Levitico 1:1 - Biblia Mixe de Quetzaltepec

¹ Ënät yë Tios ojts tmëkäjpxy yë Moisés jap ma ja wit tëjkën ma ja näpyaatë y'ityën ets t'ënëmaay:

Levitico 1:1 ပူးပေါင်းရင်းမြစ်များ

2 Reyes 16:13

ojts no'oky xämy ja y'ääypyajk y'ujts pajk, tpiky t'e'kxy ja y'uuky ets näjyëtu'un tuknixijkxy ja ne'pny ja wintsë'këntyakn mëët ja mëti'ipë ënäty të tyajpëtsëmyën ma ja jëyujk të tyaj'ookyën, tuny jëtu'un ja nay'ëëw'oy näykyajpx'oyë.

2 Crónicas 29:32

Ja jëyujk mëti'ipë ojts ja ja'ay tyaktën ets ja Wintsën tukwintsë'këtyë nino'oky nixämy, jä'ä nyiwinë'ajty; tëkë'px majk ja tsajpkaa, mëko'px ja tsajppax ets mäjtsk mëko'px ja kupixyny. Tëkokyë ya'atë jëyujk aakyë'ë ojts Wintsën tuknimintë ets tukwintsë'këtyë nino'oky nixämy.

Éxodo 19:3

Ënät jam ja Moisés pyejty kopkkëjxm ets jam nyäpyaata'anyë mëët ja Tios, jä'ä ko Tios ojts jam kë'ëm myëkäjpxyë kopkkëjxm ets y'ënëmaayë: Tukmëtow ya'atë aaw ayuk yë Jacob yë y'u'unk y'ëna'k, yë Israel ja'ayëty:

Éxodo 24:12

Jëtu'un yë Tios t'ënëmaay yë Moisés: Pät jam ma kopkën, maas ëjts nyajpaatyën ets jamës xy'ëwxitëty, jam nmo'oja'any mäjtsk yë tsaatsetsy maas të nkëxja'ayën yë ënä'ämën tëyajtën mëti'ipë yë Israel ja'ayëty pyatuntëpën.

Éxodo 25:22

E jam ëëtsajtëm näpyatëmëty, jam këjxm ma ja kaaxëni'kxën ma ja tsajpjotmëtë kukäjpxy këxkojy y'itën, jam ntuknijawëty tëkokyë ja ënä'ämën tëyajtën mëti'ipës ja Israel ja'ayëty ntuknikäjxtëpën.

Éxodo 29:42

Ya'atë yojxën mëti'ipë myajktëpën nino'oky nixämpyë, u'unk ok nyëjkxëty ets jëtu'un tkë'ëyaktëty ëjts nwintuuyës jam ma yajnitëkën yë wit tëjk ma näpyaatë y'ityën, maajës näpyaata'anyë mëët mijts ets nmëkajpxa'any.

Éxodo 3:4

Ko ja Tios t'ijxy, ko ja Moisés ni'ikyë jam wyinkona'any ets yajxon t'ijxwa'atsa'any, ënät ojts tmëkäjpxy, yë Moisés jëtu'un tmëtooy jam yowë yë ja'ay kyajpxpëtsëmy ma ja zarsa kepy tyoyën ets y'ënä'äny: Moisés. Moisés. Tyaajës, jëtu'un y'ëtsooy yë Moisés.

Éxodo 33:7

Ënät ja Moisés ojts tyajpëtë'ëky ya'atë wit tëjk ets ojts jëkäm tmënëjkxy ets txëëwmooy, wit tëjk ma ja näpyaatë y'ityën mëët ja Tios. Ko ënäty tii ja ja'ayëty tnijawëja'antë ma ja Tiosën, jam poj'am nyëjkxtë ma ja wit tëjkën, jampë yajpaatyën ëpëky ma ja ja'ay jam tsyëënëtën.

Éxodo 39:32

Ja wit tëjk ma y'ityën ja näpyaatë mëët yë Tios, ojts ja kyojta'ay ets y'apatëtyääy. Ja Israel ja'ayëty jëtu'un ojts t'oytyuntë tä ojts ja Tios tuk'ëne'emyën ja Moisés,

Éxodo 40:29

Ets ja wintsë'këntyakn tkëëytyäky ma ja jëyujk yajnino'oktëtyën, jam winkon tpëjktäky ma ja wit tëjk yajnitëkën ma ja näpyaatë y'ityën, ojts ja jëyujk kanaak tjantyajnitoy ets näjyëtu'un ja aaytyëëm ujtstëëm tkë'ëyäjky jam ma Tiosën, tä tu'uk yë ayajk ako'onën, jëtu'un tä ënäty ja Tios të tyuk'ëne'emyën.

Levitico 7:38

Yë Tios jam ojts tmo'oy ya'atë tëyajtën yë Moisés, ma Sinaí kopkën, ko ojts tni'ënä'ämë ets ja Israel ja'ayëty tmëmintëty ja y'ayajk y'ako'onënëty.

Levitico 9:16

Ja jëyujk mëti'ipë ojts tnino'okyën, jëtu'un ojts tuny tä ja Tios ënäty të tni'ënä'ämën.

Números 1:1

Ma tyu'uk'anyën yë mëmäjtskpo'opë, ma jajëmëjt ja mëmäjtskpë tsyo'ontä'äkyën. Tëë jëtää ënäty nyäxy tu'kjëmëjtnaxyën, ma Israel ja'ayëty jap tsyoontën Egiptë. Ënät ja Tios ojts tmëkäjpxy ja Moisés, jam ma ja të'ëts'it të'ëtsnaaxwiinyëtë txëëwatyën Sinaí. Jap ënäty yajpaaty ma wit tëjkën ma ja Tios mëët ja näpyaatë y'ityën, ko ojts y'ënë'ëmxëty:

Números 7:15

ëpëky tjaakyäjky tu'uk yë tsajpkaayä'äy ayääkë, tu'uk yë kupixyny yä'äy mëti'ipë tëë yä'kpetyën ets tu'uk yë kupixyny ayääkë tu'kjëmëjt petypë mëti'ipë yajnino'okëpën,

Números 7:89

Ko ja Moisés jap tyëjkëy tëkoty ma ja wit tëjkën ma ja näpyaatë y'ityën mëët yë Tios ets myëtya'aka'any mëët yë Tios. Ënät tmëtoowpaty ko ja Wintsën jamtëm y'ëtsoy ma ja kaaxë ja y'ajupën, mëti'ipë myë'ijtypyën ja käjpxytyu'unën. Itkujky tmëtoy kyäjpxy ma ja Wintsën tsajpjotmëtë kukäjpxy tyänëtën pa'apa'a.

Juan 1:17

Mëët yë Moisés ojts nyajmo'oyëm ja ënä'ämën, je'eyëp ko Jesukristë mëët ja Tios të xykyënu'kxëmë ets të xytyuknija'awëmë ja tëypyë jaantypë.