Levitico 10:7 - Biblia Mixe de Quetzaltepec

⁷ Këtii jam mjëwa'aktëty ma tëjkëtyaknën ma wit tëjkën ma näpyaatë y'ityën, këtiipë m'ooktëty, jä'ä ko miitsëty kënu'kxy yë m'ijnëtë mëët ja on mëti'ipë winë yajtukkënu'kxpën. E jëtu'un ojts tjantytyuntë, tä ënäty ja Moisés të tni'ënä'ämën.

Levitico 10:7 ပူးပေါင်းရင်းမြစ်များ

Levitico 21:12

Ka'ap mëpaat jap nijëna'a tsyoony ma ja Tios ja jyëën tyëjkën ets ka'ap mëpaat t'ëxëëktuny. Jä'ä ko ma yë'ëjën yë'ë jam ja on të yajpëjktä'äky ma kyëpajkën, mëti'ipë mëët winë yajtukkënu'kxyën mëti'ipë ja Tios jyä'ä'ajtypyën.

2 Corintios 1:21

Tios tëë tuknipëjktaakë ets ëëtsëty mëët miitsëty tu'ukyë nyajpatmëty mëët ja Kristë, ets kënu'kxy nwë'ëmëty.

Levitico 8:30

Ënät ja Moisés ojts tpëjkë'ëky ja on wäänë, mëti'ipë mëët winë yajkënu'kxyën ets näjyëtu'un ja ne'pny mëti'ipë ënäty jamën ma ja wintsë'këntyaknën, tä ojts tuknixijkxy ja Aarón ets ja y'u'unk y'ëna'k, näjyëtu'un ma ja wyitëtyën, mëti'ipë myëteety'ajtëpën, jëtu'un ojts ja Aarón yajkënu'kxtë mëët ja y'u'unk y'ëna'k ets ja wyit tyujkxyëty.

Éxodo 28:41

Jëtu'un xyoxëty ja m'ajty Aarón ets ja y'u'unk y'ëna'k ets xytyukkujaaxëty ja waaytsyooy ma kyëpajkën ets xymyëtuntëtyës jëtu'un tä teetytyëjkëtyën.

Hechos 10:38

Mnija'awëtëp näjyëtu'un ko ja Tios tmooy ja Jesús ja Kënu'kxymyëkajtën mëët ja mëk'ajtën, ets ko ja Jesús tuuny ja oypyë ko jyëtijty naaxwiiny ets tyajtsoky ja ja'ay ni'ëmukë mëti'ipë ënäty ja mëjku'u yaj'ëyoowëtëpën. Jëtu'un ojts ya'atë tuny jä'äkyëjxm ko ja Tios mëët yajpaaty.

Lucas 9:60

Ënät ja Jesús y'ëtsooy: Wä'än yë ja'ay tyajnaaxtëkëtë yë y'o'kpë mëti'ipë näjyëtu'un ookantëpën; mijts minmës ets xykyajpxwa'kxëty ja Tios ja kyutujkën.

Levitico 8:12

Tä ja Moisés tukuja'axnë ja kënu'kxy on ja Aarón ets ojts tukmëkënu'kxë ja teety'ajtk.

Éxodo 30:30

Näy yë'ë ya'atë nëjkx xytyuknixijkxy yë Aarón ets y'u'unk y'ëna'k, jëtu'un nëjkx xykyënu'kxy ets yë'ë tyeety'atëty etsës xymyëtuntëtyës,

Levitico 10:8

Ojts yë Tios näjyëtu'un tmëkäjpxy yë Aarón ets t'ënëmaay:

Éxodo 29:7

Tääts xypyëjkë'ëkëty ja on mëti'ipë yajtukkënu'kxpën ets xykyënu'kxëty ja Aarón ko tyeetyëjkënë, jam kyëpajkëjxm jam ja on xykyëxtämëty.