Levitico 1:5 - Biblia Mixe de Quetzaltepec

⁵ Jam Tios wintum jam ja tsajpkaa tyo'kumëty, ënät ja Aarón ja y'u'unk y'ëna'k mëti'ipë teety'ajtëpën tyaktëty ja tsajpkaa ne'pny ma Tiosën ets ënät ok txijkxjëtitëty ma ja wintsë'këntyakn ja pya'ajën, mëti'ipë jamën ma ja wit tëjk yajnitëkën, mëti'ipë Tios tyëjk'ajtypyën.

Levitico 1:5 ပူးပေါင်းရင်းမြစ်များ

Levitico 3:8

Jam ja kyë'ë tkëxkonëty ma ja kupixyny ja kyëpajkën ets ënät ok tyo'kumëty jam wintum ma ja wit tëjkën ma Tios kyëtä'äkyën, tääts ja teetytyëjkëty txijkxjëtitëty ja ne'pny ma ja wintsë'këntyakn ja pya'ajën.

Levitico 1:11

ets xyo'kumtëty anëkëjxytsyow ma ja wintsë'këntyaknën, jam Wintsën wyintum. Yë Aarón yë y'u'unk y'ëna'këty mëti'ipë teety'ajtëpën yë'ë myënëjkxtëp ja ne'pny ets txijkxjëtitëty ma ja wintsë'këntyakn ja pya'ajën.

Levitico 3:2

Pën ja ayajk ako'onën yäjkpyën jam ja kyë'ë tkëxkonëty ma ja tsajpkaa ja kyëpajkën mëti'ipë ënäty ja Tios tyukwintsë'këpën ets jam tyo'kumëty ma ja wit tëjk yajnitëkën, ma ja Tios jap kyëtä'äkyën; ënät ja teetytyëjkëty jam txijkxjëtitëty ja tsajpkaa ne'pny ma ja wintsë'këntyakn ja pya'ajën.

1 Pedro 1:2

mëti'ipëjaty ja Tios Teety ojts wyinwitsëtën tëëyëp ijxtëm yë'ë të tuknipëjktaakën. Ja Tios ja myëk'ajtën miits të mwinma'anymyo'ojëtë ets xymyëmëtowtëty ja Jesukristë ets wa'ats mwë'ëmtëty mëët ja nye'pyny. Wä'än ja Tios ni'ik mmo'ojëtë ja kënu'kxën ets ja jotkujk'ajtën.

Hebreos 12:24

tëë ja Jesús xymyëwinkontë, mëët ko ja Tios të tuny ja jempyë käjpxytyu'unën ja Jesús mëti'ipë nye'pyny y'ëxmajtsën ko ojts tyäxy jyä'äy ets wäänë oy nimëtyä'äky këtiinëm ja Abel ja nye'pyny.

2 Crónicas 35:11

Tä tyaj'o'ktë ja jëyujk mëti'ipë ja ëmaayxyëëw tyukmëjjawëjantëpën; ja Leví ja'ayëty jä'ä yaj'o'ktë ja jëyujk e ja teetytyëjkëty jä'ä ja ne'pny xyijkxjëtijtëp jam ma wintsë'këntyaknën mëti'ipë ja Leví ja'ayëty yajktëpën.

Levitico 3:13

jam yë kyë'ë tkëxkonëty ma kyëpajkën ets ënät ok tyo'kumëty jam tëjk'ëkë'ëm ma ja wit tëjkën. Ja teetytyëjkëty yë'ë nëjkx jam txijkxjëtitë ja nyine'pny ma ja wintsë'këntyakn ja pya'ajën.

Éxodo 29:16

tääts ënät xyaj'ookëty, e ja nyine'pny jam xyijkxjëtitëty ma wintsë'këntyaknën.

Hebreos 10:11

Jëpom jëpom ja teetyëjk tyaktë ja wintsë'kën, oy ja poky tkayajwa'atsy.

Miqueas 6:6

¿Tii mëët yë Wintsën Ni'ik këjxmëpë nwinkuwa'akëtyës koos ënäty n'ëwtata'any? ¿Yë'ëjës mëët nwinkuwa'akëty yë tsajpkaajë tu'kjëmëjtpë jyëmëjtën mëti'ipës ntukwintsë'ëkëpënë?

Ezequiel 36:25

Mëët yë wa'ats nëë mpuja'an njä'ätsä'äntë ets nyajwatsta'aja'anyës ja ëxëëkajtën ets ntuknipëjktuta'aja'antë mëti'ipë të xypyaye'eyë'ëktën ko të xypyanëjkxtëkëtë wiink wintsën;

Isaías 52:15

jëtu'un nëjkx may ja naax kajpn mëj'äämpy pyëjktä'äkyë ets nëjkx mëj'ixy t'ixtë; Ja yajkutujkpëtëjk ka'ap nëjkx wyinma'anypyaatë wi'ix tnimëtya'aktëtyën jä'ä ko nëjkxëp tja'akyukëtë ets twinmëtowtë mëti'ipë ënäty ka'ap nijëna'a të tmëtowtën.

