Jueces 6:12 - Biblia Mixe de Quetzaltepec

¹² Ënät ja Wintsën ja kyukäjpxy nyipëtsëëmë jam ets y'ënëmaayë: Yë Wintsën yë'ë tyam yajpatp ma mijtsën, jotmëkja'ay.

Biblia Dc en Mixe de Quetzaltepec

¹² Ënet ja Wintsën ja kyukäjpxy nyipëtsëëmë jam ets y'ënëmaayë: Yë Wintsën yë'ë tyam yajpatp ma mijtsën, jotmëkja'ay.

Jueces 6:12 ပူးပေါင်းရင်းမြစ်များ

Lucas 1:28

Tääts ja tsajpjotmëtë kukäjpxy tyëjkëy ma ja Maria ënäty jap y'u'unyën ets t'ënëmaay: Tios mkënu'kxëtëp Maria, ni'ik mijts ja Wintsën mtsokyë, Tios mijts mëët myajpaaty.

Josue 1:5

Mapaat mjuuky'ätyën ni pën mkamayëtëty, ëjtsës xëmë yajpaataanp ma mijtsën tä ojts nyajpaatyënës mëët yë Moisés, nijëna'a nka'ëxmatsa'any ets nkamajtstu'uta'any.

Jueces 2:18

Xëmë ko ënäty ja Wintsën twin'ixy tu'uk ja ja'ay mëti'ipë tsip'ixyën ets twinye'eyëty ja naax kajpn, pyutëjkëp ijty ets ja Israel ja'ayëty yajnitsiptuntë këtiipë o'ktëy ja myëtsip tyunëtëty. Jä'ä ko ja Wintsën myëtoopy ënäty ko ja Israel ja'ayëty jyë'ëtë ya'axtë ko ja myëtsiptëjkëty o'ktëy yajjat yajkëtpäjtëtë.

Josue 1:9

Ëjts yam mijts n'ëne'empy ets akujk jotkujk mtimnyäyjyawëtëty, amëk jotmëk xëmë m'itëty. Këtii mtsë'ëkëty ni mkakumay mkakutajëty, jä'ä ko ëjts maas nWintsën'atyën mëti'ipë mijts mTios'ajtypyën, xëmës nyajpaata'any mëët mijts, oy maa mtimnyëjkxëty.

Lucas 1:11

Ënät ja Zacarías ojts ja Tios ja y'anklës t'ijxpaaty, jap tyänë aka'any'äämpy ma ja wintsë'këntyaknën, ma poom tyoyën.

Jueces 13:3

Ënät ojts tëkok tu'uk yë Wintsën kyukäjpxy nyikëtä'äkyë ets y'ënëmaayë: Mijts ka'ap të tjëkyepy yë u'unk maay xypyaatëty xy'ixëty, e tyam yë'ëts yam ntuknijawëjäämpy ko mijts mpatäämpy m'ixäämpy tu'uk yë u'unk maay.

Éxodo 3:12

Tä ojts yë Tios y'ëtsoyë: Ëjts mijts njämyëët'atäämpy ets ya'atë jëtu'un mtuk'ixëp ko yam nkexyp, ko ënäty mijts ja nnaaxës nkajpnës të xyjyuuty jap Egiptë, yaajës min xy'ëwtatë ma ya'atë kopkën.

Mateo 28:20

ets xytyuk'ijxpëktëty wi'ix tpatuntëtyën tu'kë'ëyë mëti'ipë miitsëty të ntuk'ënä'ämtën. E ëjts jëtu'unës n'ëna'any ko yajpaataanpës xëmë ma miitsëtyën mapaat yë naaxwiinyëtë jyää'atyën.

Mateo 1:23

U'unkpaataanp tu'uk ja to'oxy'ëna'k, ets Emanuel ja y'U'unk txëëwatëty. Mëti'ipë tyijpy: Tios ëëts mëët n'ijtëm.

Rut 2:4

Tam ënäty tyuntë ja ja'ayëty ko ja Booz jyä'äjty ets tkajpxpo'kxtaay ja tyuunpëtëjk. Wi'ix jyäty kyëpety mëku'uktëjkëty, Tios mkënu'kxëtëp. Näyjyëtu'un mijts, Tios mkënu'kxëtëp. Jëtu'un y'ëtsoowtë ja tuunpëtëjkëty.

Jueces 6:11

Paaty yë Wintsën yaa ja kyukäjpxy myiiny ets nyaaxwe'tsy jam xojpa'tkë'ëm ma txëëwatyën Ofrá ma ja Joás ja nyaaxjotën, yë Abiézer yë jyä'äy. Yë Gedeón yë myaank, yë Joás yë'ë ënäty jam yë tsajpmok yajpajk'ajtyp ayu'utsy, ma ja ja'ay ja tsatym ijty twintääntën ets tyajkojtë ja tsatym nyëë, jä'äkyëjxm ënäty jam ayu'utsy yajpaaty këtiipë ja Madián ja'ay y'ixëtëty.

Jueces 6:13

Ets ja Gedeón y'ëtsooy: Ëknamä'kx Wintsën, pën mijts myajpatp mëët ëëtsëty ¿wi'ix koos o'ktëy njatë nkëpätë? ¿Maajëtën ja mëj'ajtën të nyëjkxta'ay mëti'ipës ja n'ap n'ok nyikajpxtën ko mijts ojts jap winë xytyuny Egiptë? Yë Wintsën tëëjës xy'ëxmajtsnëtë ets tëëjës xykyë'ëyajknëtë ma Madián ja'ayëtyën.

1 Samuel 10:7

Ko jëtu'un tyunëtëty jyatëtëty ma mijtsën mëti'ipës yam n'akäjpxypën, mijts kë'ëm m'ixëp tii ënäty mtunäämpy, yë Wintsën yë'ë mputëkëjanëp.

Deuteronomio 20:1

Ko mnëjkxtëty tsiptuunpë ets xy'ixtëty yë mmëtsip ko nimay ni'ik tmëët'atë yë kyepy wintëkäämpë ets kyëwaayëty, këtii xytsyë'ëkëtëty. Jä'ä ko yë Wintsën yë'ë yajpatp mëët miitsëty, mëti'ipë ojts mjuutëtën jap Egiptë.

Jueces 11:1

Jefté jotmëkja'ay ijty ets tsip'ixy, jam kyukajpnëty Galaad, yë'ë tyaak'ajtyp tu'uk yë to'oxytyëjk mëti'ipë jyot nyini'kx ijty tyo'kpyën ets yë'ë tyeety'äjtyp tu'uk yë ye'etyëjk mëti'ipë xyëëwajtypyën Galaad.