Jueces 4:4 - Biblia Mixe de Quetzaltepec

⁴ Ma ya'atë xëëw jëmëjtën yë Israel ja'ayëty yë ënäty y'ënä'ämpë'ajtëp tu'uk yë to'oxytyëjk jä'ä txëëwëty Débora, yë Lapidot yë tyo'oxytyëjk.

Biblia Dc en Mixe de Quetzaltepec

⁴ Ma ya'atë xëëw jëmëjtën yë Israel ja'ayëty yë ënety y'ënä'ämpë'ajtëp tu'uk yë to'oxytyëjk jä'ä txëëwëty Débora, yë Lapidot yë tyo'oxytyëjk.

Jueces 4:4 ပူးပေါင်းရင်းမြစ်များ

Lucas 2:36

Näy tam ënäty tu'uk ja to'oxytyëjk Jerusalén, Aná xyëëwajtyp, Tios käjpxynyajxpë; Penuel yë nyëëx, Aser yë y'u'unk y'ok. Tëë ënäty ni'ik myëjja'ayënë. Je'eyë ojts wëxtujk jëmëjt tmëëtsëënë ja nyiye'etyëjk ko y'ëna'k'ajty;

2 Reyes 22:14

Ja Hilquías, Ahicam, Acbor, Safán ets ja Asaías, ojts tsyoontë ets ojts tninëjkxtë ja Wintsën ja kyäjpxynyajxpë, to'oxytyëjk, mëti'ipë xyëëwajtypyën Huldá; yë'ë tyo'oxytyëjk yë Salum, myaank yë Ticvá ets yë'ë y'ok'u'unk yë Harhás, mëti'ipë ja wit kyëwent'ajtypyën jap tsajptëkoty. Yë Huldá jam ijty tsyëënë kajpnpë'am ma ja Jerusalén kajpnën, e ko tukmëmëtyaktë ja jotmay,

Éxodo 15:20

Ënät ja Maria käjpxynyajxpë, ja Aarón ja y'uty, tpëjkë'ky tu'uk yë xijtn ets ojts pyaye'eyi'ikyë ja maytyo'oxy'ëna'k, tääts tyëjkëtyë äjtspë, tjantyaj'ëna'antë ja pyo'ojëty.

Gálatas 3:28

Ka'ap ma y'ëktuunnë pën jutiis kajutiis, mëtuunpë ëkë kamëtuunpë, ye'etyëjk ëkë to'oxytyëjk, jä'ä ko tu'ukyë miitsëty ijxtëm ja ja'ay tu'ukpën, jä'äkyëjxm ko tu'ukyë mëët ja Kristë Jesús m'itë.

1 Corintios 11:5

Ets pën ka'ap yë to'oxytyëjk nyäkyupe'enyë ko ja Tios tja'amyetsy ëkë ko ja Tios ja y'aaw y'ayuk tkajpxwa'kxë, ja nyiye'etyëjk ënäty kyawintsë'këp mëti'ipë kyëpajk'ajtypyën, jëtu'un tpaaty ijxtëm jeexyë të nyäkyukä'ptu'utyën.

Hechos 21:9

Nimajktaxk ja Felipe ijty ja nyëëx, nätyu'ukëty ets Tios käjpxynyajxk tyuunk'ajtëp.

Miqueas 6:4

Ëjts mijts nju't jap Egiptë ets ojts nyaj'ëwaatsëpëtsëmy ma ënäty mmëtuny m'ëyoyën mëët ja näwyop näkya'atsë; ojts nkexyës yë Moisés, Aarón ets Maria ets mtu'uwinwowëtëty.

Nehemías 6:14

Wintsën ma mijts n'ëwtatyën: Mja'amyätsëp xëmë wi'ix ja Sambalat ets ja Tobías y'ëtë'ëtstë y'ëna'antën. Këtii näjyëtu'un xyjyä'äytyëkoyë ja to'oxytyëjk mëti'ipë y'akäjpxypën winë mëti'ipë xyëëwajtypyën Noadías ets wiinkëtypë käjpxynyajxpëtëjk mëti'ipës nëkoo të xyjya'ëtsë'ëkëja'antën.

Jueces 4:3

Jabín jä'ä ënäty tmëëtëty taxtujk mëko'px yë pujxnwintëkäämpë mëti'ipë myëtsiptuuntëpën, i'px jëmëjt ënäty o'ktëy të tuny ja Israel ja'ayëty, koonëm yë Israel ja'ayëty ja wyintsën Tios tja'amyäjtstë ets pyutëkëtëty.

Jueces 4:5

Ya'atë to'oxytyëjk Débora winjëpom ijty jam yajpaaty ma tu'uk yë palmëkepyën ma Efraín yë jyä'äyëty yë y'itjotmën, itkujky ma Ramá mëët yë Betel nyämyëwinkon'atyën, jamts ja Israel ja'ayëty ja y'amay jyotmay tmënëjkxtë ets ja Débora tyaj'oyë.

Ezequiel 13:17

Mijts ye'etyëjk, tyam yë'ë mëkajpx yë to'oxytyëjktëjkëty mëti'ipë käjpxynyajxtëpën ets nikajpxtë ko yë'ë n'aaw n'ayukës nyikajpxëtëp kë'ëmwinma'any,

Jueces 5:1

Jä'ä xëëw yë Débora ets Barac yë myaank, yë Abinóam ojts y'ëwtë: