Jueces 5:23 - Biblia Mixe de Quetzaltepec

²³ Ets ja Wintsën ja kyukäjpxy y'ënä'äny: Wä'än yë ëyo'on tkëtä'äky ma Meroz. Jä'ä ko yë'ëjëty ka'ap yë putëjkën të tyajktë ma ja Wintsën Tios ojts tjani'ënä'ämën.

Biblia Dc en Mixe de Quetzaltepec

²³ Ets ja Wintsën ja kyukäjpxy y'ënä'äny: Wä'än yë ëyo'on tkëtä'äky ma Meroz. Jä'ä ko yë'ëjëty ka'ap yë putëjkën të tyajktë ma ja Wintsën Dios ojts tjani'ënä'ämën.

Jueces 5:23 ပူးပေါင်းရင်းမြစ်များ

Nehemías 3:5

Ojts näjyëtu'un yajtuknikääkëtë tyuunk yë Tecoa ja'ayëty, oy ka'ap tjakupëjktë yë jyä'äyëty may ets ka'ap pyutëjkëtyë.

Salmos 94:16

¿Pënës xy'ëkniwaantu'utëp ma ëxëëkja'ayëtyën, ma ja tuuntëkoopyë kajpxtëkoopyëtyën?

Jeremias 48:10

Poky yë ja'ay wyi'imy mëti'ipë ka'ap winë aaw winëjot tunyën mëti'ipë ja Wintsën të tyuk'ëne'emyën. Poky yë ja'ay wyi'imy mëti'ipë ka'ap jyam'atyën ko ja o'kën y'itëty.

Mateo 25:41

Ënät ja yajkutujkpë t'ënëëmëja'any ja ja'ayëty mëti'ipë yajpatëpën anajnytsyow: Winwa'ktutëkës, miitsëty yë'ë mpat mnitëjkëyëtëp ets ëxëëk mjatëty, nëjkxtë jap jëënjoty ma jëën nijëna'a kyapi'itsyën, mëti'ipë të yajtuknipëjktaakën yë mëjku'u mëët yë y'anklëstëjk.

Romanos 15:18

Ka'apës nnätyuk'a'ixëty tii nimëtya'aktëty, yi'iyës nimëtyäkpy mëti'ipë ja Kristë të tunyën ëjtskyëjxm etsës nputëkëty mëti'ipë ka'ap jyutiis ja'ay'atën ets ja Tios tmëmëtowtëty. Ya'atë yë'ë mëët wyintu'upëky ja käjpxy mëtyä'äky ets ja tuunk,

1 Corintios 16:22

Pën jää jënaakën ka'apë tsokyën ja Wintsën Jesukristë, wä'än t'ity kajpxpoky. Min tsojk Wintsën Jesukristë.

1 Corintios 3:9

Tu'ukyë ëëts ja Tios ja tyuunk ntuunëtë ets jëtu'un miitsëty ijxtëm ja kamën ma ja Tios ja tyuunk tyu'uye'eyën, jëtu'un miitsëty ijxtëm tu'uk ja mëj tëjkën mëti'ipë Tios të tkojyën.

2 Corintios 6:1

Jëtu'un, ijxtëm ëëtsajtëm nmëtu'unëmën ja Tios, tyam nmënu'kxta'aktë ets xytyukjuuky'atëty ja oyajtën mëti'ipë ja Tios të mtuk'ixëtën,

Jueces 13:3

Ënät ojts tëkok tu'uk yë Wintsën kyukäjpxy nyikëtä'äkyë ets y'ënëmaayë: Mijts ka'ap të tjëkyepy yë u'unk maay xypyaatëty xy'ixëty, e tyam yë'ëts yam ntuknijawëjäämpy ko mijts mpatäämpy m'ixäämpy tu'uk yë u'unk maay.

Jueces 2:1

Ënät ojts tu'uk yë Tios yë kyukäjpxy jam tsyoony Guilgal ets ojts nyijkxy Boquim, jam t'ënëmaay ja Israel ja'ayëty: Ëjts miits të njuutë jap Egiptë ets yaa të nyajmintë ma ya'atë it naaxwiinyëtën mëti'ipës ojts ja m'ap m'ok ntukwinwanëtën: Ja käjpxytyu'unën mëti'ipë të ntu'unëmën ka'ap ja nijëna'a nyaj'atëkoyä'änyës,

Jueces 21:5

Ets aakyë'ë nyäyajtëëwëtë, ¿Ma ëëtsajtëmën, pën ka'ap të y'otsy jam Mizpá ma ja nätyu'ukmukë të y'ityën? Jam Mizpá tëë ënäty jam tkäjpxy'atë, ko pën të kya'otsyën ma ja nätyu'ukmukë të y'ityën yaj'ookantëp.

Jueces 21:8

¿Yaa ma ëëtsajtëmën jää jëtää pën mëti'ipë ka'ap të y'otsyën jam Mizpá Tioswintuuyë? Ënät ojts tja'amyätstë ko ja ja'ayëty mëti'ipë tsënaaytyëpën jam Jabés ma tnitänën yë Galaad, ka'ap y'ojtstë jam Mizpá ma ja nätyu'ukmukë y'ijtyën.

