Jueces 3:9 - Biblia Mixe de Quetzaltepec

⁹ Koonëm tmëpëjktsoowtë ja Wintsën ets ojts tu'uk yë ja'ay pyëtsimy mëti'ipë yajtsokëtën. Ja ja'ay mëti'ipë yajtsokëtën yë'ë xyëëwajt Otoniel, yë myaank yë Quenás yë y'uty yë Caleb.

Biblia Dc en Mixe de Quetzaltepec

⁹ Koonëm tmëpëjktsoowtë ja Wintsën ets ojts tu'uk yë ja'ay pyëtsimy mëti'ipë yajtsokëtën. Ja ja'ay mëti'ipë yajtsokëtën yë'ë xyëëwajt Otoniel, yë myaank yë Quenás yë y'uty yë Caleb.

Jueces 3:9 ပူးပေါင်းရင်းမြစ်များ

Jueces 3:15

Koonëm tmëpëjktsoowtë yë Tios ets ojts tu'uk jam pyëtsimy pën yajnitso'okëtëp. Ja ja'ay mëti'ipë ojts nyitsiptunëtën jä'ä xyëëwajt Ehud, anajny ijty tyony myätsy, yë'ë yë myaank yë Guerá, yë Benjamín yë jyä'äy. Tu'kxëëw tu'kjëmëjt ojts yë Israel ja'ayëty tkäxtë yë Ehud ma ja yajkutujkpë Eglónkën ets tmo'ojëty ja këpäjtën mëti'ipë ënäty të tyajmuktën kyajpnjotyëty.

Jueces 1:13

E ja ye'etyëjk mëti'ipë ojts tnitëkën ja Debir kajpn jä'ä xyëëwajtyp Otoniel, yë'ë myaank yë Quenaz, mëti'ipë y'uty'äjtypyën yë Caleb; paaty ojts yë'ë ja Otoniel tmo'oy ja nyëëx ets tpëkëty t'uukëty.

Jueces 10:10

Paatykyëjxm ojts ja putëjkën t'amëtowtë ma Tiosën ets t'ënëmaaytyë: Wintsën ëëts nja'awëtyëpës ko tëë myajmëtëkoy mëët ko të myaj'ëxmatsy etsës ja wiink tios të npanëjkxtëkëtë.

Jueces 6:7

Ko ja Israel ja'ayëty t'amëtoowtë ja Wintsën ets yajtso'okëtëty ma ja Madián ja'ayëtyën,

Salmos 22:5

Ojts t'amëtowtë ja näypyutëkë ma mijtsën, ets ojts xyajtso'oky. Ojts mtukjotkujk'atyë, paaty ojts ka'ap tsëtyu'unmëët wyë'ëmtë.

Jueces 4:3

Jabín jä'ä ënäty tmëëtëty taxtujk mëko'px yë pujxnwintëkäämpë mëti'ipë myëtsiptuuntëpën, i'px jëmëjt ënäty o'ktëy të tuny ja Israel ja'ayëty, koonëm yë Israel ja'ayëty ja wyintsën Tios tja'amyäjtstë ets pyutëkëtëty.

Jueces 2:16

ojts twin'ixy tu'uk mäjtsk yë ja'ay mëti'ipë tsip'ixëtyën ets ja naax kajpn tu'uwinwowtëty ets tnitsiptunëty ma o'ktëy ja myëtsiptëjk tyunëtën.

Salmos 78:34

Koonëm ijty ja Tios yaj'ookëtë täänëm ja pyutëjkën t'ixtaayëtë; ënätnëm ijty jyootwinpitë ets ka'ap pyo'kxtë ko t'ixta'atë;

Nehemías 9:27

Paatykyëjxm ojts kyë'ëyajkënë ma ja myëtsipëtyën, mëti'ipë ëxëëk tuunëtën. Ok tja'ijxtë ko ëxëëk jyajnëtë kyëpäjnëtë, tä tpëjktsoowtë ja näpyutëkë ma mijtsën, e mijts mëët tu'uk mëjpa'ëyo'owën, ojts xymyëtoowë jam tsajpjotm ja jyi'iyënëty yaxënëty; ets xytyuknikejxy ja ja'ay mëti'ipë yaj'ëwaatsëpëtsëëmëtën ma ja myëtsiptëjkëtyën.

1 Samuel 12:10

E yë'ëjëty ko jëtu'un jyajtë kyëpäjtë, ënätnëm ots t'ixkaptë pën jëtu'un Wintsënajtp, ets tja'awëy'ijtë ko tëë ënäty pyokytyuntë ko t'ëxmajtstë ja wyintsën Tiosëty ets ko ja wiink tios ojts tpanëjkxtëjkënyëtë tä ja mëti'ipë xyëëwajtëpën Baal ets Astarté; e ojts mëk tmëpëjktsowtë ja Tios ets ojts pyokymyä'kxëtë ets yajtsokëtë ma ja myëtsiptëjkëtyën, ko t'ëwtajtë winë aaw winëjot yi'iyë tu'uk.

Josue 15:17

Yë tsyojkmaank mëti'ipë xyëëwajtypyën Otoniel yë'ë ojts ja kajpn tyajkutëkoy, jä'ä ja myaank ja Cenaz, ja Caleb ojts ja nyëëx Acsa tjanty kyë'ëyäky ets ja Otoniel jä'ä tukpëjky.

Jueces 3:8

Paatykyëjxm yë Wintsën ojts tyukjoot'anpëkëtë ets kyë'ëyajkëtë ma ja Cusan-risataim, ja yajkutujkpë mëti'ipë jam ënä'ämpën Mesopotamia. Yë Israel ja'ayëty wëxtujk jëmëjt tmëtuuntë yë yajkutujkpë Cusan-risataim.

Jueces 2:18

Xëmë ko ënäty ja Wintsën twin'ixy tu'uk ja ja'ay mëti'ipë tsip'ixyën ets twinye'eyëty ja naax kajpn, pyutëjkëp ijty ets ja Israel ja'ayëty yajnitsiptuntë këtiipë o'ktëy ja myëtsip tyunëtëty. Jä'ä ko ja Wintsën myëtoopy ënäty ko ja Israel ja'ayëty jyë'ëtë ya'axtë ko ja myëtsiptëjkëty o'ktëy yajjat yajkëtpäjtëtë.