Jueces 3:12 - Biblia Mixe de Quetzaltepec

¹² Ënät yë Israel ja'ayëty ojts jatëkok tpanëjkxtëkëtë ja ëxëëktu'un ëxëëkajpxën ets ja Wintsën jëtu'un tuk'ixtë, paatykyëjxm ojts tyukjoot'anpëkëtë ets tyajmëktäky ja yajkutujkpë Eglón, jampë y'ëne'emyën ma Moab kajpnën.

Biblia Dc en Mixe de Quetzaltepec

¹² Ënet yë Israel ja'ayëty ojts jatëkok tpanëjkxtëkëtë ja ëxëëktu'un ëxëëkajpxën ets ja Wintsën jëtu'un tuk'ixtë, paatykyëjxm ojts tyukjoot'anpëkëtë ets tyajmëktäky ja yajkutujkpë Eglón, jampë y'ëne'emyën ma Moab kajpnën.

Jueces 3:12 ပူးပေါင်းရင်းမြစ်များ

1 Samuel 12:9

E yë'ëjëty ojts ja tja'atyëkooynyëtë ja wyintsën Tiosëty. Paatykyëjxm ojts kyë'ëyajkënëtë ma ja Sísara ja tsyiptuunpë wintsënën, jampë tsyoonyën Jabín mëti'ipë jam yajkutujkpën Hazor ets näjyëtu'un ma ja filistejë ja'ayëtyën ets ma ja yajkutujkpë mëti'ipë jam ënä'ämpën Moab, mëti'ipë mëët tsyiptuuntën.

Jueces 2:19

E ko ja ja'ay y'o'knë mëti'ipë ënäty tsip'ixyën ets tëë ja nyaax kyajpn twinye'ey ënätyë ijty jatëkok ja wyinma'any tyajtëkoytyë ets ni'ik o'ktëy winë tuntë këtiinëm ja y'ap y'okëty, t'ëwtatë ja wiink tios ets tmëtuntë. Ninu'un ënäty tkatimy'ëxmatstë ja y'ëxëëktu'un y'ëxëëkkajpxënëty ets ja y'ëxëëkjot y'ëxëëk winma'anyëty.

Juan 19:11

Ënät ja Jesús y'ëtsooy: Mijts nitii kutujkën xykyamëët'aty ma ëjtsën ko jeexyë ja Tios ka'ap të mo'oyë ja kutujkën; paaty ja mëti'ipës të xykyë'ëyäkyën ma mijtsën, ni'ik ja pyokymyëëtëty këtiinëm mijts.

Oseas 6:4

Jëtu'un yë Wintsën y'ënä'äny: ¿Wi'ix mtunëty mijts Efraín? ¿Wi'ix ntunëty mijts Judá? Yë mtsojkën mja'awën jëtu'unës mpëjktä'äky tä yë nëëma'a jopyëp yaj'ixyën, tä maanik kyuxëënyën, tä yë poj tyëkooytyä'äyën.

Daniel 5:18

Yë Tios Ni'ik yë'ë yajk yë kutujkëntakn ets mëj'ajtën, mëj'ajt oyajtën ets näyajmëjnaxë ma mteetyën Nabucodonosor.

Daniel 4:22

tääpë kepy mijts yë'ë yajkutujkpë, mëti'ipë të yeekyën ets mëk të mëj'äämpy të m'awinpity. Yë mkutujkën tëë yajxon myëjë kyëjääjë jëtu'un tä jeexyë jampaat jyä'tyën tsajpjotm ets m'ënä'ämën tëë jya'ajta'ay naaxwiinyëtë apëtsëmy.

Ezequiel 38:16

Jëtu'un nëjkx xynyitëkë yë Israel kajpn, mëti'ipës nkajpn'ajtypyën. Mijts Gog, jëtu'un nëjkx xyajwintuky yë naax kajpn tä yë yëk yootsën. Nëjkxëp ntuknitëkë yë nnaax nkajpnës, jëtu'unts nëjkx mijts xymyëtunyës ets jëtu'un wiinkëtypë naax kajpn nëjkx tnijawëtë ko ëjts Wintsën, koos nyajnikëxë'ëky ko ëjts wa'atsës.

Isaías 37:26

¿E mijts ka'ap të xynyijawë ko ëjts Wintsënajtp, ëjts winë ntuknipëjktakëp ko tii tyunyë jyätyë? Ëjts tëëyëpës jëtu'un ntuknipëjktaakë ijxtëm tyam winë tyunyë jyätyën; paatykyëjxm mijts may ja naax kajpn të xyajkutëkoy ets je'eyë xit ko'ow të xytyuunta'ay.

Isaías 10:15

¿E yaats ënät nnäyajtë'ëwëmëty: Wä'än jëtää kë'ëm yë jatyë kyepypyuxëtyë ets ka'ap tyajmëyatëty mëti'ipë yajyu'kxëtëpën, ëkë ja jë'tn mëj'äämpy nyäyajnaxëtëty oy kyajam'atëty ja mëti'ipë yajtuunëpën? Ijxtëm tu'uk yë tajkën, kepy yë je'eyë, pën ka'ap pën yajtunyë wi'ixën txëëwatëty tajk.

2 Reyes 5:1

Jam ijty tëëyëp tu'uk yë ja'ay txëëwaty Naamán, yë'ë nyiwintsën'ajtyp ja tsiptuunpëtëjkëty mëti'ipë myëtuuntëpën ja yajkutujkpë jampë y'ëne'emyën Sirië, mëk ijty ja yajkutujkpë tsyokyë jä'ä ko mëët yë'ëkyëjxm ënäty may ja tsip të tuknaxtë ets të myëta'aktë ma ja Wintsën të yajmëta'akëtën Wintsën xyëëwkyëjxm. Je'eyëp ko ya'atë ja'ay pëjkëp ijty, yë'ë pya'am'ajtyp yë pu'uts pa'am mëti'ipë tyijtëpën amëxan lepra.

Jueces 2:14

Paaty ojts yë Wintsën mëk tukjoot'anpëky yë Israel kajpn ets tyajkutujky ets ja mä'tspë ëxëëk tyunëtëty ets tpëjkta'ajëty tiijaty ënäty myëët'ajtëpën ets ëxëëk tyuunëtë ja myëtsipëty mëti'ipë ënäty jam mëwinkon'ajtëtëpën.

Jueces 2:11

Ja yu'unënëty kyajpxënëty ja Israel ja'ayëty wiink ojts ja Tios t'ixy, jä'ä ko ojts wiink ja tios tpanëjkxtëjkënyëtë mëti'ipë tyijtëpën Baal.

Éxodo 9:16

E ëjts tëëjës nyajkutuky ets mjuuky'atëty ets xy'ixëty wi'ix'äämpy ëjts yë mëk'ajtën nmëëtëtyën ets jëtu'un akäjpxy n'itëtyës oy tyimmaajëty.

Jueces 3:11

Ko ya'atë tyajkutëkooy jä'ä ojts yë Israel ja'ayëty jotkujk jyuuky'atë wëxtyikxy jyëmëjt. Ko yë Otoniel y'o'ky