Jueces 6:2 - Biblia Mixe de Quetzaltepec

² E jä'ä ko yë Madián ja'ayëty ëxëëk ënäty tuntë yë Israel ja'ayëty, paaty yë Israel ja'ayëty ojts yë naaxwiinyëtë t'ixta'atë ma twinkuyu'utstëtyën yë Madián ja'ayëty, ojts tajtë yë jut jam kopkëjxm ets aank ma ka'ap pën pyaatëtëtyën.

Biblia Dc en Mixe de Quetzaltepec

² E jä'ä ko yë Madián ja'ayëty ëxëëk ënety tuntë yë Israel ja'ayëty, paaty yë Israel ja'ayëty ojts yë naaxwiinyëtë t'ixta'atë ma twinkuyu'utstëtyën yë Madián ja'ayëty, ojts tajtë yë jut jam kopkëjxm ets aank ma ka'ap pën pyaatëtëtyën.

Jueces 6:2 ပူးပေါင်းရင်းမြစ်များ

Job 30:6

jam ijty nëjkx nyäyu'utsëtë aankjoty, jam muum ja'awjoty ets tsaajoty;

Jeremias 41:9

Ja nëëjut ma ja Ismael t'ajëpijpëtyääyën ja o'kpë, jä'ä mëti'ipë ja yajkutujkpë Asá yaj'o'oyëyën ko nyäkyuwanë ma pyatityën ja yajkutujkpë Paasá mëti'ipë jam ënä'ämpën Israel.

Jeremias 48:28

Moab ja'ayëty tim pëtsëëmta'atë jap kajpnjoty; nëjkx jam mtsëënëtë tsaakopkëjxm ets jëtu'un jam muum mnäkyukonëtëty tä joon jëyujk pyä'än t'oytyunyën tsaakäätswiiny.

Levitico 26:17

Ëjts nmëtsipës n'awinpita'any mëët miitsëty, ja ja'ayëty mëti'ipë ënäty mëtsip'ajtëtëpën, ëxëëk nëjkx mtunëtë ets yë'ë nëjkx y'ënä'ämtë ma ja mnaax mkajpnëtyën, mëti'ipë ënäty m'ëxëëk'ijxëtëpën, jëtu'unyë mkä'äktëty mputëty, oy ënäty ni pën mkapapo'ojëtë.

Hebreos 11:38

Ka'ap jëtu'un jyapaat'ajtëtë ets ja ja'ay ëxëëk tyunëtëty. Jëtu'unyë kyuye'ey kyunajxëtyë të'ëts'itjotm, käätsjotm ets aankjoty tsaajoty jyuuky'ajtë.

Apocalipsis 6:15

Ja yajkutujkpëtëjk, ja wintsëntëjk, ja tsiptuunpëtëjk, ja kumeenyjyä'äytyëjk, ja kopktëjk, ja mëtuunpëtëjk ets ja yajmëtuunpëtëjk; je'eyë ja nyäyu'tstaayëtë aankjoty ets tsaajutjoty,

Jueces 10:8

Yë Amón ja'ayëty ets filistejë ja'ayëty ëxëëk tuuntë yë Israel ja'ayëty mëti'ipë jam tsënaaytyëpën Galaad, jamtsow awinmtsow ma Jordán nëë jyënäkyën, ma nyaaxjotëtyën yë Amor ja'ayëty.

Jueces 10:9

Yë Amón ja'ayëty ojts tninaxtë yë Jordán mëjnëë ets mëët tsyiptuna'antë ja Judá ja jyä'äyëty, ja Benjamín ja jyä'äyëty ets ja Efraín ja jyä'äyëty; ënät yë Israel jyä'äyëty mëkjotmayjoty ojts nyäyjyawëtë.

Jueces 6:3

Xëmë winjëmëjt ko ënäty yë Israel ja'ayëty muum yë pyëjktä'äky tyaj'itë ënätyë ijty myintë yë Madián ja'ayëty ets Amalec ja'ayëty jëtu'un ja pëjktä'äky yë'ë tyajnëkxta'atë.

1 Samuel 13:6

Yë Israel ja'ayëty mëj jotmayjoty ojts nyäyjyawëtë, jä'ä ko ja filistejë ja'ayëty jëtu'unyë tyukpëtijtmujkëtë. Paatykyëjxm ojts jap muum jyaak näyu'utsëtë aankjoty, jutjoty, wokjoty ets tam mëti'ipë muum mo'ontsjoty näyu'tsëtën, tääts jyaak näyajtsokëtë.

1 Samuel 14:11

Jëtu'un ojts tjantytyuntë ojts nimäjtsk nyätyuk'ixëtë ja filistejë ja'ay. E ko yë filistejë ja'ayëty jëtu'un t'ijxtë tääts y'ënantë: Ix tamts ja ënät pyëtsëëmta'atë ja hebreo ja'ayëty ma yu'utsy të yajpaatën