Levitico 10:19 - Biblia Mixe de Quetzaltepec

¹⁹ Tä ja Aarón ojts y'ëtsoyë: Ëk'ix yë'ëjëty tëë yë wyintsë'kën tyaktë mëti'ipë poky kyunajxypyën ets tëë näjyëtu'un ja jëyujk tyajnitoytyë Wintsën wintum, ëjts tëëjës näjyëtu'un njaty nkëpety tä yë'ëjëty tyam të jyatën. Kooxyëp jeexyë y'ëjtsëty yë tsu'utsy të n'ëktsu'utsy mëti'ipë të wyintsë'kën'atyën ma ja poky yajtukkunaxyën ¿wä'änxyëp jeexyë yë Tios oy të tjawë?

Levitico 10:19 ပူးပေါင်းရင်းမြစ်များ

Levitico 9:12

Aarón ojts näjyëtu'un tyo'kumy ja jëyujk mëti'ipë ënäty yajnino'okaanpën, tä ja y'u'unk y'ëna'k tmëmiintë ja ne'pny ets ja Aarón ojts txijkxjëtity jam ma ja wintsë'këntyakn ja pya'ajën.

Levitico 9:8

Ënät ja Aarón ojts tmëwinkony ja wintsë'këntyakn ets ojts tyo'kumy ja tsajpkaa mëti'ipë ënäty ja pyoky tyukunaxäämpyën.

Malaquías 2:13

E miitsëty ni'ikyë winë xyjyaak timtyuuntëkoytyë: mwiinnëë jam mtäämnëtëp mjä'tsnëtëp ma wintsë'këntyaknën ets xy'ënëëmëtë yë Wintsën ko tii ko tka'ëk'ëxajënë yë wintsë'kën mëti'ipë yajmoopy yajkäjxpën.

Malaquías 1:13

Miitsëty jëtu'un m'ëna'antë: Tëës nmëtsipkä'äxnëtë tu'kë'ëyë ya'atë. Xy'ixtijnëtëpës. Ets ni'ikyë mmaytyë mtajtë ko ntukxoontäkpyës ko xymyëmintë ja kupixyny ëkë ja tsajpkaa mëti'ipë meetsyën ëkë tekymya'atën ets jä'ä xytyukwintsë'ëkëja'antës

Malaquías 1:10

Jääpëk jeexyë jam pën pyëtsimy ma miitsëtyën mëti'ipë tsajptëjk yaj'ëtukëpën, këtiipë pën tyajmëjëty jap yë jëën maas yë nwintsë'këntyaknën. Jä'ä ko ka'apës jotkujk näjyawëty mëët miitsëty ets ka'apës jëtu'un n'ëkupëkanë yë wintsë'kën mëti'ipë myajktëpën.

Oseas 9:4

ka'ap t'ëk uukanë yë tsatym nyëë tëpë nyimaanaxyën mëti'ipë Wintsën yajtukmëjja'apën ets nän ka'ap t'ëktukwintsë'ëkëjanë jam yë wintsë'kën. Ja tsajpkääky mëti'ipë kyäyäämpyën jëtu'un tkayä'äny tä ja'ay y'o'kpë nikayën ets pën ënäty kyääytyëpën ëxëëk wyë'ëma'antë, yë'ë nëjkx tkaytyë tääpë tsajpkääky ets ka'ap nëjkx tjëkyepy tmënëjkxtë ma Wintsën tsyajptëjkën.

Jeremias 14:12

Yë'ë oy jënu'un y'ayuu'atëty, ëjts ka'apës nmëtowanë y'aaw y'ayuk, oy jënu'un tmëminëty aaypyajk ujtspajk ëjts nwintuuyës ets wintsë'kën nino'oky nixämpyë nkatimnyi''ijxë'ëkäämpyës. Nyajkutëkoyäämpyës mëët yë tsip, mëët yuu xëëw, mëët yë pa'am ëyo'on.

Jeremias 6:20

¿Tiijës ko xytyuknimintë yë poom mëti'ipë jam Sabá të xymyëtsoontën ets aay ujts mëti'ipë pa'akxu'kpën, mëti'ipë tso'onpën wiink kajpn? Ëjts ka'apës yë'ëjëty n'oyjyawë ja wintsë'kën no'okpyë xämpyë ets wiinkëtypë wintsë'kën.

Isaías 1:15

Ko mkë'ë xyajjë'ëktë ets mkajpxta'aktë, ëjts jëkämës nnas'ixë; oy jënu'un mkajpxta'aktëty kanaak ok, ëjts ka'apës nmëtoy; jä'ä ko miitsëty ujts ja mkë'ë m'aawëty mëët ja jot ne'pyny.

Hebreos 9:8

Mëët ya'atë ja Kënu'kxymyëkajtën tyajknikëxë'ëky ko ja Tios twintsë'ëkëtë ma ja mëjëwyiimpë tëkotën, ka'anëm ënäty nyikëxë'ëkynyëm wi'ix ja ja'ay tyëkëtëty ma txëëwatyën ni'ik wa'atspë ja tëkot.

Hebreos 7:27

Ka'ap jyëtu'unëty ijxtëm ja wiinkëtypë ja teety wintsënëtyën jëpom jëpompë tyaktën ja wintsë'kën ko pyokytyuntë, ets ko ja naax kajpn näjyëtu'un pyokytyuntë. Jesús tu'k'ok ojts je'eyë twintsë'ëkë ja Tios ko ojts yë'ë kë'ëm wyintsë'kën'aty ets ja ja'ay ja pyoky ojts nimä'kxtaayë.

Filipenses 4:4

Tukxoonta'aktë ja Kristë xëmë. Njaaknikäjpxyës ets mxoonta'aktëty.

Isaías 1:11

Jëtu'un yë Wintsën y'ënä'äny: ¿Tiijës nyajwa'anëty yë wintsë'kën oy jënu'un may xyajmintë? Tëës xynyatsijpnë ja wintsë'kën nino'okpyë xyaktën, tä yë kupixynyën, tsajpkaajën ets tsajppaxën, ëxëëkës n'ixy yë jëyujk ne'pny.

Deuteronomio 26:14

Ma ënäty pën të y'ookyën ets je'eyë ja monyëtukyë y'ity ets pën näjya'awëyëpës, ko tëëjës ja ëxëëkpë xypyääty ja pëjktä'äky ka'apës nëkoo të ntony. Ets ni o'kpë të nkatukwintsë'ëkës. E paaty yam n'ënëëmë mijts Wintsën, ko tëë nmëmëtoy ets tëëjës ntuny tääjës mijts të xytyuk'ëne'emyën.

Deuteronomio 12:7

Jam mkaytyëty m'uuktëty ma ja mWintsën Tiosën ets mëët ja m'u'unk m'ëna'këty ets ja mjëëky mëku'ukëty, nëjkxëp xytyukxon xytyuk'itë ja mjë'kxy mpëkyëty mëti'ipë ënäty të y'ity të wyintëyën ets ja mWintsën të tkënu'kxyën.

Levitico 10:20

Ko yë Moisés jëtu'un tmëtooy, ënät ojts jatëkok jyotkujkë.