Jueces 4:5 - Biblia Mixe de Quetzaltepec

⁵ Ya'atë to'oxytyëjk Débora winjëpom ijty jam yajpaaty ma tu'uk yë palmëkepyën ma Efraín yë jyä'äyëty yë y'itjotmën, itkujky ma Ramá mëët yë Betel nyämyëwinkon'atyën, jamts ja Israel ja'ayëty ja y'amay jyotmay tmënëjkxtë ets ja Débora tyaj'oyë.

Biblia Dc en Mixe de Quetzaltepec

⁵ Ya'atë to'oxytyëjk Débora winjëpom ijty jam yajpaaty ma tu'uk yë palmëkepyën ma Efraín yë jyä'äyëty yë y'itjotmën, itkujky ma Ramá mëët yë Betel nyämyëwinkon'atyën, jamts ja Israel ja'ayëty ja y'amay jyotmay tmënëjkxtë ets ja Débora tyaj'oyë.

Jueces 4:5 ပူးပေါင်းရင်းမြစ်များ

Jeremias 31:15

Jëtu'un yë Wintsën y'ënä'äny: Jam tu'uk mëto'owën të tsyoony Ramá, ja'ay jam jëëpy yaxp mon tuk. Yë Raquel jam nyiyäxyp yë y'u'unk y'ëna'k ets ka'ap të tsoky pën yaj'ëmonëtëty, jä'ä ko tëë ja y'u'unk y'ëna'k y'o'kta'ay.

1 Samuel 1:1

Jam ma tu'uk yë it naaxwiinyëtën ma ja kopkjotmën mëti'ipë Efraín ja'ay nyitënaaytyëpën, jam Ramá, jam ijty tu'uk yë ja'ay tsyëënë, yë'ë Suf yë myëku'uk, Elcana xyëëwajtyp. Yë'ë myaank yë Jeroham ets y'ok'u'unk yë Elihú. Yë y'apteety jä'ä ijty xyëëwajtyp Tohu, yë'ë myaank yë Zuf, yë'ë jyä'äy yë Efraín.

Josue 18:25

Ëpëky ja kajpn mëti'ipë xyëëwajtëpën Gabaón, Ramá, Beerot,

Josue 18:22

Bet-arabá, Semaraim, Betel,

Josue 16:2

Tyimtso'ontä'äky jam Betel mëti'ipë yajtijpën Luz ets tuknaxy ja Arquit ja'ayëty ja y'itjot ets jyä'ty jam Atarot.

Éxodo 18:26

Yë'ë ijty winë pyaye'eytyëp oy tyimjëna'ajëty ma ja naax kajpnën. E ja amay jotmay mëti'ipë mëj këjääjën yë'ë tyukninëjkxtëp ja Moisés; e ja mëti'ipë nawäänën yë'ë kë'ëm yaj'o'oyëtëp.

Éxodo 18:19

Paaty mëtoow'it yajxon wi'ix yam ja ëëwijën kajpxwijën nmo'oja'anyën ets Tios yë'ë mputëkëtëp. Mijts yë'ë mpatëp ets xykyutänëty yë naax kajpn ma Tiosën, jëtu'un ijxtëm jeexyë yë'ë kë'ëm tyimmintën Tios wyintuuy. E mijts yë'ë mpatëp ets ja Tios xytyuk'ëwaanëty mëti'ipë yë'ëj jyotmay'ajtëpën.

Éxodo 18:13

Komjëpom tä ja Moisés nyaaxwe'tsy ets tpaye'eyä'äny, mëti'ipëjaty ja naax kajpn y'amay'äjtyp jyotmayäjtypyën, ja ja'ayëty mëti'ipë jam ja jyotmayëtyën tu'kxëëw jam yajxon tsyënaaytyë.

Génesis 35:8

Jam ojts y'ooky ja Débora, mëti'ipë ënäty ja Rebeca të kyëwent'atyën, tääts tyajnaaxtëjkëy ma tu'uk yë xoj'ëjxën jam Betel. Jä'ä ojts yë Jacob txëëwmo'oy ja jampë ja it naaxwiinyëtë Ja xoj ma ja'ay ya'axtën.

1 Samuel 25:1

Ko ja Samuel y'o'ky, wa'ats ja Israel ja'ayëty nyiye'eypyäjtaaytyë ets tnijëëy tniyaxtë. Jam tyajnaaxtëjkëtyë tyëkotm ma txëëwatyën Ramá. Ko jëtu'un kyijxy nyäjxy jam ojts ja David nyëjkxnë ma ja të'ëts'itjotm txëëwatyën Parán.

1 Samuel 1:19

Komjëpom, ko ja Wintsën t'ëwtajtaaytyë, ënät ojts tsyo'onëtë ets nyëjkxnëtë jam Ramá ma ja tyëjkëtyën. Ko ja Elcana tmëëtko'knaay ja tyo'oxytyëjk Aná, ënät ja Aná ojts u'unk mëët wyi'imy. Jä'ä ko ja Wintsën ënäty të tpëjktsoy.

Éxodo 18:16

N'ëkpëjktakmëty, ko tiitsip tiikäjpxy tmëët'atë ëjts pojën xynyimiintëp etsës nipaye'ey pën ja poky myëët'ajtypyën, ëkë pën mëtëy winë tyuunpy kyäjpxypën ets jëtu'un ntuknijawëtës ja Tios ja y'ënä'ämën tyiyajtën ets ja y'aaw y'ayuk.

Jueces 4:4

Ma ya'atë xëëw jëmëjtën yë Israel ja'ayëty yë ënäty y'ënä'ämpë'ajtëp tu'uk yë to'oxytyëjk jä'ä txëëwëty Débora, yë Lapidot yë tyo'oxytyëjk.

1 Samuel 22:6

Jam ënäty yë Saúl yajpaaty Guibeá, jam y'u'unyë ma ja tamarisco kepypya'tkën, winkon ma ja tsajptëjkën mëët ja tyiypyujxn kyë'ëkëjxm, aaktam yajpaatë ja tsyiptuunpë wintsëntëjkëty. E ko tnija'awëy ko ja David mëët ja jyä'äy tëë ënäty yaj'ixtë.

1 Samuel 7:17

Ko tyajwintu'upëjktaay tääts ijty jatëkok jam wyimpity Ramá ma ja y'ijtaknën ets ijty t'ëne'emy tëkokyë ja Israel kajpn. Ojts jam näjyëtu'un tyajkojy tu'uk yë wintsë'këntyakn mëti'ipë yë Wintsën tyukyajnikojëyën.