Jueces 8:16 - Biblia Mixe de Quetzaltepec

¹⁶ Ënät ja Gedeón ojts twinpëjkmuky ja äpny jam të'ëts'itjotm ets jä'ä mëët tuktëytyuuny ja mëjja'aytyëjk jampë yajpaatën Sucot.

Biblia Dc en Mixe de Quetzaltepec

¹⁶ Ënet ja Gedeón ojts twinpëjkmuky ja äpny jam të'ëts'itjotm ets jä'ä mëët tuktëytyuuny ja mëjja'aytyëjk jampë yajpaatën Sucot.

Jueces 8:16 ပူးပေါင်းရင်းမြစ်များ

Jueces 8:7

Ets ja Gedeón y'ëtsooy: Koos yë Wintsën xykyë'ëmo'ojëty yë Zébah ets Salmuná, winpitëpës yaa jatëkok ets jëtu'unyë yë mni'ak nwinkë'tstutmëty mëët yë äpny mëti'ipë wintë'ës'ituuy yoontëpën ji'tsëpën.

Miqueas 7:4

Mëti'ipë oyjyä'äy yaj'ijxpën jëtu'un tä tu'uk yë äpnyën; mëti'ipë mëtëy tu'uye'epyën jëtu'un tä paxnteenyën. Je'eyëp ko miimp wiinkoonp ja xëëw po'o jëna'a ja nëë poky yajnipaye'eyëtyën, ja xëëw po'o mëti'ipë ojts tnikäjpxyën ja këwent'ajtpë.

Proverbios 19:29

Jëjp'ixy jam ja kepy tyim'itë mëti'ipë yajtukwopantëpën ja ja'ayëty ka'apë jyä'äkyukëtën; näwyopë itaanp ma ja tsuuja'ay ja jyëxkëtyën.

Proverbios 10:13

Yë wijyjyä'äy yë'ë kyäjpxyp wijyajtën; yë tsuuja'ay jëtu'un tjawë tä jeexyë yajëkuwopën mëët yë kepy.

Esdras 2:6

yë y'u'unk y'ok yë Pahat-Moab, ma näjyëtu'un yajkukajpxëtën yë Josué y'u'unk y'ok ets Joab, jä'ä nyiwinë'atë mäjtsk mil ja tuktujk mëko'px ja majkmäjtsk;

Jueces 8:15

Tä ja Gedeón ojts jam nyijkxy Sucot ets t'ënëmaay ja kukajpnëty: ¿Miitsëty wa'ats jëtää xyjyä'ämyätstë wi'ix ojts xynyëxi'ik xytyukxi'iktësën maas ënäty mëët näpyajëtitëtën ja Zébah ets Zalmuná? ¿Mja'amyäjtstëp ko miitsëty nitu'ktukyën ojts yë nja'ayës xykyamo'oja'antë kääky uuky oy ënäty tëë jya'ënu'kxënëtë; miitsëty je'eyë m'ëtsoowtë ko tiis ëëts nätyukyajmëjnajxëtëp kajts maa ja mëtsip tmatstëmës?

Jueces 8:17

Ojts näjyëtu'un tjijtë'ëky ja potsy mëti'ipë tyijtëpën Penuel ets tyaj'o'ktaay ja ja'ay jampë kyukajpn'atën.