Jueces 7:2 - Biblia Mixe de Quetzaltepec

² Ënät ja Wintsën t'ënëmaay ja Gedeón: Naxy yë ja'ay nimay xywyoomiinë, ko ënät ka'ap tyajmëta'aktëty yë Madián ja'ayëty ëna'antëp ënät ko jä'ä ko nyimay'atë paaty të myëta'aktë.

Biblia Dc en Mixe de Quetzaltepec

² Ënet ja Wintsën t'ënëmaay ja Gedeón: Naxy yë ja'ay nimay xywyoomiinë, ko ënät ka'ap tyajmëta'aktëty yë Madián ja'ayëty ëna'antëp ënät ko jä'ä ko nyimay'atë paaty të myëta'aktë.

Jueces 7:2 ပူးပေါင်းရင်းမြစ်များ

Deuteronomio 8:17

Ijxkëm jëna'a mmaaytyëpë mtajtëpë ko tëkokyë mëti'ipë mmëët'ajtëpën, kë'ëm të xyajnimëjaawta'aktë.

2 Corintios 4:7

Ijxtëm ja ja'ay ja myeeny tpëjkë'ëkyën naax tu'tsjoty, jëtu'un ya'atë oyajtën nmëët'ajtëmë ma ja ni'kx'ajt nkopk'ajtëmën ets nyikëxë'ëkëty ko jam tsyoony ma Tiosën.

Romanos 11:18

Je'eyëp ko këtii mnätyukmëjawëtëty ko jam të myajpëjktä'äky. Pën mnätyukmëjja'awëyëp, ja'amyäts ko ka'ap myijtsëty xyaj'ity ja kepy aats, ja kepy aats mijts myaj'ijtëp.

Efesios 2:9

Ka'ap yë'ëkyëjxmëty ko tii ntu'unëmë, këtiipë pën tii nyätyukmëjjawëtëty.

Zacarías 12:7

Je'eyëp ko ëjts Wintsën, jëyëjpës yë Judá y'u'unk y'ëna'k nyajtso'okanë, këtiipë yë David yë y'u'unk y'ok nyämyëjawëtëty ets këtiipë yë Jerusalén ja'ayëty mëj këjxm nyäyajnaxëtëty ma ja myëku'uktëjkën mëti'ipë Judá ja'ayëtyën.

Zacarías 4:6

Ets y'ënäny: Jëtu'un ja Wintsën t'ënëmaay ja Zorobabel: Ka'ap yë'ëkyëjxmëty ko may jyääjëty yë tsiptuunpëtëjk ëkë ko ja'ay jyotmëkëty, yë'ë tuunp ëjts yë nmëjaaw nmëk'ajtën, jëtu'un y'ënä'äny yë Wintsën mëti'ipë maaytyääyëpën winë.

Ezequiel 28:17

Mëët ko ënäty m'oyëty mtsujëty yë'ë ojts amëj akëjxm myaj'awinpityë ets ko ënäty mëj jaanty mnäjyawëty ënät ojts tyëkooytyä'äy ja m'ixpëkyajtën. Ojts njaamteeny nnaaxteeny ets nëxi'iky tukxi'iky ojts nyajwë'ëmy ma wiinkëtypë yajkutujkpëtëjkën.

1 Samuel 14:6

Ets ja Jonatán t'ënëmaay ja tyuunpë: Jotëkoy ja'amtë jamtsow awinm ma yajpaatën tääpë ja'ayëty ka'apë tnijawëtën pën y'ëwtatëpën. Kooxyëp yë Wintsën xynyaputëjkëmëty. Jä'äxë ko mëët yë'ë ka'ap jyatsipëty ko xyajmëta'aka'amëty oy yë ja'ay nyimayëty ëkë nyiwäänëty.

Deuteronomio 32:27

e ëjts ka'apës tu'ukyë njoot'anpëky, ënätës jatëkok nmayä'äny ntaja'any ka'ap yowë jëtu'un tyim'oy'atëty koos yë nmëtsip ntimyajxoonta'akëty. Ka'apës ntsoky ets mëj këjxm nyäjyawëtëty, ëkë y'ëna'antëty: Ix ënät ëxëëk jyajnëtë kyëpäjnëtë yë Israel ja'ayëty, ëëtsajtëm jëtu'un o'ktëy të ntu'unëmë, ka'ap yë'ëjëty yë Wintsën.

Romanos 3:27

¿Ko jëtu'un, maa ja ja'ay ja myëj'ajt kyëjxm'ajtën nyatunëty Tios wintum? Tëkooytyääpy jä'ä. ¿E tii ko? Jä'ä ko mëpëjkën mëët ja ja'ay oy wyë'ëmtë Tios wintum ets ka'ap yë'ëkyëjxmëty ko tpatuntë ja ënä'ämën.

