Levitico 11:20 - Biblia Mixe de Quetzaltepec

²⁰ Näyjyëtu'un mutskjatyëtypë jëyujk, mëti'ipë kääkëtijtëpën ets mëti'ipë ye'eytyëpën, ëxëëk mëpaat xytyijtë.

Levitico 11:20 ပူးပေါင်းရင်းမြစ်များ

Judas 1:19

Je'eyë tyajnäwya'kxa'anëtë ja mëpëjkpëtëjk, yi'iyë tyunantëp ja ëxëëkajtën, ka'ap ja Kënu'kxymyëkajtën tmëët'atë.

Judas 1:10

E tääpë ja'ayëty ëxëëkjaty nimëtya'aktë mëti'ipë ka'ap nijawëtën. Jëtu'un yë'ëjëty ijxtëm ja jëyujkën, ka'apë jyä'äkyukëtën, jëtu'unts ëxëëktum nyäyajka'ajëtë.

2 Timoteo 4:10

Ja Demas, tëëjës ja xynyikäknë, mëti'ipë yi'iyë tsyojkën'ajtypyën yaapë naaxwiinyën, tëë ja tsyo'onë ets të nyëjkxnë jam Tesalónica. Yë Crescente jam të nyijkx Galacia y'itjotm, e yë Tito të nyijkx jam Dalmacia y'itjotm.

Mateo 6:24

Ka'ap pën myëta'akëty, nimäjtsk ja wintsën tmëtunëty. Jä'ä ko tu'uk nëjkx t'oyjyawë ets tu'uk ka'ap, tu'uk nëjkx tmëjpëjktä'äky ets tu'uk ka'ap. Näyjyëtu'un miitsëty, ka'ap tjëkyepy yë Tios xymyëtuntëty ets näjyëtu'un mkumeeny'atantëpëty.

Salmos 17:14

Mëët yë mëk'ajtën, Wintsën, yajpëtsëëmkës jap ma yë'ëjëtyën. Wä'än yaa tyajpaatë naaxwiiny ma kyuma'ayën të yajmo'otën. Wä'än näyajkumeenytya'akëtë ets wä'än yë y'u'unk tkaytyë t'uuktë ku'uxyë koonëm pyëjwa'kxtëty ets jyaak natëkëty mëti'ipë y'ok'u'unk y'ok'ëna'k tyukjë'kxëpën.

Deuteronomio 14:19

Tëkokyë yë tsukts aak ëxëëk yë nyäxy, ka'ap mëpaat xytsyu'utstë.

Levitico 11:27

Oymyëti'ipë jëyujkëty mëti'ipë taxk yë tyekyën, ko tyänë, yë'ë tyuktënääpy yë tyeky, jä'ä xytyijtëty ko ëxëëkjëyujk yë'ë. Pën jëtu'unpë ja jëjuyjk'ooky tyoompy ëxëëk wyë'ëmëty tu'kxëëwpaaty.

Levitico 11:23

E mëti'ipë yaa ka'ap yajnikäjpxyën, oy kyääkjëtitë ets jyaye'eytyë, ëxëëkjëyujk xytyijtëty.

Hechos 10:14

Tääts ja Pedro y'ëtsooy: Ka'ap, Wintsën. Nijëna'ajës ëjts nkatsu'uty mëti'ipë ëxëëkën ets mëti'ipë ka'ap mëpaat yajktsu'utsyën.

Levitico 11:19

yë poop wojny, yë yëkwojny, yë nëëkëtsey ets tëëxy.

Levitico 11:21

E mëti'ipë kääkëtijtëpën ëkë ye'eytyëpën ets muky yë tyeky tmëët'atë, näjyëtu'un yë kyë'ëjëty ets jëtu'unyë pyujtë'ëktë, jyëkyäpëp xytsyu'utstëty.