Jueces 5:11 - Biblia Mixe de Quetzaltepec

¹¹ Ets näjyëtu'un mëti'ipë jam yajpatëpën ma ja jëyujk tsajpkaa nyëë'uuktën, ëwtë ya'axtë ets jotkujk yajpaatë, tukpa'ëna'antë yë platillë, ets ëna'antë ko tëë mëta'aktë tsipjotm ma Wintsën të mputëkëtën ma ja tsipën mëti'ipë jam të y'ityën ma ja kajpnëtyën ja mutskëtypë, mëti'ipë yë Israel nyitënääpyën.

Biblia Dc en Mixe de Quetzaltepec

¹¹ Ets näjyëtu'un mëti'ipë jam yajpatëpën ma ja jëyujk tsajpkaa nyëë'uuktën, ëwtë ya'axtë ets jotkujk yajpaatë, tukpa'ëna'antë yë platillë, ets ëna'antë ko tëë mëta'aktë tsipjotm ma Wintsën të mputëkëtën ma ja tsipën mëti'ipë jam të y'ityën ma ja kajpnëtyën ja mutskëtypë, mëti'ipë yë Israel nyitënääpyën.

Jueces 5:11 ပူးပေါင်းရင်းမြစ်များ

Génesis 24:11

Ko ja Abraham ja tyuunpë jam jyä'äjty kajpn winkon, kujk ënäty jyajmoonë, e jä'ä xëëw ënäty ja to'oxy'ëna'këty myintë nëëwijtspë nëëkoompë ja jampë kyukajpn'atën. Paaty ja tuunpë jam tyajwa'ak'o'oyëtyääy ja jëyujk jëku'ux winkon mëët ja nëëjut ets jam pyo'kxtë.

Génesis 29:2

E jam kamjotm t'ijxy tu'uk yë nëëjut ets jam näjyëtu'un myäykyo'knëtë tëkëëkpëky yë tsajppaxëty kupixynyëty, nëë'uktëp ënäty jam, ma ja nëëjut'aawën janty mëj ja tsaa mëti'ipë y'akë'ë'ajtypyën.

Génesis 29:3

Ko ja tsajppax ets ja kupixynyëty nimay nyämyukëtë, ënät ja mëti'ipë kyëwent'ajtëpën ja nëëjut t'akëëytyu'utë ets jëtu'un nimay nyëë'uuktë ja jëyujkëty ets ko ënäty y'ukta'atë ja kupixyny, ënät ijty jatëkok t'akë'ëtë ja nëëjut'aaw.

Job 29:7

koos ijty n'u'unyë npo'kxy ko yë ja'ay ye'eymyuktë ma naax kajpnën.

Salmos 145:7

Yajnimëtya'akaanp yë m'oyjot m'oywyinma'any, yajtukyaaxëjaanp yajtukjokëjaanp ko mijts aak'oy ets aak tëyajtën winë të xytyuny.

Salmos 71:15

jëtu'unës nyajnaxa'any yë xëëw jëmëjt, nikajpxa'any nnimëtya'aka'anyës koos mijts të xyajtso'oky ets koos të xynyipaye'ey ijxtëm tyim'ixë'atyën. E tëkokyë ya'atë mëti'ipë të xytyuny të xykyäjpxyën, ka'apës yajxon nja'akyukë wi'ix ko jyëtu'unëty.

Isaías 12:3

Näyjyëtu'un miitsëty xoontä'äky nëjkx m'uuktë mpëktë ma ja nitsokën yajpaatyën jëtu'un tä nëë muum nyaaxwinpëtsëmyën,

Isaías 28:6

Yë'ë nëjkx twinma'anymyo'oy ja yajkutujkpëtëjk ets oy ja nipaye'eyën tuntëty, nëjkxëp tjotmëkmo'oy ja mëti'ipë tëjk këwent'ajtëpën ma ja naax kajpnën.

Jeremias 7:2

Nëjkx jam mwa'ak'oyë ma tsajptëjk yajnitëkën ets xytyuknijawëty ya'atë aaw ayuk yë ja'ayëty: Miitsëty Judá ja'ayëty ni'ëmukë, ninu'un mtëkëtën ma ya'atë tëjk'aawën ets xy'ëwtata'antë ja Wintsën, mëtoow'itë ya'atë aaw ayuk

Lamentaciones 5:4

Njuuynyëtëpës mëti'ipës ëëts nnëë'ajtëpën; njuuynyëtëpës mëti'ipës ëëts nja'axy'ajtëpën.

Lamentaciones 5:9

Ëtsë'ëkëtuuyës yë njuukyajtën mpëjkta'aktë koos një'kxy mpëky n'ixta'atë ets tsiptuunpëtëjkëty mëti'ipë jam të'ëts'itjotm jayajpatëpën ka'ap tii tuntë.

Miqueas 6:5

Nnaax nkajpnës, ja'amyäts wi'ix ojts yë Balac tjatuknipëjktaakën, jampë yajkutukyën Moab ets wi'ix y'ëtsoowinpijtyën ja Balaam, Beor yë myaank. Ja'amyäts ko mnajxy jam Sitim ets mja'ajty Guilgal, mëjpëjkta'ak wi'ix ojts yë Wintsën myëtä'äkyën tsipjotm.

Deuteronomio 22:24

nimäjtsk nëjkx jam yajwoownëjkxtë ma ja kutuunktëjkën ets nëjkx nikajpxtë pën o'ktëp tyaapë ja'ayëty nimäjtskpë. Ja to'oxytyëjk nëjkxëp y'ooky mëët ko ka'ap ja putëjkën të t'amëtoy ets kajpntum të jyayajpaaty. Ets ja ye'etyëjk nëjkxëp y'ooky, mëët ko ja myëye'etyëjk ka'ap të tmëj'ixy, nimäjtsk kuka'atsy nëjkx y'ooktë. Jëtu'un ka'ap ja ëxëëktu'un ëxëëkajpxën xy'ijxta'aktëty ma ja Israel kajpnën.

Deuteronomio 33:21

Gad tëë tpëky yë nyaax kyam ma nyitëkëtyën ma tsyëënëtëty yë tsiptuunpë wintsën. Ojts jëjp'am nyäxy ko yë naax kajpn tsyippaty, tëë tjantytyuny tä ja Wintsën y'ënëmaayën, tëy tëtä'äky winë të tuny ma ja Israel kajpnën.

Jueces 11:40

Paaty jam ma Israel kajpnën, yë to'oxy'ëna'këty xëmë jam kopkëjxm nyëjkxtë taxk xëëw, mëët ko ja ja'amyäjtsën tuntë wi'ix ja Jefté ja nyëëx ojts tyäkyën ma Tiosën.

Jueces 5:8

Ka'ap ojts tyëkoy'äty ja ja'ay mëti'ipë wyinkoxtënaayën ja wiink tios, ma ënäty ja tsip jam tyunyën kajpnpë'am ma kajpn yajnitëkën, je'eyëp ko ka'ap yaj'ijxy ja y'akëëytyuk ets ja ku'umën, yi'iyë këxë'ktëp ja Israel ja'ayëty ja niwëxtyikxy milpë.

1 Samuel 12:7

Paaty tyam nänyipëjktaakëtë, jä'ä ko yë'ëjës yam nkajpxäämpy nmëtya'akäämpy mëët miitsëty Tios wintum, mëti'ipë yë'ë të tunyën oy tsuj ma miitsëtyën ets näjyëtu'un ma ja m'ap m'okëtyën.