Levitico 11:24 - Biblia Mixe de Quetzaltepec

²⁴ E miitsëty ëxëëk nëjkx mwë'ëmtë: Ko pën tonëty yë jëyujk'ooky, ets jëtu'un tyimkutsu'ujëty.

Levitico 11:24 ပူးပေါင်းရင်းမြစ်များ

1 Juan 1:7

E ko njuuky'ajtmëty ma jyäjy tyi'kxyën, ënät nixim niyam ja winma'any tu'knax nmëët'ajtmëty ets ja Jesukristë ja jyot nye'pyny xyajwatsmëty.

Hebreos 9:26

Ko jeexyë jyëtu'unëty, kanaak'ok jeexyë ja Kristë të y'o'knë maju'unëm tsyo'otä'äkyën ja naaxwiinyëtë. E tyaa ma ja xëëw jëmëjt ntuk'ijt ntuktsëna'ayëmën, tëë tu'k'ok ja Kristë myiny ets xëmëkyëjxm yajpaata'any, ko të nyäxy ijxtëm tu'uk ja wintsë'kënën mëti'ipë ja poky jyëpëkäämpyën.

Colosenses 2:20

Ko ja Kristë të xymyëpëktë, jëtu'un tpaaty ijxtëm jeexyë miits të m'ooktën mëët ja Kristë, ka'ap m'ëk'ijnëtë ma ja ku'oypyën mëti'ipë yaa naaxwiinyëtën. ¿E wi'ix ko ënät je'eyëm mjuuky'ajt'ëtë'ëtstë ijxtëm ja ja'ayëtyën mëti'ipë ka'ap ja Tios tmëpëktën?

Efesios 5:11

Ka'ap xytyuntëty mëti'ipë ka'ap y'oyëtyën, ijxtëm mëti'ipë ja Kristë ka'ap tmëpëktën; yë'ë mtuntëp wi'ix xyajnikëxë'ëkëtyën ko ka'ap y'oyëty mëti'ipë yë'ë tyuuntëpën.

2 Corintios 6:17

Paaty näjyëtu'un ja Wintsën y'ënä'äny: Puye'eytyu'utë yë'ëjëty, ets näjyëpëkëtë, ka'ap xytyontëty ja ëxëëkpë, ets miits nkupëktëty.

1 Corintios 15:33

Këtii myajwin'ëëntëty, ijxtëm ja ayuk y'ënä'änyën: yë ëxëëk ja'ayëty yajma'tëp ja oypyë tsëna'ayën.

Isaías 22:14

Yë Wintsën mëti'ipë maaytyääyëpën winë, tëëjës xy'ënëëmë: Ëjts ka'apës tääpë ja'ayëty npokymyä'kxa'any; miits jëyëjp m'ookantëp ok yë'ëjëty. Jëtu'un y'ënä'äny ja Wintsën mëti'ipë maaytyääyëpën winë.

Levitico 11:31

Ma ja jëyujkëtyën, tyaapë ëxëëk xytyijtëty. Pën tyoompy jëtu'unpë jëyujk'ooky, kopkpëky ko ëxëëk wyë'ëmëty tu'kxëëwpaaty.

Levitico 11:8

Ya'atë jëyujkëty ka'ap mëpaat yë nyitsu'uty xytsyu'tsëtë, nijä'ä xykyatontëty ma ënäty të y'ookyën. Ëxëëkjëyujk jëtu'un xytyimtijtëty.

Levitico 11:23

E mëti'ipë yaa ka'ap yajnikäjpxyën, oy kyääkjëtitë ets jyaye'eytyë, ëxëëkjëyujk xytyijtëty.

Levitico 11:25

Pën tääpë jëyujk'ooky tyoompy, ëxëëk wyë'ëmëty, kopkpëky ko yë wyit tpujëty yajxon ets ëxëëk wyë'ëmëty jëtu'un kootspaat.

