Levitico 11:29 - Biblia Mixe de Quetzaltepec

²⁹ Ja jëyujk mëti'ipë naaxwin'a'tstëpën, yë'ë mëpaat xytyijtë ëxëëk, tyaapë yajnikäjpxyën: tä yë nootyën, tsukën ets tëkokyë mëti'ipë naaxwin'a'tspën.

Levitico 11:29 ပူးပေါင်းရင်းမြစ်များ

Hebreos 13:5

Këtii meeny xy'atsoktëty, tukjootkujk'atë mëti'ipë mmëët'ajtëpën, jä'ä ko tëë ja Wintsën y'ënä'äny: Nijëna'a mijts nka'ëxmatsan'any ets nijëna'a nkaja'atyëkoyä'äny.

Colosenses 3:5

Yajkutëkoonyëtë tu'kë'ëyë ja naaxwiinyëtë winma'any: Ijxtëm ja ëxëëktu'un ëxëëk kajpxën, ëxëëk winma'any, ëxëëk atsojkën ets meeny atsojkën mëët ko ja'ay ja meeny t'atsoktë, ja meeny tios'ajtëp ets ka'ap Tiosëty.

Filipenses 3:19

yë'ëjëty ëxëëk nëjkx kyukëxë. Jam ja wyinma'any tpëjkta'aktë ma ja kääky uukyën; yë'ë nätyukmëjpëjktakëtëp mëti'ipë jeexyë tsyuktsëtyuuntëpën. Yi'iyë myääytyëp tyajtëp mëti'ipë yaa naaxwiinyëtën.

Efesios 4:14

Ka'ap jëtu'un n'ëkja'ay'ajtënëty ijxtëm ja pi'k ëna'kën, mëti'ipë maaymyiin maayxyëjptëpën, ka'apë tnijawëtën mëti'ipë tëy katëyën, mëti'ipë pojën myëpëjktëpën ko ja ja'ay nyë'ëmxëtë ets t'ëxmatstë ja ijxpëjkën mëtëypyë.

Juan 6:66

Tääts ojts may ja Jesús t'ëxmatstë mëti'ipë ënäty të tjapatsoontën, ets ka'ap mëët y'ëkjëtijnëtë.

Juan 6:26

Ets ja Jesús y'ëtsoowëtë: Tëy miits nëëmëtë, paaty xy'ixta'atës ko ojts ku'uxyë mkaytyë; ka'ap yë'ëjëty ko miits xy'ixtë ja mëj'ajtën.

Lucas 16:14

Ja fariseë ja'ayëty mëti'ipë ja meeny yi'iyë y'atsojktëpën. Tam ënäty tmëtowtë, paaty ja Jesús je'eyë nëxik tukxiktë.

Lucas 12:15

Näyjyëtu'un y'ënäny: Näkyëwent'atëtë ets ka'ap tii xy'atsoktëty, ka'ap yë'ëjëty yajjuuky'äty ko tii may'äämpy yajmëëtëty.

Hageo 2:6

Ëjts tsojkës nyajyu'kxa'any yë naaxwiinyëtë ets tsajp, yë mejy ets mëti'ipë ta'tspëkyën.

Isaías 66:17

Jëtu'un yë Wintsën y'ënä'äny: Mëti'ipë näyaj'ëmaay'ijtëpën ets näpyujëpën ko t'ëwtata'any ja wiink tios jampë pëjykyamjotm yajpaatyën, mëti'ipë pyaye'epyën ja tu'u itkujkpyë nyijkxyën, mëti'ipë tsyu'typyën ëtsëmtsu'utsy, tsuk tsu'utsy ets wiinkëtypë jëyujk ka'apë yajtsu'utyën, tu'ktonyë nëjkx kyutëkooytya'atë, jä'ä ko nija'apës wi'ix myäytyën tyajtën ets wi'ix tii tuntën.

Salmos 10:3

Yë ëxëëk ja'ay oy tnimëtyä'äky kë'ëm mëti'ipë tsyojkpyën; ja'ay mëti'ipë atsojkpën pyojkpy ets y'ixtijpy yë Tios.

Génesis 1:20

Ënät yë Tios jatëkok y'ënäny: wä'än tjää'aty winëjaty jëyujk jap nëëjoty ets wä'än tjää'aty näjyëtu'un yë joon jëyujk mëti'ipë kääkjëtijtëpën naaxwiinkëjxy. Jëtu'un tyuunë jyajtë.

Levitico 11:28

Näyjyëtu'un pën muum yajpëtë'kpyën jëtu'unpë jëyujk'ooky, kopkpëky ko yë wyit tpujëty ets jëtu'un wyë'ëmëty ëxëëk koonëm kyootsëty, jä'ä ko miitsëty ëxëëk mëpaat tääpë jëyujk xytyijtë.

Levitico 11:30

Tä mëti'ipë yajtijpën kujoy, nëtoky, mëjnëë jëyujk, të'ënytyik ets tsuxk kujoy.

Proverbios 30:28

Yë mutsk tik, mutsk yë'ë, jëtu'unyë tyëkoy kë'ëjootjoty, ets ja'ajtp jampaat ma yajkutujkpë y'ëne'emyën.