats. Täänëm tyëkëty kajpnjoty oy ëxëëk y'ëkwë'ëmëty, tyimkootsëty jëtu'un.