Habacuc 1:16

Paaty yë ja'ay mëti'ipë nëë jëyujk majtspën jëtu'un yaj'ixy y'ëwtajtyp yowë tsyääy ets xyu'uny ets tyimwintoopy tyimwinno'kpy mëët yë poom ets yäjkpy yë nyiwintsë'kën, jä'ä ko jam jyi'kxypyääty.

Daniel 4:30

ko y'ënäny: Ixtë, nëkooyë yë Babilonyë kajpn myëj'ajnë. Ëjts të nkojy mëëtës yë nkutujkën ets mëëtës yë n'ënä'ämën ets yaj'ixëty wi'ix nmëj'äämpyëtyës.

Ezequiel 28:2

Mijts ye'etyëjk, ënëëmë yë Tirë yajkutujkpë: Jëtu'un yë Wintsën y'ënä'äny: Tëë mjot mwinma'any y'uty mëët yë amëj'ajt akëjxmajtën, tä tiosën të mnäjyawëty, jam m'u'unyë ma y'u'unyëtën ja tiostëjkëty ets mejy'akujk të myajpaaty. Je'eyëp ko mijts ka'ap mtiosëty, mijts mnaaxwinyëtë ja'ay mëti'ipë jëtu'un määpy tajpën tä tiosën.

Jeremias 9:23

Jëtu'un yë Wintsën y'ënä'äny: Ka'ap tjëkyepy yë wijyjyä'äy nyätyukmëjjawëtëty ko wyijyëty, näjyëtu'un yë yajkutujkpë ko tmëët'aty ja mëk'ajtën ets kumeenyjyä'äy ko kyuwit kyumeenyëty.

Isaías 10:13

Yë Asiria yajkutujkpë jëtu'un të y'ënä'äny: Ëjts nimëjaawës winë të npaaty; mëët koos nwijyëty yajxonës winë të ntuknipëjktaakë. Tëës nyajtëkatsy ja tsëpa'an ets tëëjës mëj këjää wit meeny npaaty, ets koos njotmëkëty, wa'atsës të nmëmëtakta'ay ja yajkutujkpëtëjk.

2 Crónicas 14:11

Asá ojts ënätyë Wyintsën tmëkäjpxy mëti'ipë Tyios'ajtypyën ets t'ënëmaay: Mijts tu'knax ja'ay xypyutëkë oypyënëty, wä'än yë'ëjëty mëti'ipë ëmaay amutskën ets wä'än yë'ëjëty mëti'ipë amëk jotmëkën. Paaty yam mijts npëjktsoy etsës xypyutëkëtëty, ma mijts yë mxëëwën jamës mpëjkta'aktë ja njot nwinma'anyëty ets jëtu'un yam ya'atë nmëtsip ëëts nwinkuwa'akëja'antë. Mijts Wintsën, mëti'ipës nTios'ajtëpën, ka'ap mëpaat pën mjënaxyë.

Isaías 2:17

Ja ja'ayëty mëti'ipë nämyëjja'aw näjyääntyja'awëtëpën ets mëti'ipë amëj akëjxm ja'ay'ajtëpën je'eyë nëjkx yaj'atään yajtuktääntë. Yi'iyë yë Wintsën yë myëj'ajtën nëjkx yaj'ixy jä'ä xëëw,

Santiago 4:6

Ets ka'ap yi'iyëty ya'atë, wäänëni'ik ja Tios ja mëyajtën tuny ma ëëtsajtëmën ets xypyutëjkëmë, paaty ja Tios ja y'aaw y'ayuk këxja'aypyë y'ënä'äny: Tios tyukjoot'anpëjkpy ja ja'ay mëti'ipë mëj këjxm nnäyjya'awëyëpën ets pyutëjkëp mëti'ipë yujy tëtä'äky ja'ay'ajtpën.

Isaías 2:11

Ja mëti'ipë ënäty amëj akëjxm të nyäjyawëtën, winta'ak naaxkow yajpaata'antë; mëti'ipë mëj'äämpy të y'itën je'eyë nëjkx yaj'atään yajtuktääntë. Yë'ënëm ja Wintsën nëjkx ja myëj'ajtën tyaj'ixyë,

Deuteronomio 8:18

Ja Wintsën mëti'ipë mTiosajtëpën yë'ë xëmë mja'amyätstëp. Jä'ä ko yë'ë mooyëtëp ja oyajtën mëk'ajtën ets winë xypyaatë xy'ixtëty. Ttuny jëtu'un ja mëti'ipë tyukwinwa'anëyën ja m'ap m'okëty.

Génesis 46:2

Jä'ä koots ojts yë Jacob myëkäjpxyë yë Tios kuma'ayjoty, yë xyëëw tukmëkajpxë, tä y'ëtsooy: Tsyajës jä'ä.

Números 31:4

Tu'kja'ayjyäty ma ja Israel ja y'u'unk y'ëna'kën tu'uk mil mëpaat yë jyä'ä tkexy tsiptuunpë.