Levitico 10:6 - Biblia Mixe de Quetzaltepec

⁶ Ënät ja Moisés t'ënëmaay ja Aarón ets ja myaankëty nimäjtskpë, mëti'ipë xyëëwajtëpën Eleazar ets Itamar: Këtii yë mwaayëty xynyajtsmatsëtëty ets ni mkanänyikëëts mkanäy'ixkëëtsëtëty ko pën y'ookëty tyëkoyëty, këtiipë yë'ë mtukjoot'anpëkëtëty ets m'ëk o'knëtëty. Mëti'ipë tëy mëpaat yë naax kajpn mëk tjawëtë yë'ë ko yë Tios të jyoot'anpëky ets të tyajkëtä'äky ya'atë jëën.

Levitico 10:6 ပူးပေါင်းရင်းမြစ်များ

Josue 22:18

¿Këtiijën mjotkëta'aktë mëët tääpë nëë pokyë? Paaty wiinkpë xytyuun'ëtë'ëtstë ets Wintsën ni'ikyë xymyëjëkämkä'äktë. Pën miitsëty mkäjpxykyumëtoownajxtëp yë Wintsën, jëpom tëë ënäty tnatukjoot'anpëjktaaynyë tëkokyë yë Israel ja'ayëty.

Josue 7:1

Tu'uk yë ja'ay mëti'ipë xyëëwajtypyën Acán yë'ë Judá jyä'äy, yë myaank yë Carmí, y'ok'u'unk yë Zabdí ets Zara, ojts kanaak winë tmënëjkxy ma tyëjkën mëti'ipë ënäty yë Tios të tni'ënä'ämën ets kyutëkoyëty, e mëët ko ojts toonpë mëti'ipë ënäty ja Wintsën të tnikäjpxyën ets kyutëkoyëty, tëkokyë ja Israel ja'ayëty ojts pyokytyëëmë'kta'atë. Yë Wintsën ojts tyukjoot'anpëkëtë.

Números 16:22

E yë'ëjëty koxtänë kyëtaktë ets tmënu'kxtaktë ja Tios, t'ënëmaaytyë: Tios mijts mëti'ipë juukyajtën myäjkpyën ets xymyooytyä'äy yë ja'ay, ¿tii tëkokyë yë ja'ay xytyimtukjoot'anpëjkta'ay ets tu'uk je'eyë mëti'ipë pokytyuunpën?

Números 1:53

E yë Leví ja'ayëty yë'ë nëjkx tnatsëënëtë yë Tios yë wyittëjk ets yë'ë kyëwent'attëp, këtiipë yë Tios tukjoot'anpëkëty yë Israel ja'ayëty.

2 Samuel 24:1

Ënät ojts ja Wintsën jatëkok tukjoot'anpëky ja Israel ja'ay, ko ja David tëkatsy ja winma'any tpaty ets ni'ënä'ämëy tkëxjaaytya'atëty tëkokyë jënu'un ja ja'ay jam yajpaatën ma ja Israel ets ja Judá kajpnën.

Josue 22:20

Ja'amyätstë ko yë Acán yë Zara myaank ojts yë Tios tmëtëkoy ko ojts tyu'utsy mëti'ipë ënäty ja Wintsën yë'ë të yajtuknipëjktaakën ets mëët yë'ëkyëjxm tëkokyë ja Israel kajpn y'ëyo'onpataay. Tääts yajja'akyukë ko yë Acán ka'ap y'atu'ukëty je'eyë ja pyoky tku'o'këy.

Levitico 13:45

Ko pën yë pu'uts pa'am pyëkëtëty, yë'ë mëpaat yë wit tpëjktä'äky mëti'ipë këëtsën ets niwa'ats yë kyëpajk tyaj'itëty, wäänjaty wiinkujuuxë yajpaatëty ets mëk y'ëna'anëty: Ëxëëkës. Ëxëëkës.

Números 18:5

Miits jëtu'un mpatëtëp ya'atë tuunk xyajtu'uye'eytyëty, mëti'ipë jap ma ja Tios ja wyittëjkën ets näjyëtu'un ma wintsë'këntyakn yajkëwentë'atyën. Jëtu'un'äämpy ka'ap n'ëktukjoot'anpëjknëtyës yë Israel ja'ayëty.

