Jueces 7:19 - Biblia Mixe de Quetzaltepec

¹⁹ Tä yë Gedeón mëët yë jyä'äy nimëko'px jamtsow nyëjkxtë ma ja myëtsip ënäty yajpaatën, tsu'um jam nyajxtë ma ënäty tyajtso'onta'aka'antën ja tsip. Tääts tyëjkëtyë xuxpë wikpë mëët ja tsajpkaawaj ets tpu'utaaytyë ja tu'ts'u'unk mëti'ipë ënäty myënëjkxtëpën.

Biblia Dc en Mixe de Quetzaltepec

¹⁹ Tä yë Gedeón mëët yë jyä'äy nimëko'px jamtsow nyëjkxtë ma ja myëtsip ënety yajpaatën, tsu'um jam nyajxtë ma ënety tyajtso'onta'aka'antën ja tsip. Tääts tyëjkëtyë xuxpë wikpë mëët ja tsajpkaawaj ets tpu'utaaytyë ja tu'ts'u'unk mëti'ipë ënety myënëjkxtëpën.

Jueces 7:19 ပူးပေါင်းရင်းမြစ်များ

Apocalipsis 16:15

Jëtu'un ja Tios y'ënä'äny: Ixtë, jëtu'unës nminy ajotkumonë ijxtëm yë mä'tspën. Jotkujk yë ja'ay yajpaaty mëti'ipë juuky yajpatpën ets tam wyit tmëëtëty, këtiipë yajtukja'tëty niwa'ats ëxwa'ats ets tsyëtyunëty.

1 Tesalonicenses 5:2

Wa'ats miits xynyijawëtë ko ja Wintsën myina'any oyjyëna'ajëty ma ënäty ka'ap pën tjëjp'ixyën, ijxtëm tu'uk ja mä'tspë koots jyä'tyën.

Mateo 25:6

Tsu'um it ojts tmëtowtë ayuk janty mëk y'ënä'äny: Tää ja ye'etyëjk pëjkpë myiny. Pëtë'ëktë, nëjkx jëjpye'eyyë'ëktë.

Salmos 2:9

Mëët yë mpujxn ntajk nëjkx xyajkutëkoy ja yajkutujkpëtëjk mëti'ipë y'ënä'ämtëpën ja naax kajpn. Piw nuuk xytyuna'any jëtu'un tä naaxtu'ts jyätyën ko pyu'uy.

Jueces 7:16

Tä ja Gedeón ojts tëkëëkpëky tyajwä'kxy ja tsyiptuunpëtëjk ets tmooy këëktu'uk yë tu'ts'u'unk ma ja piity tyaj'itën mëti'ipë toopyën ets yë'ë nyätyukutu'kxëtëty ets näjyëtu'un tmooy këëktu'uk yë tsajpkaawaj.

Éxodo 14:24

E kujk ënäty ëka'any jyajtä'äky ko ja wintsën t'ijxy ja maytsyiptuunpëtëjk japë Egiptë tsyoontën. E ja Tios jap ënäty yajpaaty ma ja yootsën, jëtu'unpë kyëxë'ëkyën tä yë jëënën, ënät jëtu'unyë tyimlokëjajtaaytyë ja tsiptuunpëtëjkëty, aakyë'ë ojts nyäy'ijxma'tënëtë.

Jueces 7:18

Koos nyaj'ëna'anëty yë tsajpkaawaj ets näjyëtu'un tyaj'ëna'antëty ja jyä'äyëty mëti'ipës xypyanëjkxtëpën, ënätyë miits ja mjä'äjëty xyaj'ënaanta'aktëty na'ëwtity ma ja mëtsiptëjkëtyën ets mëk m'ëna'antëty: Yë Wintsën mëët ets Gedeón mëët.

Jueces 7:20

Tëkëëkpëky ja tsiptuunpëtëjkëty ojts tyaj'ënaanta'aktë ja tsyajpkaawajëty ets tpu'utaaytyë ja tsyu'tsëty mëti'ipë ënäty myënëjkxtëpën. Ja y'anajnykyë'ëjëty yë'ë mëët nyätyukutë'kxëtë, e ma ja y'a'oykyë'ëjën yë jam myajts'ijtëp ja tsyajpkaawaj, ets mëk jyänty ya'ax jyänty jyoktë: Tsip tuunëp mëëtkyëjxm yë Wintsën ets mëëtkyëjxm yë Gedeón.

Salmos 90:4

Janty tëyajtën jëtu'un, ko ja kanaak jëmëjtpë jëtu'un xyjyawë tä jeexyë tyu'kxëëwëtyën, yë ëxë'ëypyë nyäxyën jëtu'un tä jeexyë tyu'ktsojkyëtyën ko kyoots'aty.