Jueces 7:1 - Biblia Mixe de Quetzaltepec

¹ Gedeón mëti'ipë ënäty të txëëwmo'otën Jerubaal ets tëkokyë mëti'ipë ënäty jämyëët'ajtëpën tsojk ojts tsyo'onkojtë jopyëp ets nyëjkxtë jam Harod ma ja nëëwookyën. Ja Madián ja'ayëty jam ënäty të nyäpyëjkta'akëtë anëkëjxytsyow, ma tu'uk ja mëj joyën mëti'ipë yajpatpën jam kopk'ëjx mëti'ipë xyëëwajtypyën Moré.

Biblia Dc en Mixe de Quetzaltepec

¹ Gedeón mëti'ipë ënety të txëëwmo'otën Jerubaal ets tëkokyë mëti'ipë ënety jämyëët'ajtëpën tsojk ojts tsyo'onkojtë jopyëp ets nyëjkxtë jam Harod ma ja nëëwookyën. Ja Madián ja'ayëty jam ënety të nyäpyëjkta'akëtë anëkëjxytsyow, ma tu'uk ja mëj joyën mëti'ipë yajpatpën jam kopk'ëjx mëti'ipë xyëëwajtypyën Moré.

Jueces 7:1 ပူးပေါင်းရင်းမြစ်များ

Jueces 6:32

Jä'ä xëëw ojts ja Gedeón tyajxëëwpätë Jerubaal, jä'ä ko tyaa y'ënantë: Wä'än kë'ëm yë Baal näkyuwa'anyë. E paatykyëjxm jëtu'un tyajxëëwpäjtë jä'ä ko yë Gedeón yë'ë ënäty ja Baal ja wyintsë'këntyakn të tjijtë'ëky.

Eclesiastés 9:10

Mëti'ipë jyëkyejpyën mëpaat xytyunyën tun ets winë aaw winëjot xytyunëty; jä'ä ko jap o'kpëjutjoty ma mnëjkxa'anyën ka'ap jap tii yajtuny yajkäjpxy, ka'ap jap tii yajmëmay yajmëtajy ets ni ijxpëjkën ets ni wijyajtën jap kyä'ty.

Génesis 12:6

Abram ojts tuknajxta'ay tääpë it naaxwiinyëtën ets jyä'äjty ma jam ja itjot txëëwatyën Siquem, ma ënäty jam tu'uk ja xoj kepyën kënu'kxypyë mëti'ipë jyä'ä'ajtypyën yë Moré. Yë Canaán ja'ayëty jamnëm ënäty tsyëënëtë ma ja jampë ja it naaxwiinyëtën.

Josue 6:12

Komjëpom janty tsojk ojts yë Josué pyëtë'kojy mëët ja teetytyëjkëty ets tmëtso'ontë ja Wintsën ja kyaaxë.

Josue 3:1

Komjëpom janty tsojk ojts yë Josué pyëtë'kojy mëët tëkokyë yë Israel ja'ayëty ets tsyo'ontë jam Sitim, jyajtë ma ja Jordán mëjnëëjën; jamts tyaj'o'oyëtyë ja wyitëjkëty ets jam wäänë y'ita'antë.

Deuteronomio 11:30

Ya'atë mäjtskpë kopk jam yajpaaty nëë'awinaxy ma Jordán nëëjën, jamtsow yajpaaty anajnytsyow ma Canaán ja'ayëty tsyëënëtën jam joyjyotm. Yë'ë mëët nyäwyinku'ixëty yë Guilgal yë y'itjot, winkon ma ja xojjotmën jampë yajpaatyën Moré.

Génesis 22:3

Komjëpom janty tsojk ja Abraham ojts pyëtë'kojy ets ojts ja jyëyujk tniwëëny. Ënät ojts ja nyija'axy tpujxë ja wintsë'kën ets ojts nyijkx jam ma ja itjotmën ma ënäty ja Tios të tyuk'ënë'ëmxëtyën, tu'ukyë mëët ja Isaac ets nimäjtsk ja tyuunpë.

Jueces 6:40

Jä'ä tsu'um yë Wintsën ojts tjantytyuny tä ënäty yë Gedeón të tpëjktsoyën. Komjëpom ko ja Gedeón ojts tninëjkxy ja kupixyny'ak, ja kupixyny'ak të'ëts ënäty yajpaaty, e ja naax xook mëët ja maanik.

Jueces 8:29

Jerubaal, mëti'ipë näjyëtu'un yajtijpën Gedeón, jam ojts nyëjkxnë tsënääpyë ma tyëjkën. Jä'ä yë y'u'unk y'ëna'k nyiwinë'ajtë nitëkë'px majk, jä'ä ko kanaak ënäty ja tyo'oxytyëjk tmëëtëty.

1 Samuel 12:11

E mëët ko jëtu'un mëk ja Tios tmëmaaywyajtstë ënät tyuknikäjxëtë ja Jerubaal, Barac, Jefté ets ja Samuel ets yë'ë mputëkëtëty ets myajtso'okëtëty ma ja mëtsiptëjkëtyën ets jëtu'un'äämpy jotkujk mjuuky'atëty.

2 Samuel 23:25

Samá, jampë tsyoonyën Harod; Elicá, jampë näjyëtu'un tsyoonyën Harod,

Salmos 83:9

Jëtu'un yajjat yajkëpät ijxtëm ojts ja Madián xytyunyën, ijxtëm näjyëtu'un xytyuunyën ja Sísara, ets Jabín jam wokjotm ma txëëwatyën Quisón,

Jueces 6:33

Ënät ja Madián ja'ayëty ets ja Amalec ja'ayëty tëkokyë mëti'ipë ënäty jam tsënaaytyëpën awinmtsow tyu'ukmujktaaytyë ets tuknajxtë ja nëë mëti'ipë yajtijpën Jordán ets jam nyäpyëjktakëtë ma txëëwatyën ja joyjyot Jezreel.

1 Samuel 29:1

Ja filistejë ja'ayëty wa'ats nyäy'ijxmujktaayëtë jam Afec. E yë Israel ja'ayëty jam ojts jyajta'aktë ma tu'uk ja nëëwookyën, ma txëëwatyën Jezreel.