Levitico 10:2 - Biblia Mixe de Quetzaltepec

² Ënät ojts tsyoony ma Tiosën tu'uk yë mëj jëën ets jä'ä yaj'o'këtë. Jëtu'un ojts y'ooktë nimäjtskëty jam ma Tiosën.

Levitico 10:2 ပူးပေါင်းရင်းမြစ်များ

Números 26:61

Nadab ets Abihú ojts y'o'knëtë, mëët ko ojts kë'ëmwinma'any tyaktë ja wintsë'kën jam Wintsën wyintum.

Números 16:35

Ojts yë Tios näjyëtu'un tkukäjxnaxy yë jëën mëti'ipë yaj'o'ktaayën nimäjtsk mëko'px ja wëxtyikxy majkpë ja ja'ay, mëti'ipë ënäty të tno'oktën ja poom.

Levitico 9:24

Jëtu'un kyëtäky, tä tu'uk yë mëj jëënyä'änkën ets ojts tukëtä'äky ja jëyujk'ooky ets tyajtooykyëtaktaay tu'kë'ëyë jënu'un ënäty jamën ma ja wintsë'këntyaknën. Ko jëtu'un yaj'ijxy ënät yë Israel ja'ayëty tyëjkëtyë yaxjpë jojkpë mëët ja xoontakën ets tëkokyë nyäjyijtaktaayëtë naaxkëjxy ets ojts ja Tios t'ëwtatë, mëët tu'uk ja näwyintsë'ëkë.

2 Samuel 6:7

E ja Wintsën wiink ojts t'ixy, paaty tukjoot'anpëjky ja Uza mëët ko ënäty të tmajtswë'ëmpë ja kaaxë ets jämyë y'o'këtäky winkon ma ja kaaxën.

1 Corintios 10:11

Paaty jëtu'un jyajtë ja n'ap'ajt n'ok'ajtëm ets ja ijxpäjtën wyë'ëmëty ma ëëts'ajtëmë ets ojts yajkuja'ay ma ja Tios ja y'aaw y'ayukën ets nnija'awëmëty ma tyam njaakjuuky'ajtëmën ma ja xëëw kyëxanën.

Hechos 5:10

Tääts ja to'oxytyëjk ooky tyimnakëtäky jam ma ja Pedro tyeky'ëjxën. Ko ja ëna'ktëjk tyëjkëtyë, ooky ja to'oxytyëjk jap tpatë. Tää tyajpëtsëëmtë, ets ojts nän jam tnitajëtë ma ënäty ja nyiye'etyëjk të nyaaxtëkën.

Hechos 5:5

Je'eyë ja Ananías jëtu'un tmëtooy, ooky tyimnakëtäky. Ets mëti'ipë y'ijxtën nyija'awëtën, ni'ëmukë tsyë'këtyë.

Isaías 30:33

Tëëyëp yë Asiria ja'ayëty ets kyutujkpëtëjkëty ojts yajtuknipëjktaakëtë yë ëyoowtakn mëjpë ets këkpë, tu'uk ja o'ktakn ma nyitoytyëtyën mëët ja ja'axy kepy. Yë Wintsën wyimpiixëjäämpy yë jëënmëët ja azufre.

1 Crónicas 24:2

E jä'ä ko Nadab ets Abihú ojts y'ooktë tyëkoytyë, jëyëjp ma ka'anëm ja tyeetyëty ënäty y'ookynyëmën, paaty yë Eleazar ets Itamar ojts jä'ä tmëwë'ëmtë ja tuunk ma ja teety'ajtkën.

1 Crónicas 15:13

jä'ä ko ojts tëkok jyayajmëtsoona'any, ka'ap myiitsëty xymyëtso'ontë, paaty yowë ojts yë Wintsën jyoot'anpëky ets ojts ja nmëku'uk'ajtëm y'o'knëtë jä'ä ko ka'ap ojts jëyëjp ja Wintsën yaj'amëtoy wi'ix yajtunëtyën.

1 Crónicas 13:10

E ja Wintsën wiink ojts t'ixy ko ja Uza ja kaaxë toony Tios wintum, paaty tim jämyë tyaj'o'ky.

