Jueces 5:31 - Biblia Mixe de Quetzaltepec

³¹ Jëtu'un mëpaat kyutëkooytya'atë mijts yë mmëtsip Wintsën, e ja ja'ay mëti'ipë mtsojkëpën mja'awëpën wä'än jëtu'un të'kxtë tjajtë tä xyëëw'anyën. Ko ya'atë tsip nyäjxy, jä'ä ojts yë Israel kajpn jotkujk yajpaaty wëxtyikxy jyëmëjt.

Biblia Dc en Mixe de Quetzaltepec

³¹ Jëtu'un mëpaat kyutëkooytya'atë mijts yë mmëtsip Wintsën, e ja ja'ay mëti'ipë mtsojkëpën mja'awëpën wä'än jëtu'un të'kxtë tjajtë tä xyëëw'anyën. Ko ya'atë tsip nyäjxy, jä'ä ojts yë Israel kajpn jotkujk yajpaaty wëxtyikxy jyëmëjt.

Jueces 5:31 ပူးပေါင်းရင်းမြစ်များ

Salmos 37:6

Yë'ë yajnikëxë'ëkäämpy ko ënäty oy tsuj mjuuky'äty, jëtu'un tä yë xëëw y'änyën kujkxyëëw.

2 Samuel 23:4

jëtu'un ja tyi'kxy jyäjy tä xëëw jyäjyën, jëtu'un tä janty'oy y'aantä'äkyën ko winwa'ats ja tsajp kyuxëënyë, mëti'ipë yajyoompy yaji'tsypyën ja aay ujts ko tyuukëtä'äky.

1 Pedro 1:8

Mtsojktëp miits ja Jesukristë oy të xykya'ixtë; e tyam mëët ko xymyëpëktë oy të xykya'ixtë, ni'ikyë mxoonta'aktë mëj këjää mëët ja mëj'ajt oyajtën mëti'ipë ka'ap yajmë'ayukpaatyën wi'ix yajnikajpxëty.

Santiago 1:12

Akujk jotkujk ja ja'ay mëti'ipë amëk jotmëk myëtënääpyën ja ëyo'on jotmay; ko tuknaxëty ja ëyo'on yë'ë kyuma'ayën'atäämpy ja juukyajtën mëti'ipë Tios të tukwinwanën ja mëti'ipë tsojkëpën.

1 Corintios 8:3

Pën ja Tios tsyojkpy jya'ap, nija'awëyëp ja Tios.

Daniel 12:3

Ja wijyjyä'äytyëjkëty, mëti'ipë ojts may ja ja'ay oy tu'uwinwowtën, jëtu'un nëjkx tyë'kxtë jyajtë ja niwits nijuuxën, ja tsajp; xëmëkyëjxm nëjkx yaj'ixtë mëtsa'ajën.

Salmos 91:14

Ëjts jotkujkës nyaj'ita'any ets ëwaatsëtuuyës npëjkta'aka'any ma ka'ap tii ëyo'on pyaatëtëtyën, jä'ä ko yë'ë oyës xytsyoky xyjyawë ets xy'ixy'ajtpës näjyëtu'un.

Salmos 89:36

Yë y'u'unk y'okëty yë'ë ënä'ämantëp xëmë ma kyutujktaknën, mapaat jyää'atyën yë xëëw.

Santiago 2:5

Mëku'uktëjkëty, mëtowtë ets ja'akyukëtë ya'atë: Tios tëë twinwitsy ja ja'ay mëti'ipë ëyoowtëpën yaa naaxwiiny ets ni'ik ja mëpëjkën tmëët'atëty ets t'ëxajëtëty ja kuma'ayën mëti'ipë Tios të tukwinwanën ja ja'ay mëti'ipë tsojkëpën;

Romanos 8:28

Nnija'awëm ëëtsajtëm ko ja Tios yë'ë të tpëjktä'äky winë ets tuk'oy'atëty ja ja'ay mëti'ipë tsojkëpën, mëti'ipë të twoowtsoyën ijxtëm të tuknipëjktaakën.

Mateo 13:43

Ets nëjkx ja wa'ats ja'aytyëjk jyajtë tyë'kxtë tä xëëwën ma ja Tyeety ja kyutujktaknën. Mëti'ipë mëtoowtëpën wä'än tmëtoow'itë.

Oseas 6:3

Tsojk winma'any mëk mpëjktakëmë ets n'ixy'ajtmëty yë Wintsën. Xynyimina'anëm yë Wintsën ets kopkpëky xynyimina'anëmë jëtu'un tä kopkpëky yë xëëw pyëtsimyën, jëtu'un tä kyopkpëkyëtyën ko yë naax tyajmëyäty yë nëë tuu ma pyotm'atyën ets ma xyëkopk'atyën.

Proverbios 4:18

Yë nyë'ë tyu'ujëty yë wa'ats ja'aytyëjk jëtu'un yë'ë tä yë xëëw y'aantä'äkyën komjëpom ko jyopyëp'aty. Ni'ikyë y'aantä'äky ets winë tukjajëtyä'äy.

Salmos 97:10

Yë Wintsën y'oyjya'ap yë ja'ay mëti'ipë y'ëxëëk'ijxypyën yë ëxëëkpë, ets kyuwanëp yë jyuukyajtën mëti'ipë tëy tëtä'äky mëtuunëpën. Kajëna'a tkamajtstu'uta'any ets kya'ajëty ma ëxëëkja'aytyëjk yë kyë'ë y'aawëtyën.