Miqueas 1:16

E mijts Sión kajpn, nëkä'pta'a yë mkuwaay ets xyaj'ixëtëty ko ëxëëk mjaty mkëpety, mëët ko të m'ëxëëktunyë yë m'u'unk m'ëna'k mëkpë xytsyokyën. Jëtu'un mnäkyukääpëtëty tä majkwejkxyën, jä'ä ko yë m'u'unk m'ëna'k wiink naax wiink kajpn tsumy matsy yajmënëjkxa'antë.

Jeremias 7:29

Miitsëty Jerusalén ja'ayëty, nëkä'pta'atë yë mkuwaayëty ets xy'ixpotstëty. Ëw tu'uk yë ëy mon tukpë jam tunkëjxm të'ëts'itjotm, jä'ä ko yë Wintsën tëë tukjoot'anpëky yë mja'ay, tëë tnike'eky ets tëë t'ëxmatsy.

Josue 7:11

Yë Israel ja'ayëty poky të tuntë, jä'ä ko ka'ap të tmëjpëjkta'aktë ja käjpxytyu'unën. Tëë tmënëjkxtë ma jyëën tyëjkëtyën mëti'ipës ënäty të ntuknipëjktaakën xyajkutëkoytyëty, tëë tontë tmäätstë ets t'apëjkmuktë mëët ma winë tyaj'itën mëti'ipë jyä'ä'ajtëpën.

Deuteronomio 33:9

Mëti'ipë y'ënëmaayën ja tyeety tyaak miitsëty ka'ap n'ixy'atë, t'ënëmaay ja myëkä'äxtëjk miitsëty ka'ap nijawëtë mpënmës jëtu'unëty, ets t'ënëmaay ja y'u'unk y'ëna'këty: Nkatimnyija'awëtëp miitsëty mpënmës jëtu'unëty. E tii ko jëtu'un y'ëtëtstë, yë'ëkyëjxm ko ënäty jä'ä xëmë tmaytyë tajtë ja m'aaw m'ayuk, ets ko ënäty yi'iyë xëmë timtyuunk'atë ja käjpxytyu'unën mëti'ipë yë'ëjëty mëët të xytyunyën.

Números 14:6

E ja Josué ets ja Caleb mëti'ipë ënäty ojts ja naaxwiinyëtë të t'ixtën, ja wyitëty mëti'ipë ënäty myëët'ajtëpën yajxon tukë'tsëtyääytyë, mëët ko ëxëëk nyäyjyawëtë,

Números 5:18

Ets ja to'oxytyëjk jam wya'ak'oyëty Tios wintum ets t'ënëëmëty ko ja wyääy tnajtsmatsëty ets tmo'ojëty näjyëtu'un ja ayajk ako'onën mëti'ipë ënäty ja nyiye'etyëjk të tyäkyën, mëët ko të jyoot'anpëky. Jä'ä jëtu'un ets yajnijawëty pën janty tëë pyokytyuny. E ja teety yë'ë nëjkx tpëjkë'ëky ja nëë, mëti'ipë ta'amën, mëti'ipë myëët'ajtypyën ja poky.

Éxodo 33:5

Jä'ä ko yë Tios tyaa ënäty yë Moisés të t'ënëëmë: Ënëëmë yë Israel ja'ayëty: Miitsëty ka'ap ninu'un mkäjpxyjyä'äkyukëtë, yajxon mjanty kyujuun'atë. Koos tu'ktsojkyë nyajpaatëty ma miitsëtyën poj'am yaa nyajkutëkooytya'atëty. Paaty tyam yajjënaktë yë mtatsktëyëty, mkë'ëjiitsëty ets mnantsëmëty ets n'ixëtyës wi'ix yam miits nmëwinma'anypyaatë.

Éxodo 6:23

Yë Aarón yë'ë ojts mëët pyiky tu'uk yë to'oxytyëjk mëti'ipë xyëëwajtypyën Eliseba, yë'ë nyëëx yë Aminadab ets yë'ë yë myëkä'äx yë Nahasón, yë'ë myaank'ajt mëti'ipë ojts txëëwatën; Nadab, Abihú, Eleazar ets Itamar.

Números 20:25

Mijts Moisés, woownëjkx yë Aarón mëët yë myaank Eleazar jam kopkëjxm ma txëëwatyën Hor.

Esdras 7:5

Abisúa, Finees, Eleazar ets Aarón, mëti'ipë më''ëka'any teety'ajtën.