Jueces 4:6

Tu'kxëëw tu'kjëmëjt ojts yë Débora tmëjwoy tu'uk yë ye'etyëjk mëti'ipë Barac xyëëwajtyp, yë'ë myaank yë Abinóam, jam tsyëënë Quedes mëti'ipë Neftalí ja jyä'äy ets t'ënëmaay: Yë Wintsën, Israel ja'ay yë Tyios, yë'ë tyam m'ënëmaayëp ko mnëjkxëty jam kopkjotm ma Tabor itjotën ets xyajmukëty yë ja'ay jam nimajk mil aakyë'ë Neftalí ets Zabulón yë jyä'äy.

Jueces 5:13

Ënät ja Israel ja'ayëty tsyo'ontë ets ojts nyëjkxtë tsiptuunpë mëët ja mëkja'aytyëjkëty mëti'ipë ënäty mëj'äämpy ijtëpën yaa naaxwiiny naaxkëjxy, mëët ëjtskyëjxm jëtu'un ojts tsyoontë, ets nyëjkxtë tsiptuunpë mëët ja ja'ayëty mëti'ipë ënäty yajxon tsip'ixëtyën.

Jueces 6:11

Paaty yë Wintsën yaa ja kyukäjpxy myiiny ets nyaaxwe'tsy jam xojpa'tkë'ëm ma txëëwatyën Ofrá ma ja Joás ja nyaaxjotën, yë Abiézer yë jyä'äy. Yë Gedeón yë myaank, yë Joás yë'ë ënäty jam yë tsajpmok yajpajk'ajtyp ayu'utsy, ma ja ja'ay ja tsatym ijty twintääntën ets tyajkojtë ja tsatym nyëë, jä'äkyëjxm ënäty jam ayu'utsy yajpaaty këtiipë ja Madián ja'ay y'ixëtëty.

Jueces 8:5

Ko jam jyajtë Sucot, ënät yë Gedeón t'amëtooy yë ka'ayën ukën: Tuntë yë mëyajtën yajkaytyë wäänë yë ja'ayëty mëti'ipës xypyamiintëpën, tëë y'ënu'kxëtya'atë ko yajpapo'oy yë yajkutujkpë Zébah ets Zalmuná mëti'ipë ënä'ämtëpën ma Madián ja'ayëtyën.

Jueces 8:6

E ja mëjja'aytyëjk jampë Sucot yajpaatën tyaa y'ëtsoowtë: ¿Tiixë të xytyuny, kajts xyaj'ookynyëm ja Zébah ets ja Zalmuná yë mtsiptuunpë ka'ap pyaatëtë kyäytyëty?

Jueces 8:8

Ko jam tsyo'ony Sucot, jam ojts nyijkxy Penuel, jam t'amëtooy yë ka'ayën ukën. Näyjyëtu'un jam yaj'ëtsooy tä ojts Sucot yaj'ëtsoyën.

1 Samuel 17:47

Tëkokyë jënu'un tyam yaa yajpaatën nyija'awëtëp jëtu'un ko yë Wintsën ka'ap yë'ëjëty mëët yajtso'oky pujxn ku'umën, ëkë ti'pxn. Jä'ä ko ya'atë tsip Tios yë'ë kë'ëm tyimtunäämpy ets yë'ë mkë'ëyakanëp ma ëëtsëtyën.

1 Samuel 18:17

Ënät ojts yë Saúl tëkok t'ënëëmë yë David: Nmo'ojëp yë nnëëxës mëjpë mëti'ipë xyëëwajtypyën Merab, ets yë'ë xypyëkëty y'uukëty. Je'eyëp ko ënät, pën mijts mtsiptuunp ets pën jotmëk xëmë myajpaaty ma ja tsipën mëti'ipë yë Wintsën tsyip'ajtypyën. Ja Saúl paaty jëtu'un y'ënäny jä'ä ko tyaa ënäty myäy tyäjy ko ka'ap tyimkopkpëkyëty kë'ëm tyaj'ookëty ja David, ja filistejë ja'ayëty yë'ë jëna'a yaj'ookëtëp.

1 Samuel 25:28

etsës xypyokymyä'kxëty. Ëjts wa'atsës nijawë ko yë Wintsën jeky jam myaj'ita'anyë ma mkutujktaknën, jä'ä ko yë'ë mnitsiptuunpy ja oyajtën mëti'ipë ja Wintsën jyä'ä'ajtypyën ets mijts nijëna'a nëjkx ëxëëk mkajaty mkakëpety.

1 Samuel 26:19

Mëyajtënës yam npëjktsoopy yë mëj'ënä'ämpë ets tmëtowëty mëti'ipës yam nkajpxäämpyën. Pën yë'ë jëtu'un yë Wintsën të tyajkutuky etsës yë mëj'ënä'ämpë xy'ixjëtit xypyajëtitëty, yë'ë y'ëxajëp ko ënäty ja wyintsë'kën myo'oyë. E pën kë'ëmts jëtu'un twinma'any'äty, yë Wintsën pokëtëp yë'ë. Jä'ä ko tëëjës nyaj'ëxwojp nyaj'ixkäjxnë ma ya'atë it naaxwiinyëtën mëti'ipë yë Wintsën jyä'ä'ajtypyën etsës jam të xynyaswopëtë ma ka'ap tsyipëtyën etsës ja wiink tios n'ëwtajnëty.