Levitico 1:4 - Biblia Mixe de Quetzaltepec

⁴ Ets tkëxkonëty yë kyë'ë ma ja tsajpkaa ja kyëpajkën jëtu'un yajkupëkëty, mëti'ipë ënäty tyukunaxäämpyën ja nyëë pyoky.

Levitico 1:4 ပူးပေါင်းရင်းမြစ်များ

Éxodo 28:38

Yë'ë Aarón ya'atë tsyëëm'itëp ets yë'ë tukëtakpäjta'ajëtëp ja Israel ja'ayëty ja nyëë pyokyëty, näjyëtu'un ko ja yojxën tkë'ëyakëty ma ja Tiosën, yë Tios ko t'ixëty ya'atë tsya'a, ënätnëm t'ëxajëty tkupëkëty ja yojxën mëti'ipë ënäty yajmoopyën.

Éxodo 29:10

Ok xymyënëjkxëty ja tsajpkaa ëna'k ma ja wit tëjkën ma ja näpyaatë y'ityën. Ets ja Aarón mëët ja y'u'unk y'ëna'k, ënät jam ja kyë'ë tkëxkontëty ma ja jëyujk këpajkën.

Éxodo 29:15

Mëjwits tu'uk yë kupixyny yä'äy yä'kpetypë ma jam nimäjtsk tyänëtën ets xymyëjwowëty yë Aarón mëët ja y'u'unk y'ëna'k ets jam ja kyë'ë tkëxkontëty ma ja kupixyny ja kyëpajkën,

Éxodo 29:19

Mëjwits ënät näjyëtu'un ja wiinkpë ja kupixyny ets jam ja kyë'ëjëty tkëxkontëty ja Aarón mëët ja y'u'unk y'ëna'k, ma ja kupixyny ayääkë ja kyëpajkën.

Éxodo 29:33

Ya'atë kyäytyëp tsyu'utstëp, paatykyëjxm ënäty të yajtukwintsë'ëkë ja Tios ets ja nyëë pyokyëty nyiwa'ats kyuwa'atsëtëty ma ënäty të yajkënu'kxtën ets ma t'ëxajëtën ja kutujkën ets tpa'atwa'akëtë ja teety'ajtën. E tyaapë tsu'utsy ka'ap tjëkyepy oynyapënëty tsu'utsëty, jä'ä ko yë'ë ëpëky të yajkënu'kxy.

Isaías 56:7

nyajminantëpës jam maas yë ntun nkopkën wa'atspë, jotkujk nyaj'ita'antës maas yë ntëjkën. Nkupëkäämpyës yë wyintsë'kënëty no'okpyë xämpyë ets ja wiinkëtypë ja wintsë'kën, jä'ä ko yë ntëjkës jä'ä yajtija'any: tëjk ma Tiosmëkajpxk y'ityën mëti'ipë naax kajpn jyä'ä'ajtypyën.

Ezequiel 45:15

E ma kupixynyëtyën, tu'uk xypyuyaktëty ma ja mäjtsk mëko'pxjatypyën, mëti'ipë oyëtyën mëkëtyën jampë yajpaatën Israel. Yë'ë yajtukniyakëp ko ënäty yajyoxy yë aaypyajk ujtspajk, ko ënäty yajyäky ja jëyujk ooky nino'okpyë ets ko ënäty ja wintsë'kën yajyäky ma ja nay'ëëw'oy näykyajpx'oyë y'ityën.

Daniel 9:24

Tëkë'px majk sëmaan nyaxa'any ets jyëwa'akëty ja ëyo'on jotmay ets ja nëë poky ma ja mnaax mkajpnën wa'atspë ets ja mnaax mkajpn tpaatëty ja poky nyimä'kxën ets jam nyaxxkëta'akëty ja oypyë ets mëtëypyë ja nipaye'eyën xëmëkyëjxm ets y'atëwëty mëti'ipë të xywyinkuma'ayën ets mëti'ipë të yaj'akäjpxyën jëtu'un'äämpy wya'atsëty jatëkok ja tsajptëkoty mëti'ipë ijty wa'ats ni'ik.

Levitico 16:21

ets tpëjkta'akëty jam ja kyë'ë ma ja tsajppax ja kyëpajkën ets tmaaywyajtsta'ajëty tëkokyë ja Israel ja'ayëty ja y'ëxëëktu'un y'ëxëëk kajpxënëty, kyäjpxykyumëto'ownajxënëty ets nyëë pyokyëty. Jëtu'un'äämpy ja nëë poky jam tpëjktakta'ajëty ma ja tsajppax ja kyëpajkën ets tu'uk ja ja'ay tuknipëkëty mëti'ipë nëjkx tnajtsmatsën jam të'ëts itjotm.

