Jueces 8:23 - Biblia Mixe de Quetzaltepec

²³ Tä ja Gedeón y'ëtsooy: Ëjts ets nmaankës ka'apës tääpë tuunk nkupëktëty ets miits n'ënä'ämtëty. Yë Wintsën yë'ë kë'ëm nyija'ap wi'ix y'ënä'äma'any ma miitsëtyën.

Biblia Dc en Mixe de Quetzaltepec

²³ Tä ja Gedeón y'ëtsooy: Ëjts ets nmaankës ka'apës tääpë tuunk nkupëktëty ets miits n'ënä'ämtëty. Yë Wintsën yë'ë kë'ëm nyija'ap wi'ix y'ënä'äma'any ma miitsëtyën.

Jueces 8:23 ပူးပေါင်းရင်းမြစ်များ

Isaías 33:22

Ja nyitejpxy ka'ap nëjkx myäyë wi'ix tmajts'itëtyën; ja nyinikäm ka'ap nëjkx wyo'onwä'kxy. May nëjkx ja wit meeny yajpëjkëtë ja mëtsip, yë'ëpaat ja tekymya'at ets ja kë'ëma'atpë nëjkx tpaaty ja wit meeny. Jä'ä ko yë Wintsën mëtëy nyipaye'ey, mëti'ipë yajtuumpyën ja ënä'ämën mëti'ipë nkutujkpë'ajtëmën, yë'ë xyajtso'oka'anëmë.

1 Samuel 12:12

E miitsëty ko xy'ijxtë ja Nahas mnipëtë'ëka'anëtë, mëti'ipë yë Amón ja'ayëty yajkutujkpë'ajtëpën, ënätyë ojts tu'uk yë yajkutujkpë xy'amëtowtës mëti'ipë m'ënä'ämëtëpën ets wa'ats xynyijawëtë ko yë Wintsën yë'ë myajkutujkpë'ajtëp.

1 Samuel 10:19

E tyam m'ixtijnëtëp ja Tiosnë mëti'ipë të mjuutëtën ma ënäty ja amay jotmay xymyëët'atën. Yë'ë jëtu'un m'ixtijtëp ko miits tu'uk yë yajkutujkpë xy'amëtowtë mëti'ipë m'ënä'ämëtëpën. E paaty ënät tyam n'ënëëmëtë ets xywyinkuwa'akëtëty yë Wintsën tu'kkajpnjaty ets tu'kja'ayjyäty.

2 Corintios 1:24

Ka'ap ëëts niwintsën'atë ja mmëpëjkënëty; yë'ëjës ntsojktëp ets nputëkëja'antë ets tu'kmukyë akujk jotkujk myajpatmëty, jä'ä ko miitsëty mëk myajpatnëtë ma ja mëpëjkënën.

1 Pedro 5:3

Këtii miits jëtu'un mnäyajnaxëtëty ijxtëm jeexyë mwintsën'atën, ni'ikyënëm xynyajtstunëtëty ja oypyë ma yë'ëjëtyën.

Jueces 10:18

Ja Israel ja'ayëty jampë ënäty tsyëënëtën Galaad ets ja mëjja'aytyëjk ets tëkokyëty ja ja'ayëty ojts tkajpxmuktë pën ja tsip nyikopk'atëpën ma ja Amón ja'ayëty mëët tsyiptuna'antën, yë'ë wë'ëmëp ënä'ämpë ma tëkokyë ja ja'ayëtyën jampë tsyëënëtën Galaad.

Jueces 2:18

Xëmë ko ënäty ja Wintsën twin'ixy tu'uk ja ja'ay mëti'ipë tsip'ixyën ets twinye'eyëty ja naax kajpn, pyutëjkëp ijty ets ja Israel ja'ayëty yajnitsiptuntë këtiipë o'ktëy ja myëtsip tyunëtëty. Jä'ä ko ja Wintsën myëtoopy ënäty ko ja Israel ja'ayëty jyë'ëtë ya'axtë ko ja myëtsiptëjkëty o'ktëy yajjat yajkëtpäjtëtë.

Isaías 63:19

Ëëtsëty jëtu'unës tyam nyajpaatë tä jeexyë mijts ka'ap nijëna'a myajkutukyën ma ëëtsëtyën, jëtu'un tä jeexyë ka'ap nijëna'a mxëëw të yajja'amyetsyën.

Jueces 8:22

Ënät ja Israel ja'ayëty ojts ni'ëmukë y'ënaanta'atë, t'ënëmaaytyë ja Gedeón: Mijts Gedeón tëëjës xyajtso'oktë ma ja Madián ja'ayëtyën, ëjts ntsojktëpës ets m'ënä'ämëty mëët ja m'u'unk m'ok ma ëëtsëtyën.

Salmos 10:16

Yë Wintsën yë'ë tu'uk mëj ënä'ämpë xëmëkyëjxmëpë. Yë ja'ayëty mëti'ipë ka'ap myëjjawëtyën yajkäjxpëtsëmantëp kyajpnjoty.

Salmos 149:2

Xoonta'aktë miitsëty Israel ja'ayëty, miitsëty naax kajpn jampë myajpaatën Sión, jä'ä ko Tios yë'ë yajkojpë ets yë'ë yajkutujkpë ma miitsëtyën.