Jueces 2:4 - Biblia Mixe de Quetzaltepec

⁴ Ko ja Tios ja kyukäjpxy kyajpxtaay ënät ja Israel ja'ayëty tyëjkëtyë yaxpë.

Biblia Dc en Mixe de Quetzaltepec

⁴ Ko ja Dios ja kyukäjpxy kyajpxtaay ënät ja Israel ja'ayëty tyëjkëtyë yaxpë.

Jueces 2:4 ပူးပေါင်းရင်းမြစ်များ

Santiago 4:9

Maytyë tajtë, mëjë'ë mëya'axtë ja mpokyëty, wä'än yë mxikënëty t'awinpity yä'äxy ets m'ijtën mxo'onënëty, ma'ayën tajën.

2 Corintios 7:10

Ja mo'onën tujkën mëti'ipë yajmënajxp yajjëjpnajxpën ijxtëm ja Tios tsokyën, yë'ë jëtu'un yajjootwinpijtp ets ja nitsokën npatmëty ets ka'ap tii nmëma'ay nmëtajmëty. E ko nmëma'ay nmëtajmëty jëtu'un ijxtëm ja mëti'ipë myëmaay myëtajtëpën ja naaxwiinyëtë winma'any, o'kën yë'ë tukpatp.

Lucas 7:38

Yaxp ja Jesús twinkuwa'këy ets ja tyeky ojts tyajxo'kë mëët ja wyiin nëë ets ja wyääy tukmäxtëtsy, ets ojts tsu'kxë ja Jesús ja tyeky ets tuktekymyëtä'ämëy ja pa'akxu'kpë nëë.

Lucas 6:21

Akujk jotkujk miitsëty myajpaatë mëti'ipë tyam yuu'o'këtëpën, jä'ä ko m'itantëp ku'uxyë jotkëtä'äky. Akujk jotkujk miitsëty myajpaatë mëti'ipë tyam jëëytyëp yaxtëpën, jä'ä ko m'itantëp xi'iky xony.

Zacarías 12:10

Nëjkxëp nmo'oyës yë yu'unk aaw yu'unkjot yë David yë y'u'unk y'ok ets Jerusalén ja'ayëty. Ënät nëjkx t'ijxpaatë ja mëti'ipë ënäty të tukuumnaxtën ets të tyaj'ooktën ets nëjkx tnijë'ë tniya'axtë jëtu'un tä jeexyë kyä'äxkopk ëkë tu'uk u'unk të y'ookyën.

Jeremias 31:9

Tam mëti'ipë minaanpën kajpxtakp, tam mëti'ipë minaanpën jëëpy yaxp. Jamës nyajnëjkxa'antë ma nëë ka'ap y'ëmaayëtyën ets Joytyuuyës nyajye'eya'antë këtiipë y'anäp y'atä'pxëtëty, jä'ä ko ëjts yë Israel kajpn xytyeety'ajtp ets Efraín yë'ëjës nkä'äxkopk'ajtyp.

Proverbios 17:10

Mëti'ipë ja'ay ja'akyujkëpën y'oyjya'ap ko tii yajtuk'ënëëmë ko tii oy tkatuny; e mëti'ipë ja'ay ka'ap jyä'äkyukën oy jënu'un yajwopëty, ka'ap jyä'äkyukë.

Esdras 10:1

Tam ënäty ja Esdras jyiiytyä'äky nyu'kxtä'äky koxtänë ma Wintsën Tiosën jam tsajptëkotm, ko nyimiinë ja Israel ja'ayëty ye'etyëjkpë to'oxytyëjkpë, näjyëtu'un tyëjkëtyë jëëytyakpë nu'kxtakpë.

1 Samuel 7:6

Yë Israel ja'ayëty ojts jam tyu'ukmukjta'atë Mizpá ets nëë jam may tniwijtspäjtë yë'ëts ojts yë Tios tukwintsë'ëkëtë tä yë ayajk ako'onën. Jä'ä xëëw ka'ap kyääytyë, jëtu'unyë ojts ayuu xyëëwnaxtë ets kë'ëm nyäja'awëy'ijtëtë ko tëë ënäty ja Wintsën tmëtëkoytyë mëjwiin këjää. Jam Mizpá jam ojts yë Samuel y'awinpity tu'uwinye'epyë ets tsip twinye'eyëty ets ja naax kajpn näjyëtu'un twinye'eyëty.

Jueces 2:3

E paaty tyam n'ënëëmëtë ko ka'apës tääpë kajpn nyajpëtsëma'any ma miitsëtyën, yë'ëjëty mëët yë tyiosëty nëjkxëp m'atsipëtë.

Jueces 2:5

Paaty tyajxëëwpäjtë tääpë ja it naaxwiinyëtë Boquim, jam ojts yë Wintsën wyintsë'kën tmo'otë.

1 Samuel 11:4

Tä ja kukäjpxy jam jyajtë Guibeá ma ja Saúl ënäty tsyëënën ets tuknija'awëtyë ja naax kajpn mëti'ipë ënäty amay'ajtp jotmay'ajtpën. Tä ja ja'ayëty tyëjkëtyääpyë jëëpyë yaxpë.

Joel 2:12

E tyam jëtu'un yë Wintsën y'ënä'äny: ëjts niwinpijtëk winë aaw winëjot. Ëyuu'atë, ya'axtë joktë ets jë'ëtë ya'axtë.