Levitico 16:24

Jap ma tsajptëjkën jap nëjkx nyäpyujy nyäjye'etsyë wa'ats ets ënät tnino'okëty ja jëyujk mëti'ipë ja Tios yajtukwintsë'këpën. Jëtu'un ja Aarón ja pokymyä'kxën tpaatëty ets näjyëtu'un ja naax kajpn.

Levitico 22:21

Oy jëtu'un tyimpënëty ko ënäty pën ja wintsë'kën tyaka'any, mëët ko ja näy'ëëw'oyë näykyajpx'oyë tuna'any mëët ja Tios, ko ojts jëtu'un ja wyaantakën tpëjktä'äky ëkë jä'ä ko jëtu'un timtsyojkën'ajtpë. Yë'ë mëpaat tyä'äky yë tsajpkaayä'äy ëkë tsajppax mëti'ipë oyën mëkën ets kä'pxyën, ënät yajkupëkëty.

Levitico 22:27

Ko myëxu'unk'atëty tu'uk yë tsajpkaa u'unk, ëkë kupixyny u'unk, ëkë tsajppax u'unk, wëxtujk xëëw mëpaat tmëwë'ëmy yë tyaak. Ko tuktujk xëëw t'apäjtnëty, jyëkyäjpnëp yë Wintsën yajtukwintsë'ëkëty ets nyitoyëty jam ma ja wintsë'këntyaknën.

Levitico 3:13

jam yë kyë'ë tkëxkonëty ma kyëpajkën ets ënät ok tyo'kumëty jam tëjk'ëkë'ëm ma ja wit tëjkën. Ja teetytyëjkëty yë'ë nëjkx jam txijkxjëtitë ja nyine'pny ma ja wintsë'këntyakn ja pya'ajën.

Levitico 3:2

Pën ja ayajk ako'onën yäjkpyën jam ja kyë'ë tkëxkonëty ma ja tsajpkaa ja kyëpajkën mëti'ipë ënäty ja Tios tyukwintsë'këpën ets jam tyo'kumëty ma ja wit tëjk yajnitëkën, ma ja Tios jap kyëtä'äkyën; ënät ja teetytyëjkëty jam txijkxjëtitëty ja tsajpkaa ne'pny ma ja wintsë'këntyakn ja pya'ajën.

Levitico 3:8

Jam ja kyë'ë tkëxkonëty ma ja kupixyny ja kyëpajkën ets ënät ok tyo'kumëty jam wintum ma ja wit tëjkën ma Tios kyëtä'äkyën, tääts ja teetytyëjkëty txijkxjëtitëty ja ne'pny ma ja wintsë'këntyakn ja pya'ajën.

Levitico 4:15

Ma ja mëjja'aytyëjkëty tkëxkontëtyën ja kyë'ë ma ja tsajpkaa ayääkën ja kyëpajkën, jam ma ënäty yajpaatën Tios wintum, tëëjës ënäty jëtu'un tuntë, tääts jämyë tyo'kumtëty.

Levitico 4:20

Ko näjyëtu'un yajyakëty ya'atë tsajpkaa ëna'k tä ja mëti'ipë yajkë'ëyajkpën ko ja nëë poky yajtukunaxy. Jëtu'un'äämpy ja teety ja pokymyä'kxën tpaatëty mëti'ipë ja naax kajpn jyä'ä'atëpën ets ja nyëë pyokyëty yajnimä'kxtëty.

Levitico 4:24

Tääts jam ja kyë'ë tpëjkta'akëty ma ja tsajppax ja kyëpajkën ets ënät tyaj'ookëty, jam ma ja Tios tukwintsë'ëkëjänyën, ma ja nyi''itjot jam yajpaatyën. Ya'atë wintsë'kën yë'ë ja nëë poky kyunaxäämpy.

Levitico 4:26

Ets ja nyi'on jam tnino'ktaayëty ma ja wintsë'këntyaknën, jëtu'un tä näjyëtu'un yajtunyën ja wintsë'kën mëti'ipë yajyajkpën, ko ja nay'ëëw'oy näykyajpx'oyë y'ity. Jëtu'un'äämpy ja teety tpaatëty ja pokymyä'kxën, mëti'ipë jyä'ä'atëpën ja ja'ay mëti'ipë wintsën ijtpën ets ja pokymyä'kxën tpaatëty.

