Jueces 5:22 - Biblia Mixe de Quetzaltepec

²² Kiw kawnë jyänty y'ëna'antë yë pujxn ma kyëpajkëtyën. Puyë'kp nyëjkxtë yë oy tsujpë jëyujkëty.

Biblia Dc en Mixe de Quetzaltepec

²² Kiw kawnë jyänty y'ëna'antë yë pujxn ma kyëpajkëtyën. Puyë'kp nyëjkxtë yë oy tsujpë jëyujkëty.

Jueces 5:22 ပူးပေါင်းရင်းမြစ်များ

Miqueas 4:13

Pëtë'ëk ets yajpajk'at ja mtsajpmok mijts Sión kajpn. Jä'ä ko yë Wintsën jëtu'un y'ënä'äny: Jëtu'un nyajmëk'ata'any tä tu'uk yë tsajpkaa ëna'kën, mëti'ipë wyaj juunën jëtu'un tä juunpujxnën ets jëtu'un yë tyekxyooky tä tsuxkpujxnën ets ëxëëk xytyunëty may ja naax kajpn. Mijts nëjkx xypyëjkëtyä'äy ja wyit myeeny mëti'ipë të tpaatyën ko ëxëëk të y'ëti'itsy të y'ënä'äny ets nëjkx ëjts xytyukmëyoxyës, ëjts Wintsën mëti'ipë nyiwintsën'ajtypyën tëkokyë yë naaxwiinyëtë.

Jeremias 47:4

Nyixëëw ënäty jëtu'un të tpaaty ets filistejë ja'ayëty kyutëkoytyëty; ja Tirë ja'ayëty, Sidónja'ayëty nëjkxëp yajpëjkëtë ja jyä'äy mëti'ipë ënäty mëët të tkäjpxy'atën ko nyäpyutëkëja'anëtë.

Isaías 5:28

Aak jëjpxu'uny ja kyu'umënëty ets aak wo'onë'ëky tyaj'itë ja tyi'pxnëty. Ja kyëwaayëty aaktam ja kyujup mëti'ipë juunën tä tsaajën, ets jëtu'un y'ëwtity ja kepy wintëkäämpë ja nyiye'eypyäjn pojxujtykyën.

Salmos 33:17

ka'ap tjëkyepy yë kwaay yajtso'okëtëty; oy jënu'un jyamëk'atë nitii tkatuntëty.

Salmos 20:7

Tää mëti'ipë yë'ë tyuk'ijxpäjtëp ko tmëët'atë kepy wintëkäämpë mëti'ipë myëtsiptuuntëpën, ets tä wiinkëtypë mëti'ipë yë'ë tyuk'ijxpäjtëpën ko tmëët'atë kwaay, e ëëtsajtëm yë'ë ntuk'ijxpäjtëm ko yajpaaty yë Wintsën mëët ëëtsajtëm.

Job 39:19

¿Ëkë mijts ojts yë kwaay xymyëjaawmo'oy ets ojts xyaj'oytyëjkëyë yo'knë?

Jeremias 8:16

Tää ja mëtsip myiny. Jëtu'un të yajmëtoy'äty ko kwaaykyijxy myintë atë'kx ajajp jam ma Dan y'itjotmën. Ko y'ajëjtë, yu'kxp yë naaxwiinyëtë. Yë'ë yajkutëkoyantëp yë naax kajpn ets tëkokyë jënu'un jap winë yajpaatyën, ja naax kajpn ets mëti'ipë jap juuky'ajtëpën.

Jeremias 47:3

Ko tmëtoowpaatëty ja kwaay pëkajx pëkajxnë myintë, ko ja pujxnwintëkäämpë kyujy jyëmämëty ets ja ye'eypyäjn jyänty ëna'anmëty. Ja teety taak jëtu'unyë nëjkx ja y'u'unk y'ëna'k tnipëyë'ktuta'atë, jä'ä ko ka'ap nëjkx t'ëkmëët'ajnëtë ja mëk'ajtën wi'ix ni'ëmukë kyä'äktëtyën.

Ezequiel 27:14

Yë Bet-togarmá yë'ë ijty mtukmëjuuyëp yë kwaay ets mëkjëyujk mëti'ipë myajtunëp ets mtuk'u'unyëpën.