Jueces 9:23 - Biblia Mixe de Quetzaltepec

²³ e yë Tios yë'ë ojts tkexy yë ëxëëk poj ka'oypyoj ma Siquem ja'ayëtyën ets ma Abimelekën ets Siquem ja'ayëty tmëëtsiptsoontëty yë Abimélec.

Biblia Dc en Mixe de Quetzaltepec

²³ e yë Dios yë'ë ojts tkexy yë ëxëëk poj ka'oypyoj ma Siquem ja'ayëtyën ets ma Abimelekën ets Siquem ja'ayëty tmëëtsiptsoontëty yë Abimélec.

Jueces 9:23 ပူးပေါင်းရင်းမြစ်များ

Isaías 33:1

Janty mon janty tuk mijts myajpaaty mëti'ipë naax kajpn mye'tsypyën ets mits ka'ap myajmeetsy; mëti'ipë jyiiky myëku'uk kyë'ëyäjkpyën ets mijts ka'ap pën mkë'ëyäkyë. Ko ënäty tëë xyajkutëkooytyä'äy ja naax kajpn, tääts nëjkx mijts mkutëkoy, ko ënäty tëë ja mmëku'uk xy'ayäky xykyë'ëyäky, tääts nëjkx mijts myajkë'ëyäky.

Isaías 19:14

Yë Wintsën të txëpiintaayë yë Egiptë ja'ay yë jyot wyinma'any ets jëtu'un ja Egiptë kajpn nyë'ëtëkoy tyu'utëkoyëty, jëtu'un jyata'an tä tu'uk ëmu'ukyë ja'ayën mëti'ipë ni'ikyë kumukpëjkëpën ko tyëkë ë'tspë.

Isaías 19:2

Tääts ja Wintsën y'ënä'äny: Nyajwa'kxäämpyës yam Egiptë kajpn ets aakyë'ë tsyiptuntëty, nëjkxëp nyämyëtsiptsoonyë ja ja'ay mëët ja myëku'uk, ja kajpn mëët ja myënaax myëtsëpa'an, ja yajkutujkpë mëët ja myëku'uk mëti'ipë näjyëtu'un yajkutujkpën.

Mateo 7:2

Jä'ä ko yë Tios näjyëtu'un yë mpoky mtukwinmëtowa'anëtë tä ja mmëku'uk ënäty ja pyoky të wytyukwinmëtowtën; jëtu'un tä ja mmëku'uk xytsyoktën jyä'äy'atëty näjyëtu'un miitsëty ja'ay'atë.

2 Crónicas 10:15

Jëtu'un'äämpy ja yajkutujkpë ka'ap ja naax kajpn tmëmëtooy, jä'ä ko Wintsënën ënäty kë'ëm të tnipëjktaakë ets jëtu'un jyatëty kyëpätëty, jëtu'un'äämpy y'atëwëty ja Wintsën ja y'aaw y'ayuk mëti'ipë tyukwinwa'anëyën ja Jeroboam, Nabat yë myaank, mëët ja Ahías, jampë kyukajpnëtyën Siló.

1 Reyes 12:15

Ja yajkutujkpë ka'ap ojts timmyëj'ixy ja naax kajpn, jä'ä ko ja Wintsën ënäty jëtu'un të tuknipëjktaakë ets y'atëwëty ja aaw ayuk mëti'ipë ja Wintsën të tukwinmëtoyën ja Jeroboam, yë myaank yë Nabat, ko myëëtmëtyakë ja Ahías, jampë tsyoonyën Siló.

Jueces 9:20

E pën kajts jëtu'un të xytyuntë, nëjkxëp yë jëën jam pyëtsimy ma Abimelekën ets tyajkutëkoyëty yë Siquem ets Bet-miló, ets jam Siquem ets Bet-miló nëjkx myëjë tu'uk yë jëën mëti'ipë yë'ë yajkutëkoyëpën.

Jueces 9:22

Yë Abimélec jä'ä ojts t'ëne'emy yë Israel kajpn tëkëëk jëmëjt,

Marcos 3:24

Ko tu'uk ja naax kajpn nyäpyëjkwa'kxëtëty, ka'ap oy ja mëk'ajtën tmëët'atëty,