Números 18:17

E pën yë'ë yë tsajpkaa yë kyä'äxkopk, këtii xy'ëwa'atsëty ets pën tjuuypyëtsëmëty, oy yë'ëjëty yë tsajppax ëkë kupixyny. Jä'ä ko yë'ëjëty ëjts yë xypyatp, paaty kopkpëky yë'ë ets xyaj'ookëty. Yë nye'pny jam xyijkxjëtijtëty ma wintsë'këntyaknën, yë y'on mnino'okëp ets yë'ë y'ayajkën'at y'ako'onën'atëty mëti'ipë oy xuukëpën jokëpën ëjts nwintuuyës.

Levitico 16:15

E ko jëtu'un t'ëktuunta'ajëty, ënät ja tsajppax ok tyaj'ookëty, mëti'ipë ja naax kajpn jyä'ä'ajtypyën, mëët ma ja poky këtyey tuuntëkoy tkajpxtëkoytyën. Ënät ja nye'pny jap tmënëjkxëty jap wit'atëëytyuk jëxkë'p, jap ma kaaxë yajpaatyën ets tuknixijkxëty ja kaaxë akë'ë ets ja jyëjp, jëtu'un tä ënäty të tunyën mëët ja tsajpkaa ne'pny,

Levitico 1:15

Ja teety yë'ë jam yakëp ma wintsë'këntyaknën. Nëjkxëp yë yo'kn ets kyëpajk tyajjënajkë ets ënät jam tnino'okëty ma ja wintsë'këntyaknën, tëë ënäty yajxon ja nye'pny tpëjktaayë.

Éxodo 29:11

E jam Tios wintum ma ja wit tëjk yajnitëkën, jam ja tsajpkaa ëna'k xyaj'ookëty.

Levitico 4:29

Tääts jam ja kyë'ë tkëxkonëty ma ja tsajppax ja kyëpajkën, mëti'ipë ënäty ja pyoky tyukunajxypyën ets jam tyaj'ookëty ma y'ooktën ja jëyujkëty mëti'ipë yajnino'ktëpën.

Levitico 4:33

Tääts nëjkx ja kyë'ë jam tkëxkony ma ja tsajppax ja kyëpajkën ets tyaj'ookëty, jam ma y'ooktën ja jëyujk mëti'ipë nitooytyëpën.

Levitico 17:11

Jä'ä ko tëkokyë mëti'ipë juukyajtpën mëët yë'ëkyëjxmëtën jyuuky'äty ko ne'pny tmëëtëty, yë ne'pny tëë yë miitsëty nmo'otë ets yë'ë yë mjuukyajtënëty xytyukkuyaktëty jam ma wintsë'këntyaknën.

1 Samuel 1:25

Ënät ojts tu'uk ja tsajpkaa'u'unk tukwintsë'ëkëtë ja Wintsën ets tukë'ëtëjkëtyë ja u'unk may ja Eli.

Ezequiel 43:18

Ënät ja Wintsën xy'ënëmaayës: Ko ënäty ja wintsë'këntyakn yajkojy, kopkpëky ko ya'atë tëyajtën yajpatunëty: Tu'uk nëjkx xynyino'oktë yë tsajpkaa mëti'ipë wintsë'kën'atëpën ets nye'pny nëjkx xyijkx jëtijtë ma ja wintsë'këntyaknën.

Éxodo 40:6

Tä ënät näjyëtu'un xykyiiytya'akëty ja wintsë'këntyakn ma jëyujk nyitoytyëtyën, winkon xypyëjkta'akëty ma ja tsajptëjk yajnitëkën, jä'ä ja wit tëjk ma ja näpyaatë y'ityën.

Levitico 4:7

Ënät nëjkx näjyëtu'un tukuutsy wäänë ja ne'pny ja wintsë'këntyakn ja nyiwajën, ma jam ja poom tyoyën, mëti'ipë jam ijtpën Tios wintum ma ja wit tëjkën ma näpyaatë y'ityën. E ja ne'pny mëti'ipë ënäty natëjkëpën jam nëjkx txijkxjëtity ma ja potsyën, ma wintsë'kën yajyäkyën, ma ja jëyujk nyitoytyën mëti'ipë jam ijtpën ma ja wit tëjkën; ma ja näpyaatë y'ityën mëët ja Tios.