Levitico 1:2 - Biblia Mixe de Quetzaltepec

² Mëëtmëtya'ak yë Israel ja'ayëty ets xy'ënëëmëty, koos pën xytyukniminëty yë jëyujk ets xymyo'oja'anëtyës tä tu'uk yë ayajk ako'onën, yë'ë xytyukniminëpës mëti'ipë tsyajpkaa'ajtypyën ëkë mëti'ipë kyupixyny'äjtypyën.

Levitico 1:2 ပူးပေါင်းရင်းမြစ်များ

Génesis 4:3

Nyäjxy jëtu'un ja xëëw jëmëjt, ënät yë Caín ojts tëkok yë Tios tukninëjkxy yë aaytyëëm ujtstëëm ets yë'ë tukwintsë'ëkëja'any.

Génesis 4:5

e yë Caín jyä'ä ka'ap ojts oy t'ijxë, ënät yë Caín yajxon jyoot'anpëjky ets tyajma'taay ja wyiin jyëjp.

1 Crónicas 16:29

mo'otë ja Wintsën ja mëjja'awën jaanty ja'awën mëti'ipë yë'ë patëpën; mëët ja yojxën, wa'këxë'ëktë ma yë'ëjën; ëwtatë ja Wintsën ma tsyajptëjkën oypyë tsujpë.

Esdras 3:5

ëpëky näjyëtu'un tyajktëpë ja wintsë'kën winjëpom, ma tmëjjawëtën ja po'o u'unk, ëpëky näjyëtu'un mëti'ipë ja kënu'kxy xëëw tyukwintsë'këtyëpën, ma ja Wintsën jä'ä yajtukmëjjawën ets ëpëky mëti'ipë kë'ëmwinma'any yajktëpën.

Éxodo 20:24

Paaty yam n'ënëëmëtë ets xy'oytyuntëty tu'uk yë wintsë'këntyakn, yë naax mtukpotstëp ets jamts xymyo'otëtyës yë mjëyujk mtsajpkaajëty ets xynyino'oktëty, jëtu'un'äämpy ntu'unmëty ja nay'ëëw'oy näykyajpx'oyë. Ëjts minaanpës ma miitsëtyën ets nkënu'kxa'antë, oy jëtu'un tyimmaa'atëty maas ënäty ntsokyën etsës ja nxëëw mëj jaanty y'itëty.

Números 15:3

Koos xymyo'oja'antëty tu'uk yë tsajpkaa ëkë tsajppax etsës xytyukwintsë'ëkëja'antëty nino'oky ets oy xyuukëty jyokëty nwintuuyës. Mëët ko ënäty ja wyaantakën tyaj'ëtuka'antë, ëkë ko jëtu'un ja tsyojkën tpëjkta'aktë.

Números 5:15

Pën jëtu'un y'ixë'aty, yë ye'etyëjk mëpaat tmënëjkxy yë tyo'oxytyëjk ma ja teetyën. Ets tkuyakëty yë tyo'oxytyëjk. Yë'ë yakëp yë tsajpmok mäjtsk tsim. Ka'ap tjëkyäpëty tuknitämëty yë on ja tsajpmokway mëti'ipë yäjkpyën. Jä'ä ko yë'ëkyëjxm ja tyäky ko të jyoot'anpëky. Ets yë'ëkyëjxm ja yajyäky, mëët ko tu'uk ja poky yajnijawëja'any.

Números 7:15

ëpëky tjaakyäjky tu'uk yë tsajpkaayä'äy ayääkë, tu'uk yë kupixyny yä'äy mëti'ipë tëë yä'kpetyën ets tu'uk yë kupixyny ayääkë tu'kjëmëjt petypë mëti'ipë yajnino'okëpën,

Marcos 7:11

E miits jä'ä m'ëna'antë ko jyëkyejpy tu'uk ja ja'ay ja tyaak tyeety t'ënëëmëty: Ka'ap tjëkyepy mputëkëty. Jä'ä ko tëkokyë mëti'ipës nmëët'ajtypyën Tios të yajtukmëyoxy

Romanos 12:1

Mëku'uktëjkëty, yë'ëkyëjxm ko ja Tios pya'ëyoy nyajts'ëyowë, nmënu'kxtaktëp miitsëty ets mnätyukë'ëtëkëtëty ja Tios, miits kë'ëm wintsë'kën'atë ma ja Tiosën ijxtëm ja wintsë'kën juukpyë, wa'atspë ets mëti'ipë Tios y'oyjya'apën. Ya'atë jëtu'un wintsë'kën'ajtp mëtëypyë mëti'ipë mëpaat xyaktën.

Romanos 12:6

Këëkjä'ä ja Tios ja tuunk të xymyo'oyëmë wi'ix tii nitu'ukjaty ntu'unmëtyën. Tam mëti'ipë të yajmo'oyën ja tuunk ets tkajpxwa'kxëty ja Tios ja y'aaw y'ayuk, wä'än jëtu'un tuny ijxtëm tmëëtëtyën ja mëpëjkën.

Efesios 5:2

Nätsyokëtë nixim niyam ijxtëm ja Kristë të xytsyojkëmën ets të nyäkyë'ëyäkyë ma të wyintsë'kën'atëtyën ëëts'ajtëmkyëjxm, jëtu'un tä ja wintsë'kënën mëti'ipë oy xu'kp jojkpën Tios wintum.