Levitico 22:4

Nitu'uk yë Aarón yë y'u'unk y'ëna'k mëpaat tkajë'kxy, mëti'ipë yë Tios të yajtukwintsë'ëkën, pën pëjkëp yë pu'uts pa'am, ëkë pën tukjënajkëp yë jyot myëjaaw ma ye'etyëjk'ajtënën. Koonëm tëy ënäty të nyäpyujy të nyäjye'etsyë ets wa'ats yajpaaty. Mëti'ipë yë o'kpë të tonyën, ëkë mëti'ipë të tonyën yë ja'ay mëti'ipë tukjënajkëpën yë jyot myëjaaw ma ye'etyëjk'ajtënën,

Levitico 5:2

Ko pën tonëty oy tii, mëti'ipë ënäty ëxëëkën, tä yë jëyujk'ookyën mëti'ipë ka'ap wya'atsëtyën. Wä'än yë'ëjëty mëti'ipë aayjoty ujtsjoty juukyajtpën, ëkë mëti'ipë ma jëën ma tëjkën ijtpën, ëkë tä yë tsa'anyën mëti'ipë ëxëëkën. Ko pën yë jëtu'unpë tonëty, ëxëëk nëjkx wyi'imy, oy ënäty të tka'ixy ëkë të tkajawë.

Levitico 7:21

Pën tu'uk yë ja'ay tyoompy mëti'ipë ëxëëkën, wä'än yë'ëjëty mëti'ipë yë ja'ay nyajtsye'ey nyasnajxëpën, ëkë wä'än yë'ëjëty mëti'ipë yë jëyujk nyajtsye'ey nyasnajxëpën, ëkë oytyiijëty mëti'ipë ëxëëkën ets ënät näjyëtu'un tsu'tspëty ja tsu'utsy, mëti'ipë të wyintsë'kën'atyën ma ja näy'ëëw'oyë näykyajpx'oyë y'ityën ets ja Tios jä'ä të yajmo'oy, jëtu'umpë ja ja'ay nëjkxëp ja yajjo'otsy ma ja nyaax kyajpnën.

Levitico 14:46

Ets jëtu'un jap tëkoty ma ënäty ja teety të tnikäjpxyën ets ëtuky y'itëty. Ëxëëk ja ja'ay wyë'ëmëty tu'kxëëw ets jëtu'un tyimkutsu'ujëty.

Levitico 15:5

Pën tyoompy ja it naaxwiinyëtë ma tääpë ja'ay të myä'äyën, nëjkxëp tpujy yë wyit ets tsyi'iwëty ets jä'ä nëjkx yajtijy ëxëëk.

Levitico 15:6

Pën jam këxwä'tsp ma tääpë ja'ay të y'u'unyën, kopkpëky ko yë wyit tpujëty ets tsyi'iwëty yajxon wa'ats ets jä'ä nëjkx yajtijy ëxëëk, tu'kxëëw jëtu'un y'itëty koonëm kyootsëty.

Levitico 15:7

Pën tyoompy ja ja'ay mëti'ipë ja myëjaaw tukjënajkëpën ma ye'etyëjk'ajtënën, kopkpëky ko wyit tpujëty ets tsyi'iwëty wa'ats ets jä'ä nëjkx yajtijy ëxëëk tyimtsu'ujëty jëtu'un.

Levitico 15:8

Mëti'ipë ënäty tukjënajkëpën ja myëjaaw ma ye'etyëjk'ajtënën ets myëku'uk tnitsujëty mëti'ipë wa'ats yajpatpën; tääpë ja'ay yajxon mëpaat yë wyit wa'ats tpujy ets näjyëtu'un tsyi'iwëty ets ëxëëk yajtijëty tyimtsu'ujëty jëtu'un.

