Jueces 5:5 - Biblia Mixe de Quetzaltepec

⁵ Mijts mwintuuy Wintsën, mijts mwintuuy, Tios mëti'ipë Tyios'ajtypyën yë Israel kajpn, yë kopk tëë xyajyu'kxy, tëë xyajyu'kxy ja Sinaí kajpn.

Biblia Dc en Mixe de Quetzaltepec

⁵ Mijts mwintuuy Wintsën, mijts mwintuuy, Dios mëti'ipë Tyios'ajtypyën yë Israel kajpn, yë kopk tëë xyajyu'kxy, tëë xyajyu'kxy ja Sinaí kajpn.

Jueces 5:5 ပူးပေါင်းရင်းမြစ်များ

Salmos 104:32

Ko t'ixy yë naaxwiinyëtë, ënätyë yu'kxpëky; jëënjok ënätyë tim napëtsëëmp tunkëjxm kopkëjxm ko tmëyu'kxë.

Salmos 114:4

Yë tun kopk jëtu'un ojts nyëput yujkputë tä kupixyny u'unkën ets tä tsajppax u'unkën.

Salmos 68:8

ojts yë naaxwiinyëtë yu'kxy ets ojts yë mëk komtuu kyëtä'äky naaxkëjxy mëti'ipë tsajpwinm tso'onpën, yë Sinaí kopk näjyëtu'un jyänty yu'kxtäky Tios wyintuuy, ma ja Israel ja'ay Tyiosëtyën.

Salmos 68:9

Mijts Tios, tëë xyajtu'uy xyajpojy mëj këjää, ets të xyajxooky ja naaxwiinyëtë ma ënäty tsyë'ëtsëtyën ets jëtu'un jatëkok y'ajämë.

Salmos 97:5

Yë tun kopk jëtu'un jyiiytyakta'ay tä yë pu'unykyën ma Wintsënën, mëti'ipë nyiwintsën'ajtypyën yë naaxwiinyëtë.

Éxodo 19:18

Jam ma ja kopkën jok jam yaj'ijxp pyëtsimy, mëët ko ënäty ja Tios jam të kyëtä'äky jëënjoty. Ja jëënjok jam jantypëtsëëmp kopkkëjxm tä jëëntooytyaknjoty yë jëënjok pyëtsimyën ets ja kopk janty yu'kxtsënääpy.

Éxodo 20:18

Nitëkokyë yë Israel ja'ayëty y'ijxtaaytyë ko ojts ja ënääw wëtsuk y'ëti'itsy y'ënä'äny, ko ja pujxnxuxn mëk jyänty xyuxy ets ko ja jëënjok tyajnitujktaay ja tun kopk. Ojts ja ja'ayëty may tsyë'ëkëtë ets ka'ap ojts nëkooyë wyinkontë ma kopkën.

Isaías 63:19

Ëëtsëty jëtu'unës tyam nyajpaatë tä jeexyë mijts ka'ap nijëna'a myajkutukyën ma ëëtsëtyën, jëtu'un tä jeexyë ka'ap nijëna'a mxëëw të yajja'amyetsyën.

Nahúm 1:5

Ma yë'ëjën tsëtyuuypyëjktääpy yë tun kopk; jëtu'unyë jyiiytyakta'ay yë tun kopk yë'ë wyintuuy. Tu'kë'ëyë it naaxwiinyëtë tim yu'kxtääpy ko y'ixyë ets tu'kë'ëyë jënu'un winë y'ity yajpaatyën ets jyuuky'ätyën ma yë'ëjën.

Habacuc 3:10

Tim yu'kxtakp yë tun kopk ko m'ixyë; jam tsajpjotm mëk komtuu jam të tsyoony ets y'iitsy kyomy yë nëë o'pyky, mejyjoty ko nëkooyë jyänty pyëti'iky.

Hebreos 12:18

Miitsëty ka'ap ojts tii xymyëwinkontë, ijxtëm ja Israel ja'ayëtyën, mëti'ipë yajtoonpën ets mëti'ipë toopyën jëënjoty, ma ënäty kyootsëtyën ets ma ënäty myëkpojyën;