Levitico 4:29

Tääts jam ja kyë'ë tkëxkonëty ma ja tsajppax ja kyëpajkën, mëti'ipë ënäty ja pyoky tyukunajxypyën ets jam tyaj'ookëty ma y'ooktën ja jëyujkëty mëti'ipë yajnino'ktëpën.

Levitico 4:31

Näyjyëtu'un nëjkx yë y'on yajnëtsujkta'ay, tä ja mëti'ipë wintsë'kën'ajtpën ko ja nay'ëëw'oy näykyajpx'oyë y'ity. Jam tnino'okëty ma ja wintsë'këntyaknën mëti'ipë ja Tios yajtukwino'kp yajtukwinxaanpën ets oy xyuuky jyoky. Jëtu'un'äämpy ja teety ja pokymyä'kxën tpaatëty mëti'ipë tääpë ja ja'ay jyä'ä'atëpën.

Levitico 4:33

Tääts nëjkx ja kyë'ë jam tkëxkony ma ja tsajppax ja kyëpajkën ets tyaj'ookëty, jam ma y'ooktën ja jëyujk mëti'ipë nitooytyëpën.

Levitico 4:35

Tääts ënät tnëtsujktaayëty ja y'on, jëtu'un tä të yajnëtsujkta'ayën ja y'on ja kupixyny mëti'ipë wintsë'kën'ajtpën, ko ja nay'ëëw'oy näykyajpx'oyë y'ity ets jam tnino'oktëty ma ja wintsë'këntyaknën, tu'kmukyë mëët ja ayajk ako'onën mëti'ipë nino'oky yajtukwintsë'këpën ja Tios. Jëtu'un'äämpy ja teety tpaatëty ja pokymyä'kxën, mëti'ipë ja ja'ay jyä'ä'atëpën mëti'ipë ënäty të pyokytyunyën ets ja nyëë pyoky jëtu'un yajmä'kxëty.

Levitico 4:4

Jam tmënëjkxëty Tios wintum, ma ja wit tëjk yajnitëkën, ma ja Tios mëët ja näpyaatë y'ityën, jamts tkëxkonëty ja kyë'ë ma ja tsajpkaakëpajkën, tääts ënät ok tyo'kumëty.

Levitico 5:6

Ets ja Tios tu'uk tukwintsë'ëkëty yë tsyajppax to'oxypyë, mëët ko ënäty jëtu'un të pyokytyuny. Jyëkyejpy tyakëty tu'uk yë tsajppax ëkë tu'uk yë kupixyny, jëtu'un'äämpy ja teety tpaatëty ja pokymyä'kxën, mëti'ipë ja pokyjyä'äy jä'ä jyä'ä'atëpën.

Levitico 6:7

Ja teety nëjkxëp ja pokymyä'kxën tpaaty Wintsën wintum, mëti'ipë ja ja'ay jyä'ä'atëpën, tëëpë tyuuntëkoyën, mëti'ipë mëjëyëjp të yajnikäjpxyën; jëtu'un'äämpy ja nëë poky nëjkx yajme'kxy.

Levitico 8:14

Tä ojts ja Moisés tni'ënä'ämë ets ja tsajpkaa tyajmintëty mëti'ipë wintsë'kën'atëpën mëëtkyëjxm ja nëë poky. Tä ja Aarón ets ja y'u'unk y'ëna'k jam ja kyë'ë tkëxkoontë ma ja tsajpkaa ja kyëpajkën.

Levitico 8:18

Moisés ojts näjyëtu'un tni'ënä'ämë ets twijtsmintëty ja kupixyny yä'äy yä'kpetypë mëti'ipë yajnino'kpën, tä ja Aarón ets ja y'u'unk y'ëna'k jam ja kyë'ë tkëxkoontë ma ja kupixynykyëpajkën.

Levitico 8:22

Tä ja Moisés ojts tni'ënä'ämë ets wiinkpë ja kupixyny yä'äy tyajmintëty, mëti'ipë yajyakëpën ets ja näkyënu'kxë tpaatëty ja Aarón ets ja y'u'unk y'ëna'k ets jam ja kyë'ë tkëxkoontë ma ja kupixyny yä'äy ja kyëpajkën.

