Jueces 5:1 - Biblia Mixe de Quetzaltepec

¹ Jä'ä xëëw yë Débora ets Barac yë myaank, yë Abinóam ojts y'ëwtë:

Biblia Dc en Mixe de Quetzaltepec

¹ Jä'ä xëëw yë Débora ets Barac yë myaank, yë Abinóam ojts y'ëwtë:

Jueces 5:1 ပူးပေါင်းရင်းမြစ်များ

2 Samuel 22:1

Ya'atë ojts yë David t'ëy, ko ja Wintsën yajmëtakë, ma y'ixjëtijt pyajëtijtën ja Saúl, näjyëtu'un ja wiinkëtypë ja myëtsiptëjk.

2 Crónicas 20:21

Ko ja naax kajpn tukmëmëtyaktaay ja aaw ayuk, ënät tnikajpxpejty ja ja'ay mëti'ipë ëwtëpën mëët wyitëty tyujkxyëty kënu'kxypyë ets yë'ë jëyëjp nëjkxtëp, twinye'eytyëty ja ja'ay mëti'ipë nëjkxtëpën tsiptuunpë ma ja mëtsip yajwinkuwa'akëja'anyën ets y'ëwtëty: Kukajpxëtë ja'awëkyëta'aktë ja Wintsën xëmë, jä'ä ko ja tsyojkën jya'awën ijtëëp yë xëmë.

2 Crónicas 20:27

Tä ja Judá ja'ayëty ets ja Jerusalén ja'ayëty, ojts wyimpijnëtë; Josafat ojts tyu'uwinye'eyëtë, akujk jotkujk ojts wyimpijnëtë jam Jerusalén, jä'ä ko ojts ja Wintsën ja xoontakën myo'ojëtë mëët ko ënäty ja myëtsip ëxëëk të jyat të kyëpätë.

Job 36:24

Tëkokyë yë ja'ay aak'oy nyänyikäjpxyë winë të tuny; ja'amyäts näjyëtu'un ko mijts oy ijty mnänyimëtyä'äkyë.

Job 38:7

ma ënäty y'ëwtën mëët ja xoontakën ja maymyëtsa'a ko xyiinyë ma jam yajpaatën ja ntsajpjotmëtë kukexyës?

Salmos 18:1

Wintsën, mijts nmëk'ajtën'ajtyp; mijts ntsojkpy nja'ap.

Salmos 32:7

Mijts ntsoktakn'ajtyp, jä'ä ko mijtsës xykyëwent'ajtp ma kyutsë'ëkëtyën, etsës xytyukna'ëwtita'any yë xoontakën koos ënäty ëwaatsëtuuy nwë'ëmy.

Éxodo 15:1

Ënät yë Moisés mëët nitëkokyë yë Israel ja'ayëty ojts t'ëwtë ya'atë ëy ets ojts yë'ë mëët tmëjjawëtë ets tukxoonta'aktë ja Wintsën: Ëwtë ya'axtë ets mëjjawëtë kënu'kxyjyawëtë yë Wintsën, jä'ä ko yë'ë të myëtä'äky ko të tyajkiinta'ay yë këwaayëty mëët yë nyija'ay mëti'ipë ënäty tuk'ënyääyëpën.

Éxodo 15:21

Tä ja Maria ojts t'ëy ya'atë ëy: Win'ëw winya'axtë yë Tios ets mëjjaw kënu'kxyjyawëtë. Jä'ä ko yë'ë jëtu'un të myëtä'äky mëjwiin këjää, ko të tyajkiinta'ay ja këwaayëty, mëët tu'kë'ëyë ja nyija'ay mëti'ipë tuk'ënyääyëpën.

Isaías 25:1

Wintsën, mijts nTios'ajtyp; mijts nyajmëjnajxyp ets nmëjja'aw nkënu'kxyjya'apës yë mxëëw, jä'ä ko tëë xytyuny mëjwiin këjää winë ijxtëm ojts xynyikäjpxyën, jëtu'un tyimtso'ontäky tëëyëp.

Isaías 26:1

Jä'ä xëëw nëjkxëp yaj'ëy yajyä'äxy ya'atë ëy jam Judá: Ëëtsajtëmë ta'tspëky yë nnaax'ajt nkajpn'ajtëmë, tëë yë Wintsën tkojy mëj yë potsy ets tëë ja naax kajpn tyaj'oyë mëti'ipë ta'tspëkyën.

Números 21:17

Ënät ja Israel ja'ayëty ojts t'ëwtë ya'atë ëy: Ja nëë mëti'ipë mu'tpën, naaxjotypë pyëtsimyën. Ni'ëmukë, win'ëw winya'axtë ja nëë, mëti'ipë pëtsëëmpën naaxjoty.

Lucas 1:46

Tääts ja Maria y'ënäny: Nmëjja'aw njaantyjya'apës yë Wintsën,

Jueces 4:24

Jä'ä xëëw jä'ä po'o tsyo'ontäky, mëk ojts yë Israel ja'ayëty tyaj'ëyowtë yë Jabín ets koonëm tyaj'o'ktë.

Jueces 4:4

Ma ya'atë xëëw jëmëjtën yë Israel ja'ayëty yë ënäty y'ënä'ämpë'ajtëp tu'uk yë to'oxytyëjk jä'ä txëëwëty Débora, yë Lapidot yë tyo'oxytyëjk.

1 Samuel 2:1

Jëtu'un ja Aná ojts ja Wintsën tkukajpxë: Wintsën, janty jotkujkës näjyawëty winë aaw winëjot ma mijtsën. Jä'ä ko mijts myaj'ajä'ämëp yë njot nmëjaawës. Jyëkyejpyës ëxëëkjaty ntijëty yë nmëtsiptëjkës, jä'ä ko mijts tëëjës xypyutëkë. Paaty janty jotkujkës tyam näjyawëty.