Jueces 4:16 - Biblia Mixe de Quetzaltepec

¹⁶ Barac ojts yë mayjyä'äy tyaj'ooky mëti'ipë jaakkäktën ojts tpapo'oy, tä ja tsiptuunpëtëjkëty mëti'ipë jëtu'unyëtyën ets mëti'ipë pujxnwintëkäämpë myëët'ajtëpën, jampaat ojts tpaja'ty ma ja it naaxwiinyëtë txëëwatyën Haroset-goim. Jä'ä xëëw wa'ats ojts y'o'kta'atë ja Sísara ja tsyiptuunpëtëjk, nitu'uk ojts kyawë'ëmy.

Biblia Dc en Mixe de Quetzaltepec

¹⁶ Barac ojts yë mayjyä'äy tyaj'ooky mëti'ipë jaakkäktën ojts tpapo'oy, tä ja tsiptuunpëtëjkëty mëti'ipë jëtu'unyëtyën ets mëti'ipë pujxnwintëkäämpë myëët'ajtëpën, jampaat ojts tpaja'ty ma ja it naaxwiinyëtë txëëwatyën Haroset-goim. Jä'ä xëëw wa'ats ojts y'o'kta'atë ja Sísara ja tsyiptuunpëtëjk, nitu'uk ojts kyawë'ëmy.

Jueces 4:16 ပူးပေါင်းရင်းမြစ်များ

Santiago 2:13

Pën ja myëku'uk ka'ap tpa'ëyoy, näjyëtu'un ja Tios ka'ap pya'ëyowa'anyë; pën ja myëku'uk pya'ëyoopyën, yë'ë ja oyajtën pyatäämpy ko ënäty ja paye'eyën y'ity.

Romanos 2:12

mëti'ipë pokytyuuntëpën ets ka'ap nijawëtë ja Tios ja y'ënä'ämën, nëjkxëp kyutëkoytyë ko tkanijawëtë ja ënä'ämën, e mëti'ipë nyija'awëtyëpën ja Tios ja y'ënä'ämën ets pyokytyuntë, nän ja ënä'ämën nëjkx yajtukpaye'eytyë.

Isaías 43:17

ets tyajtso'ony jam Egiptë mayjyä'äy mëët yë maykyëwaay ets kyepy wintëkäämpë, Israel ja'ay yajkutëkoyantëp. Tääpë mayjyä'äy ojts y'o'kta'atë, nitu'uk ojts kyawë'ëmy; jëtu'un ojts jyatë tä jëën pyi'itsyën.

Salmos 104:35

Wä'än tkutëkoytyë yë pokyjä'äytyëjk naaxwiiny. Ka'ap mëpaat jyuuky'atë yë ëxëëkja'aytyëjk. Nkënu'kxyjyawëjäämpyës yë Wintsën winë aaw winëjot. Tukxoontä'äky mëjjawë yë Tios yë xyëëw nyaxëty.

Salmos 83:9

Jëtu'un yajjat yajkëpät ijxtëm ojts ja Madián xytyunyën, ijxtëm näjyëtu'un xytyuunyën ja Sísara, ets Jabín jam wokjotm ma txëëwatyën Quisón,

Josue 11:8

Yë Wintsën yë'ë ojts ja Israel ja'ayëty yajmëta'akëtë, jampaat ja myëtsip tpaja'ajtë ma Sidón kajpnën ets ma ja Misrefot-maim kajpnën, e jamtsow a'oytsyow jampaat ojts tpaja'të ma ja Mizpá joyjyotën. Nitu'uk ojts ja'ay tkayajwë'ëmtë juuky.

Éxodo 14:28

Ko ja mëjmejy jatëkok nyämyujkë jëtu'unyë ojts tyajnikoonpäjta'ay ja Egiptë ja'ayëty mëët ja kyepywyintëkäämpëty ets mëët ja kyëwaayëty, tëkokyë ja tsiptuunpëtëjkëty mëti'ipë ënäty të tpatëkëtën ja Israel ja'ay jap nëëjoty, nitu'uk ojts kyawë'ëmy juuky mëti'ipë ja mëj'ënä'ämpë tsyiptuunpë'ajtypyën.

Jueces 4:2

Paaty ojts yë Tios tyukjoot'anpëkëtë ets y'ëxmajtsëtë. Ënät yë Jabín myiiny ets yë'ë yajnëjkxëtë, jam ënäty y'ëne'emy Canaán ets jam ja kyutujktakn Hazor. Ja tsyiptuunpë wintsën jä'ä ijty txëëwëty Sísara, jam tsyënaay Haróset-goim

Jueces 4:17

E yë Jabín, mëti'ipë jam ënä'ämpën Hazor, ka'ap ënäty mëët yë tsip tmëët'aty yë Héber ja Quenat ja'ay, paaty yë Sísara jam jyä'äjty tekyye'epy ma ënäty kye'ekyën ets jam jyajtäky ma ja Jael ja tyëjkën ja Héber ja tyo'oxytyëjk,

Josue 10:10

Wintsën ojts kë'ëm tuknipëjktaakë ets nëkooyë yajtsë'ëkëtëty ja Israel ja'ayëty, e jëtu'un'äämpy ja Josué may ja ja'ay tyaj'o'ky jam Gabaón. Ojts ja Amor ja'ayëty jyakäknëtë, e ja Josué ojts ënätyë tpatsoony, jampaat tpaja'ajty Bet-horón ets jënu'un tim pyäätyën aak yaj'o'k, tyimpanëjkx jampaat ma ja it naaxwiinyëtë txëëwatyën Azecá ets Maquedá.

Salmos 83:10

mëti'ipë jam Endor kutëkooytyën, ets apu'ut y'awinpijtaaytyë.