Levitico 9:7

Tä yë Moisés t'ënëmaay yë Aarón: Winkon jam ma wintsë'këntyaknën ets yak jam yë wintsë'kën mëët yë pokykyëjxm ets ja jëyujk mëti'ipë mnino'okäämpyën ets pokymyä'kxën xypyaatëty ma ja mpokyëtyën ets näjyëtu'un mëëtkyëjxm ja Israel ja'ayëty ja nyëë pyokyëty ets ja pokymyä'kxën tpaatëty, jëtu'un tä ja Wintsën të tni'ënä'ämën.

Números 15:25

Ënät ja teety tyakëty ja wintsë'kën ets ja pokymyä'kxën tpaatëty ja Israel ja'ayëty; jä'ä ko ka'ap tsyokyëty të pyokytyuntë ets tëë xymyo'otës ja y'ayajk y'ako'onënëty ets ja wyintsë'kënëty mëti'ipë ja pyokyëty të tukunaxtën.

Números 15:28

Yë teety yë'ë kyë'ëyakëp ja wintsë'kën, mëët ko tääpë ja'ay të pyokytyuny ets ja pokymyä'kxën tpaatëty.

Números 25:13

Ëjts yam ënaanp, ko yë'ë ets y'u'unk y'ok nmoopyës yë tuunk ets tyeety'atëty xëmëkyëjxm. Jä'ä ko yë'ë tëë jëtu'unpë äkë tyajkëxë'ëky, tääjës ëjts nmëët'atyën ma Israel ja'ayëtyën.

Números 8:10

Tääts nëjkx yë Leví ja'ayëty ëjts xywyinkuwa'akëtë ets nitëkokyë yë Israel ja'ayëty nëjkx yë kyë'ë tkëxkoonta'atë ma Leví ja'ayëty yë kyëpajkëtyën.

Números 8:12

Ënät ja Leví ja'ayëty näjyëtu'un jam ja kyë'ë tkëxkontëty ma ja nimäjtskpë ja tsajpkaa ja kyëpajkën, tu'uk nëjkx wyintsë'kën'aty ma ja nëë poky tkunaxëtyën ets tu'uk nëjkx yajnino'oky ets ja wa'atsajtën tpaatëty ja Leví ja'ayëty.

Romanos 12:1

Mëku'uktëjkëty, yë'ëkyëjxm ko ja Tios pya'ëyoy nyajts'ëyowë, nmënu'kxtaktëp miitsëty ets mnätyukë'ëtëkëtëty ja Tios, miits kë'ëm wintsë'kën'atë ma ja Tiosën ijxtëm ja wintsë'kën juukpyë, wa'atspë ets mëti'ipë Tios y'oyjya'apën. Ya'atë jëtu'un wintsë'kën'ajtp mëtëypyë mëti'ipë mëpaat xyaktën.

Romanos 3:25

Tios ojts jëtu'un tuknipëjktaakë ko ja Kristë mëët ja nye'pyny yajpaatëty ja pokynyimyä'kxën. Ya'atë pyokynyimä'kxën ënät yajpaaty ko yajmëët'aty ja mëpëjkën. Jëtu'un ja Tios tyajnikëxë'ëky wi'ix xyajnaxa'anëmë wa'ats, ko të tme'kxy ja nëë poky mëti'ipë ënäty të ntu'un të nkajpxëmën,

Romanos 5:11

Ets ka'ap yi'iyëty tyaapë, näjyëtu'un ntuk'ijt ntukxo'onëm ja mëti'ipë ja Tios të tunyën Jesukristë mëët, jä'ä ko Jesukristë mëët të nämyë'oypyëjkëmë ja Tios.

Filipenses 4:18

Tëës may winë n'ëxajë ets njaaktimmyëët'ajtypës ja natëkë, jä'ä ko nmëët'ajtypyës mëti'ipë ja Epafrodito ojts xytyukmëkäxëtën. Jëtu'un ya'atë putëjkën ijxtëm ja pa'akxu'kpën mëti'ipë yajyojxpën ets yajtukwintsë'këpën ja Tios ets tukjotkëta'akëty.

Hebreos 10:4

jä'ä ko ka'ap ja tsajpkaa ne'pyny, tsajppax ne'pyny yajpokywyä'ätsy.

1 Juan 2:2

Tëë ja Jesukristë y'ëyoy kruutskëjxm ets ja npoky'ajtëm yajmä'kxëty ets ka'ap yi'iyëty npoky'ajtëm, näjyëtu'un ni'ëmukë ja naaxwiinyëtë ja'ay.