Levitico 15:10

Pën tyoompy ma ënäty tääpë ja'ay të y'u'unyën, mëti'ipë tukjënajkëpën yë myëjaaw ma ye'etyëjk'ajtënën, ëxëëk wyë'ëmëty tsuupaat. Pën myënëjkxypyën ya'atë jëtu'unpë, nëjkxëp ja wyit twinpujy ets näjyëtu'un kë'ëm nyäpyujëtëty mëët yë nëë wa'ats ets ëxëëk nëjkx yajtijy tyimkutsu'ujëty jëtu'un.

Levitico 15:11

Pën tyoompy jaaykyë'ëpujy ja mëti'ipë ja myëjaaw tukjënajkëpën ma ye'etyëjk'ajtënën, ëxëëk jëtu'un wyë'ëmëty tsuupaat ets kopkpëky ko tpujëty ja wyit ets tsyi'iwëty.

Levitico 15:15

Tu'uk ja teety tyakëty mëti'ipë ja nëë poky tyukunaxëpën ets tu'uk mëti'ipë yajno'okëpën. Jëtu'un ënäty yajtuny, ma ja ja'ay ja näypyuj näjyä'ätsë tpaatyën Wintsën wintum, mëti'ipë ja myëjaaw tukjënajkëpën ma ja ye'etyëjk'ajtënën.

Levitico 15:21

Pën jam najxp ma ënäty yë'ë të myä'äy të pyo'kxyën, kopkpëky ko wyit tpujëty ets kë'ëm nyäpyujëtëty wa'ats mëët yë nëë ets ëxëëk wyë'ëmëty tyimkutsu'ujëty jëtu'un.

Levitico 15:22

Pën tyoompy ja ënyääypyäjn, ma ënäty yë'ë të y'u'unyën, kopkpëky ko wyit tpujëty ets kë'ëm nyäpyuj nyäjyä'ätsëtëty wa'ats mëët yë nëë ets ëxëëk wyë'ëmëty tyimkutsu'ujëty jëtu'un.

Levitico 15:23

Pën tyoompy ma ënäty ja to'oxytyëjk të myä'äy të pyo'kxyën, ëkë ma ënäty të y'u'unyën, kopkpëky ko ëxëëk yajpaatëty ets jëtu'un tyimkutsu'ujëty.

Levitico 15:27

Pën ya'atë tyoompy, ëxëëk nëjkx wyi'imy, kopkpëky ko yë wyit tpujëty ets kë'ëm nyäpyujëtëty mëët yë nëë ets ëxëëk nëjkx yajtijy tyimkutsu'ujëty jëtu'un.

Levitico 16:26

E ja ja'ay mëti'ipë ënäty ojts të tnajtsmatsën ja tsajppax jam të'ëts itjotm, mëti'ipë ja Azazel jyä'ä'ajtypyën, yajxon ja wyit tpujëty wa'ats ets näjyëtu'un kë'ëm nyäpyuj nyäjyä'ätsëtëty wa'ats, täänëm tyëkëty ma ja naax kajpnën.

Levitico 16:28

Ja ja'ay mëti'ipë ënäty të tnino'okyën, kopkpëky ko nëjkx ja wyit tpujy tje'etsy ets wa'ats tsyi'iwëty xyëtsëty, täänëm tyëkëty ma ja naax kajpnën.

Levitico 22:5

ëkë mëti'ipë të tonyën yë ëxëëkjëyujk, ëkë ja'ay mëti'ipë ënäty ëxëëk yajpatpën, ets ja myëku'uk näjyëtu'un të tyaj'ëxëëkë.

Levitico 22:6

Ëxëëk nëjkx yajtijy tyimtsu'ujëty jëtu'un ets ka'ap tjëkyäpëty tjë'kxëty, mëti'ipë wa'atsën, pën ka'ap jëyëjp nyäpyujy nyäjye'etsyë.

Números 19:7

Ko ënäty jëtu'un të tuunta'ay tääts ja wyit tpujëty ets tsyi'iwëty xyëtsëty wa'ats. Täänëm tyëkëty kajpnjoty oy ëxëëk y'ëkwë'ëmëty, tyimkootsëty jëtu'un.