2 Reyes 1:12

Tä ja Elías y'ëtsoowinpijty: Pën ëjts käjpxynyajxpë, wä'än tu'uk yë jëën jam tsoony tsajpwinm ets mijts mnino'okëtëty mëët niwëxtyikxymyajk ja mtuunpë. Ets ënätyë ja jëën jyänty kyëtäky ets tyajnitooytyääy.

2 Reyes 1:10

Tä ja Elías y'ëtsooy: Pën ëjts käjpxynyajxpë, wä'än jëën tsoony jam tsajpjotm ets wä'än myajnitoyë mëët niwëxtyikxymyajk yë mtuunpë. Tä poj'am ja jëën jam kyutëjkëy tsajpjotm ets yajnitooyëtë.

1 Samuel 6:19

E ja Wintsën ojts tyaj'o'knë ja ja'ayëty jampë kyukajpn'atën Bet-semes, mëët ko ënäty të kyu'ixëtë jap kaaxëjoty kë'ëmwinma'any. Jä'ä y'o'ktë ja ja'ayëty oy nitëkë'px majkën. Ja naax kajpn mëk tja'awëtyë mëët ko ënäty ja Wintsën të tyajkutëkoy ja mayjyä'äy ko tukjoot'anpëjky.

Números 16:49

Jä'ä ënäty yë ja'ayëty të nya'o'knëtë majkmajkts mil ja wëxtujk mëko'px. Yi'iyë mëti'ipë ënäty tsojk'am të y'ooktën, ëpëky ja mëti'ipë të y'o'ktëpën ma ja Coré ojts ja Moisés tmëtsiptsoonyën.

Levitico 16:1

Ok ma ënäty ja Aarón nimäjtsk ja y'u'unk të y'ooktën, mëët ko kë'ëmwinma'any të tninëjkxtë ja Tios, ojts ja Tios tmëkäjpxy ja Moisés,

Levitico 10:5

Ënät ojts myintë ets twinpijtë ja o'kpë mëët yë wyitëty, jam ojts tmënëjkxtë kajpnpë'am, jëtu'un tä ënäty ja Moisés të y'ënë'ëmxëtën.

Éxodo 24:1

Ënät ja Tios t'ënëmaay ja Moisés: Pät jam maas tyam nyajpaata'anyën, mëët yë Aarón, Nadab ets Abihú ets mëjja'aytyëjkëty oy nitëkë'px majkën, mëti'ipë nyimëjja'ay'ajtëpën yë Israel ja'ayëty, najëkämtëkë mtänëtëty ets mnäkyoxtënaaytya'akëtëty.

1 Reyes 18:38

Tyam kyajpxta'ay, tyam ja jää kyupëmiimnaxy ma ja wintsë'kën ënäty jam y'ityën ets tyajtooytyëkooytyääy, wä'än yë'ëjëty ja kepy tsaa, pujxm naaxway, ja nëë mëti'ipë ënäty jam të kyutä'ämëtyääyën ma ja nëë'atu'ujën wa'ats ja tyajtëtstaay.

Job 1:16

Tam ënäty kyamëtyakta'aynyëm ya'atë ja'ay ko wiinkpë myiiny ets y'ënäny: Tëë ënääw tyukëtä'äkyë yë kupixyny ets mëti'ipë kupixyny këwent'ajtëpën tëë y'o'kta'atë. Ëjtsyë të njake'eky etsës nikajpxa'any ma mijtsën mëti'ipë të tyuny të jyätyën.

Salmos 50:3

Yë nTios'ajtëm tää myiny wyinkony, ka'ap Amón api'its myiny: jëënmëët myiny mëti'ipë winë yajtooytyëkoopyën, ets wyintuuy pyë'aay mëk tuu mëkpoj mëët ye'ey.

1 Reyes 13:28

Ënät ja mëjja'aypyë käjpxynyajxpë ojts nyijkxy, ma jam ja o'kpën, tu'ujotm tpaty, tamnëm nyatänëty ja kaa ets ja krukts. Ja mëj kaa ka'ap ënäty tsu'utsynyëm ja o'kpë, nän ka'ap ënäty wi'ix të tuny ja krukts.