Jueces 3:11

Ko ya'atë tyajkutëkooy jä'ä ojts yë Israel ja'ayëty jotkujk jyuuky'atë wëxtyikxy jyëmëjt. Ko yë Otoniel y'o'ky

Salmos 97:8

Wintsën, janty'oy xyoontä'äky yë Sión, ets Judá yë nyaax kyajpn mëët ko jyääjëty yë m'ënä'ämën;

Salmos 92:9

Tää tu'uk yë tëyajtën Wintsën, yë'ë ko mmëtsiptëjk nëjkxëp jëna'a kyutëkooytya'atë ets tëkokyë tuuntëkoopyë, axit ako'owë jyajta'aja'antë.

Jueces 3:30

Jëtu'un'äämpy yë Israel ja'ayëty ojts tyajtëkoytyë yë Moab ja jyä'äy. Ko jëtu'un y'ëkjajty y'ëpëpejty, yë Israel kajpn jotkujk ojts yajpaaty majkta'px jëmëjt.

Deuteronomio 6:5

Tsok jawë yë Wintsën Tios winë aaw winëjot, mëët tu'kë'ëyë mjot mja'awën ets tu'kë'ëyë mjot mmëjaaw.

Éxodo 20:6

E mëti'ipës xytsyojkp xyjya'apën ets tpatuny ja n'ënä'ämënës ntëyajtënës, mëj këjääjës yë ntsoky njawë ets winë xëëw winjëmëjt n'oyjyawëja'anyës.

Apocalipsis 18:20

Mijts, tsajpjotmëpë yajpaatën, xoonta'aktë mëët ko jëtu'un të jyäty tääpë kajpn; ets miitsëty wa'ats kajpnëty, ayuk kajpxnajxpëty, käjpxynyajxpëtëjkëty xoonta'aktë jä'ä ko tëë ja Tios tuny ja paye'eyën ko të tyajkutëkoy tääpë kajpn.

Apocalipsis 6:10

Ets mëk y'ëna'antë: Janty oy, janty wa'ats mijts, Tios Mëti'ipë Maaytyääyëpën Winë, ¿jëna'a xytyiytyuna'any ets xypyaye'eyä'äny ja naaxwiinyëtë ja'ay mëti'ipë të y'ooktën?

Efesios 6:24

Wä'än ja Tios mkënu'kxëtë ni'ëmukë miitsëty mëti'ipë mtsojktëpën ja Wintsën Jesukristë mëët ja tsojkën ja'awën xëmëpë y'ityën.

Apocalipsis 1:16

Wëxtujk ja matsa'a tmajts'ity ma y'a'oykyë'ëjën. Y'aawjoty jap yaj'ixy pyëtsimy ijxtëm tu'uk ja tëypyujxnën mëti'ipë mäjtsk atu'um mye'eyëtyën ets ja wyiin jyëjp jëtu'un yaj'ixy ijxtëm ja xëëw mëk y'änyën.

2 Samuel 18:31

Ënät näjyëtu'un jyä'äjty ja Etiopíë ja'ay ets y'ënäny: Ëjts oy aaw oy ayukës nmëmiinpy nyajmiinpy ma mijtsën Wintsën, mëtoow'it: tyam tëë yë Tios tuny yë mëyajtën ma mijtsën, ko të tjëpëky të tjëtuny ja mmëtsip mëti'ipë ënäty ka'ap m'ixa'anyën.

Salmos 89:37

Xëmë y'ita'any tä yë po'ojën, xëmë y'ita'any mapaat jyää'atyën yë tsajp.

Deuteronomio 7:9

E paaty ja'amyätstë, këtii xyjyä'äytyëkoytyëty ko yë Wintsën mëti'ipë mTiosajtëpën, yë'ë tëy jaanty, mëti'ipë kyuuytyuunpyën ja y'aaw y'ayuk oy kanaak yë xëëw jëmëjt tyimnaxëty, ma ja mëti'ipë tsojkëyëpën ja'awëyëpën ja y'ënä'ämën tyiyajtën.

2 Samuel 18:32

Tä ja yajkutujkpë tyajtëëy ja Etiopíë ja'ay: E yë Absalón ¿oy mëk yajpaatyë? Tä ja Etiopíë ja'ay y'ëtsooy: Jëtu'un jeexyë jyajta'atë tëkokyë mëti'ipëjaty myëtsip'ajtëpën yë Wintsën tä tääpë mmëtsip të jyätyën.

Salmos 19:6

Tä ja xëëw pyëtsimy ets tukye'eyë ja tsajp, ko kyëtaknë wiinktsow kyëtaknë, ko tyi'kxy jyäjy ka'ap tjëkyepy pën tkukä'äkëty.

Salmos 20:8

Yë'ëjëty, wäänë muum tyä'äntsi'ita'antë tääts y'ojtskëta'aka'antë, e ëëtsajtëm ta'tspëky ntänëja'anëmë.

Salmos 92:10

Mijtsës xyajmëktakpës, etsës nkumëjaaw'atëty tä tsajpkaajën, tëë xytyukkujaaxyës yë on mëti'ipë pa'akxu'kpën.