Jueces 4:2 - Biblia Mixe de Quetzaltepec

² Paaty ojts yë Tios tyukjoot'anpëkëtë ets y'ëxmajtsëtë. Ënät yë Jabín myiiny ets yë'ë yajnëjkxëtë, jam ënäty y'ëne'emy Canaán ets jam ja kyutujktakn Hazor. Ja tsyiptuunpë wintsën jä'ä ijty txëëwëty Sísara, jam tsyënaay Haróset-goim

Biblia Dc en Mixe de Quetzaltepec

² Paaty ojts yë Dios tyukjoot'anpëkëtë ets y'ëxmajtsëtë. Ënet yë Jabín myiiny ets yë'ë yajnëjkxëtë, jam ënety y'ëne'emy Canaán ets jam ja kyutujktakn Hazor. Ja tsyiptuunpë wintsën jä'ä ijty txëëwëty Sísara, jam tsyënaay Haróset-goim

Jueces 4:2 ပူးပေါင်းရင်းမြစ်များ

Jueces 4:16

Barac ojts yë mayjyä'äy tyaj'ooky mëti'ipë jaakkäktën ojts tpapo'oy, tä ja tsiptuunpëtëjkëty mëti'ipë jëtu'unyëtyën ets mëti'ipë pujxnwintëkäämpë myëët'ajtëpën, jampaat ojts tpaja'ty ma ja it naaxwiinyëtë txëëwatyën Haroset-goim. Jä'ä xëëw wa'ats ojts y'o'kta'atë ja Sísara ja tsyiptuunpëtëjk, nitu'uk ojts kyawë'ëmy.

Jueces 4:13

Ënät tyajmujky ja taxtujk mëko'pxpë ja pyujxnwintëkäämpë mëti'ipë myëtsiptuuntëpën ets ja tsyiptuunpëtëjk ets ojts tsyoontë jam Haroset-goim, jyajtë jam ma ja Quisón nëëwokën.

Josue 11:1

Ko yë Jabín, Hasor yajkutujkpën tnija'awëy mëti'ipë ënäty të tyuny të jyätyën, ënät ojts tu'uk ja käjpxytyu'unën tyaj'apaatë mëët ja Jobab mëti'ipë jam ënä'ämpën Madón ets mëët ja yajkutujkpëty mëti'ipë jam ënä'ämtëpën Simrón ets Acsaf,

Salmos 83:9

Jëtu'un yajjat yajkëpät ijxtëm ojts ja Madián xytyunyën, ijxtëm näjyëtu'un xytyuunyën ja Sísara, ets Jabín jam wokjotm ma txëëwatyën Quisón,

1 Samuel 12:9

E yë'ëjëty ojts ja tja'atyëkooynyëtë ja wyintsën Tiosëty. Paatykyëjxm ojts kyë'ëyajkënëtë ma ja Sísara ja tsyiptuunpë wintsënën, jampë tsyoonyën Jabín mëti'ipë jam yajkutujkpën Hazor ets näjyëtu'un ma ja filistejë ja'ayëtyën ets ma ja yajkutujkpë mëti'ipë jam ënä'ämpën Moab, mëti'ipë mëët tsyiptuuntën.

Jueces 10:7

Paatykyëjxm yë Wintsën ojts tyukjot'anpëkëtë ets y'ëxmajtsëtë ma filistejë ja'ayëty ets ma Amón ja'ayëtyën.

Mateo 18:25

Ja ja'ay ka'ap ënäty tii ja myeeny mëti'ipë tyukëpätëpën ja nyu'kxy. Tääts ja yajkutujkpë y'ënäny ets yajtookëty tääpë ja'ay mëët ja tyo'oxytyëjk, ja y'u'unk y'ëna'k ets tu'kë'ëyë mëti'ipë myëët'ajtypyën, jëtu'un ja nyu'kxy tyaj'ëtukëty.

Isaías 50:1

Jëtu'un ja Wintsën y'ënä'äny: Miitsëty këtii m'ëna'antëty ko paatyës ja Israel kajpn të n'ëxmatsy, mëti'ipë miits mtaak'ajtëpën ëkë paatyës të ntooky ma wiink kajpnën jä'äkyëjxm koos ënäty pën nmënu'kxy'äty. Miitsëty paaty të myajtooktë wiink naax wiink kajpn jä'äkyëjxm ko të mpokytyuntë; ja Israel kajpn paaty të yaj'ëxmatsy jä'ä ko miitsëty je'eyë të mkäjpxykyumëtoownaxtë.

Josue 19:36

Adamá, Ramá, Hasor,