Jueces 6:34 - Biblia Mixe de Quetzaltepec

³⁴ Tä ja Tios ja myëk'ajtën y'oyajtën tyuktëjkëyë yë Gedeón ets tukxuxmujky yë ja'ay tu'uk yë tsajpkaawaj ets myintëty ja Ebiézer ja jyä'äy.

Biblia Dc en Mixe de Quetzaltepec

³⁴ Tä ja Dios ja myëk'ajtën y'oyajtën tyuktëjkëyë yë Gedeón ets tukxuxmujky yë ja'ay tu'uk yë tsajpkaawaj ets myintëty ja Ebiézer ja jyä'äy.

Jueces 6:34 ပူးပေါင်းရင်းမြစ်များ

2 Crónicas 24:20

Ënät ja Zacarías, yë teety Joiadá myaank, tyuktëjkëyë ja Wintsën ja myëk'ajtën y'oyajtën ets jam këjxm kyuwa'këy, jamts t'ënëmaay ja naax kajpn: Jëtu'un ja Wintsën y'ënä'äny: ¿Tii ko miits yë Wintsën xykyapatuntë ja y'ënä'ämën tyiyajtën? ¿Wi'ix ko miitsëty ni'ikyë ja m'ëyo'on mjotmay xy'ëxkukëtë? Mëët ko miitsëty kë'ëm të xy'ëxmatstës, ëjts näjyëtu'unës yam n'ëna'any ko miitsëty n'ëxmatsa'antë.

1 Crónicas 12:18

Ënät ja Amasai, mëti'ipë nyiwintsën'ajtypyën ja nimajkpë ja ja'ayëty mëti'ipë nyiwintsën'ajtëpën ja tsiptuunpëja'aytyëjk, ojts mëk ja aaw ayuk tnajtsmatsë, ja Wintsën ja myëk'ajtën y'oyajtën ojts tyukja'tyë ets y'ënäny: Jotkujkajtën yam ntuknikejxyp mijts David, Jesé yë myaank. Ntuknikäjpxy ja jotkujk'ajtën ets xëmë yajpaatëty ma mijtsën. Xëmë yajpaatëty ja jotkujk'ajtën ma mijtsën ets ma ja mjëëky mëku'ukën mëti'ipë mëët mye'eyën mnaxyën, jä'ä ko mijts tii xytyuny oy, ja Tios xëmë mputëkëtëp. Ojts ja David tyuunkmo'ojëtë ma ja tsiptuunpë wintsënëtyën.

Jueces 3:27

Ko jam jyä'äjty ma ja Israel ja'ayëty ja y'itjotëtyën, ënät ojts tyaxmujkta'ay nitëkokyë ja Efraín ja jyä'äyëty mëti'ipë ënäty jam yajpatëpën kopkjotm ets tyo'ontë, yë'ë ja Ehud jëwyiin'ajtp.

Jueces 3:10

Ënät ja Wintsën ja myëk'ajtën y'oyajtën tuktëjkëy ja Otoniel ets ojts yë'ë tnitsiptuny yë Israel kajpn, ko ojts tnitsoony ja yajkutujkpë mëti'ipë xyëëwajtypyën Cusan-risataim. Tios ojts tu'ukyë tuk'ijxpety ets ojts yajmëtä'äkyë.

Romanos 13:14

Ni'ikyë miits mnätyukxoxëtëty ja mëpëjkën mëti'ipë jam mmëët'ajtëpën ma ja Wintsën Jesukristën ets ka'ap yi'iyë xymyëmay xymyëtajtëty wi'ix ja mjot mnini'kx tii t'oyjawëtyën.

Gálatas 3:27

jä'ä ko ni'ëmukë mëti'ipë të nyëëpätën mëët ja Kristë ja xyëëw, tëë ja Kristë ja jemywyit myo'ojëtë.

Salmos 51:11

Ka'ap mëpaat xyjyëkexyës mijts mwintuuy, ets ka'apës mëpaat xypyëjkë yë wa'atspë mmëkajtën m'oyajtën.

1 Samuel 16:14

E tyam ja Saúl ni'ikyë ja Wintsën ja myëk'ajtën y'oyajtën myajtstutënë ets ëxëëk tyuunënë ja ëxëëk poj mëti'ipë yë Tios kyäjxën.

1 Samuel 11:6

Ko ja Saúl jëtu'un tmëtooy ja aaw ayuk, ënät tyuktëjkëyë ja Wintsën ja myëk'ajtën y'oyajtën ets yajxon jyoot'anpëjky.

1 Samuel 10:6

Ënät yë Wintsën yë myëk'ajtën y'oyajtën mtuktëkëja'anyë ets näjyëtu'un myaj'ixa'any mukëp yowë, tëkatsyjyä'äy mkawinpita'any.

