Levitico 11:3 - Biblia Mixe de Quetzaltepec

³ mëti'ipë yë aay ujts jyë'kxtëpën, apu'uyëtëp ets xeeny yë tyekyxyookyëty.

Levitico 11:3 ပူးပေါင်းရင်းမြစ်များ

2 Corintios 6:17

Paaty näjyëtu'un ja Wintsën y'ënä'äny: Puye'eytyu'utë yë'ëjëty, ets näjyëpëkëtë, ka'ap xytyontëty ja ëxëëkpë, ets miits nkupëktëty.

1 Timoteo 4:15

Mëtoow'it ya'atë yajxon ets ja ja'ay t'ixtëty wi'ix ja mmëpëjkën yeeky pyetyën.

Hechos 17:11

Ja Jutiis ja'ayëty mëti'ipë jamëtyën Berea, oy ja winma'any tyajkëxë'ktë këtiinëm jyëtu'un'atë ja ja'ayëty mëti'ipë jamën Tesalónica. Ojts t'ëxajëtë ja Pablo, ets tmëtoow'ijtë ja oy aaw oy ayuk. Jëpom jëpom ja Tios ja y'aaw y'ayuk ijty t'ixpëjkëtë ets nijawëja'antë pën janty tëy mëti'ipë yajtukmëmëtyaktëpën.

Proverbios 9:6

Këtii xëmë tsuu myajpaatë, oy mjuuky'atëty: jëtu'un mnaxtëty mtëkëtëty tä ja'ayën mëti'ipë niwijy nikujk yajpatpën.

Proverbios 2:10

Yë mjot mwinma'any ujts nëjkx y'ity mëët yë wijyajtën, ets ja nija'awën yë'ë nëjkx tyajjotkujktä'äky yë mjot mwinma'any.

Levitico 11:2

Ënëëmëtë yë Israel ja'ayëty, ko tëkokyë yë jëyujk tsajpkaa mëti'ipë tsënaaytyëpën naaxkëjxy jyëkyäpëp xytsyu'utstëty,

Levitico 11:4

E yë'ëts ka'ap xytsyu'utstëty, mëti'ipë ja aay ujts tjajë'kxtëpë ets tyekyxyooky jyaxeeny'atën. Tä yë jëyujk jëku'uxën, ujts jyajë'kxyp, ja apu'uyëp ets ka'ap tmëëtëty axeeny yë tyekyxyooky. Yë tääpë jëyujk ëxëëk yë mëpaat xytyijtë.

Levitico 11:5

Yë tsik, ujts jyajë'kxyp ets ja apu'uyëp ets ka'ap yë tyekyxyooky xyeenyëty, ëxëëk näjyëtu'un tääpë jëyujk nyäxy.

Levitico 11:6

Ja kam tsuk, ja ujts'ojkp ijty ets ja apu'uyëp, je'eyëp ko ka'ap yë tyekyxyooky xyeenyëty, näjyëtu'un xytyijtëty ëxëëkjëyujk.

Levitico 11:7

Yë ëtsëm jyamëët yë tyekyxyooky axeeny, je'eyëp ko ka'ap y'apu'uyë, ëxëëkjëyujk yë näjyëtu'un xytyijtëty.

Levitico 11:26

Tëkokyë yë jëyujk mëti'ipë myëët'ajtypyën yë tyekyxyooky ka'apë xyeenyëtyën, oy ënäty y'ujtsëty tja'oky ets ja apu'uyëp, ëxëëkjëyujk xyajnaxtëty, pën jëtu'unpë ja jëyujk tyoompy ëxëëk wyë'ëmëty.

Deuteronomio 14:6

Jyëkyejpy xytsyu'utstëty tëkokyë yë jëyujk mëti'ipë apu'uyëpën, mëti'ipë yë tyekyxyooky amäjtsk ëkë axeenyën.

Deuteronomio 14:8

E ëtsëm näjyëtu'un jyamëët'ajtyp axeeny yë tyekyxyooky, je'eyëp ko ka'ap y'apu'uyë, këtii xytsyu'utstëty. Tääpë jëyujk ëxëëkjëyujk mëpaat xyajnaxtë ets këtii yë nyi'kx kyopk xytsyoonëtëty ko ënäty muum të y'ooky.