Jueces 15:14

Ko jam jyajtë Lehi, ënät yë filistejë ja'ayëty tyëjkëtyë yaxpë jojkpë mëët yë xoontakën. E yë Sansón ënätyë ojts yë Wintsën yë myëk'ajtën tyukëtä'äkyë ets jëtu'unyë tnujktaktaay ja tejpxy tä witooyën ma kyë'ë tyekyën.

Jueces 14:19

Ënät ja Sansón ojts ja Wintsën ja myëk'ajtën tyukëtä'äkyë, ets ojts nyijkxy jam Ascalón, i'px majk ja ye'etyëjk ojts tyaj'ooky ets ja wyit tpëjkëtyääy mëti'ipë ënäty myëët'ajtëpën. Ja wit yë'ë ojts tmo'oy ja ëna'ktëjkëty mëti'ipë ja ayuk të tni'ëtsowtën mëti'ipë yajnajtsja'apën. Ko jam tsyo'ony tä ojts nyijkxy ma ja tyeety tyaakën.

Jueces 13:25

E nëjkxëp tu'kxëëw tu'kjëmëjt nyijkxy yë Sansón jam ma Dan yë y'ijtaknën mëti'ipë yajpatën itkujky ma naaxwiinyëtë txëëwatyën Zorá mëët yë Estaol, ënät ojts kyëxë'ëky yë Wintsën yë myëk'ajtën ma yë'ëjën.

Jueces 8:2

E yë'ë tyaa y'ëtsooy: Miitsëty ka'ap xywyinja'awëtyë ko mëj këjää winë xytyuuntë këtiinëm jëtu'un ëjts, jawäänëpë të xytyuntën tsoowpatp ni'ik, këtiinëm jyëtu'unëty mëti'ipës mëj këjää të ntuntën.

Jueces 6:11

Paaty yë Wintsën yaa ja kyukäjpxy myiiny ets nyaaxwe'tsy jam xojpa'tkë'ëm ma txëëwatyën Ofrá ma ja Joás ja nyaaxjotën, yë Abiézer yë jyä'äy. Yë Gedeón yë myaank, yë Joás yë'ë ënäty jam yë tsajpmok yajpajk'ajtyp ayu'utsy, ma ja ja'ay ja tsatym ijty twintääntën ets tyajkojtë ja tsatym nyëë, jä'äkyëjxm ënäty jam ayu'utsy yajpaaty këtiipë ja Madián ja'ay y'ixëtëty.

Josue 17:2

Ojts näjyëtu'un t'ijxpëtsëmtë mëti'ipë naax ënäty nitu'ukjaty tukka'ajëtëp ja y'u'unk y'ëna'k yë Manasés: Ojts tyuka'ayë ja nyaax ja Abiézer, Hélec, Asriel, Siquem, Héfer ets ja Semidá mëti'ipë ja Manasés y'u'unk'ajt y'ok'ajtën, jä'ä jëtu'un ja y'ok'u'unk y'ok'ëna'k ja José.

Números 10:3

Ko mäjtsk ja pujxnxuxn yajtukxu'uxëty, tëkokyë ja ja'ay myujkta'atëty ma mijtsën jam ma yajnitëkën ja wit tëjk ma näpyaatë y'ityën mëët yë Tios.

1 Samuel 13:3

Ja Jonatán ojts jam tpawojpkäkta'ay ja filistejë ja'ayëty mëti'ipë ënäty jam Guibeá këwent'ajtëpën, e ja filistejë ja'ayëty ojts tnijawëtë ënätyë. Paatykyëjxm ojts ja Saúl tyäky ënätyë ja nija'awën maajaty ja naax kajpn tnitänën ja Israel ets txuxmujkta'atëty ja hebreo ja'ayëty.

1 Crónicas 12:19

Ojts näjyëtu'un Manasés jyä'äy tpuwa'akëtë ja David, ko jam tsyënaay ma ja filistejë ja'ayëtyën, ko mëët nyäy'ixjëtijt nyäpyajëtijtë ja Saúl. Oy ojts ntijmëty ja David ka'ap yajxon timy'apupety ja filistejë ja'ayëty jä'ä ko ka'ap kyupëjkëtë, jëtu'un ojts ja filistejë ja'ayëty y'ëna'antë ja kyutuunkëty: Ka'ap yowë y'oy'atëty ko yë David nkupëjkmëty ets xy'apupäjtmëty ma mëët yë Saúl ntsiptuna'anëmën, jä'ä ko tyam ënäty nyätyijyë xypyupäjtëmë ko ajotkumonë xynyipëtë'kmëty, nikë oy ko Aak ëëtsajtëm kë'ëm mëët yë Saúl n'ëk'ijxmëty.