Jueces 2:18 - Biblia Mixe de Quetzaltepec

¹⁸ Xëmë ko ënäty ja Wintsën twin'ixy tu'uk ja ja'ay mëti'ipë tsip'ixyën ets twinye'eyëty ja naax kajpn, pyutëjkëp ijty ets ja Israel ja'ayëty yajnitsiptuntë këtiipë o'ktëy ja myëtsip tyunëtëty. Jä'ä ko ja Wintsën myëtoopy ënäty ko ja Israel ja'ayëty jyë'ëtë ya'axtë ko ja myëtsiptëjkëty o'ktëy yajjat yajkëtpäjtëtë.

Biblia Dc en Mixe de Quetzaltepec

¹⁸ Xëmë ko ënety ja Wintsën twin'ixy tu'uk ja ja'ay mëti'ipë tsip'ixyën ets twinye'eyëty ja naax kajpn, pyutëjkëp ijty ets ja Israel ja'ayëty yajnitsiptuntë këtiipë o'ktëy ja myëtsip tyunëtëty. Jä'ä ko ja Wintsën myëtoopy ënety ko ja Israel ja'ayëty jyë'ëtë ya'axtë ko ja myëtsiptëjkëty o'ktëy yajjat yajkëtpäjtëtë.

Jueces 2:18 ပူးပေါင်းရင်းမြစ်များ

Josue 1:5

Mapaat mjuuky'ätyën ni pën mkamayëtëty, ëjtsës xëmë yajpaataanp ma mijtsën tä ojts nyajpaatyënës mëët yë Moisés, nijëna'a nka'ëxmatsa'any ets nkamajtstu'uta'any.

Deuteronomio 32:36

Yë Wintsën nyiwaantu'utäämpy yë nyaax kyajpn, ko ënäty t'ixy të y'ënu'kxëtyääynyëtë. Yë Wintsën pya'ëyowäämpy yë tyuunpë kyupëjkpë, ko ënäty t'ix, ko ka'ap ma pën mëti'ipë ka'ap myëkëtyën ets mëti'ipë mëkëtyën.

Éxodo 2:24

Ets ojts tmëmay tmëtajy, ko ënäty y'ëjtë tyu'uktë ets tja'amyejtsy wi'ix ënäty të tunyën ja käjpxytyu'unën mëët ja Abraham, Isaac ets Jacob.

Oseas 11:8

¿Wi'ix n'ëk'ëxmatsëty mijts Efraín? ¿Wi'ix n'ëkmajtstu'utëty mijts Israel? ¿Jyëkyäpëp jëtää nyajkutëkoyëty tääjës ojts nyajkutëkoyën yë Admá kajpnën, ëkë tääjës nyajkutëkooyën yë Seboím kajpnë? Je'eyës nmëkxejy n'o'kxejy, ko njapa'ëyoy.

2 Reyes 13:4

Tä ja Joacaz jyiiytyäky nyu'kxtäky ma ja Wintsënën, e ja Wintsën ojts tmëtoy ya'atë ja jëëytyak nu'kxtakën, jä'ä ko tëë ënäty kë'ëm t'ixy wi'ix ja sirië tyajmon tyajtuktën ja Israel ja'ayëty.

Jueces 10:16

Ënät ja Israel ja'ayëty ojts tyajma'ta'atë ets tukpu'ujëtyääytyë ja wiink tios, ets ja Wintsën t'ënëmaaytyë ko yë'ë t'ëwtata'antë tu'ukyë, ko jëtu'un yë Tios t'ijxy ka'ap ojts jeky tmëmëtä'äky ets ja Israel ja'ayëty y'ëyowtëty.

Génesis 6:6

Mëk ja Wintsën tja'awëy jä'ä ko kë'ëm ënäty të t'ëkyajkojy ja ja'ay. Mëët ja mëkjotmay,

Éxodo 3:12

Tä ojts yë Tios y'ëtsoyë: Ëjts mijts njämyëët'atäämpy ets ya'atë jëtu'un mtuk'ixëp ko yam nkexyp, ko ënäty mijts ja nnaaxës nkajpnës të xyjyuuty jap Egiptë, yaajës min xy'ëwtatë ma ya'atë kopkën.

Jonás 3:10

Ojts yë Tios t'ixy ko ja Nínive ja'ay jyotwinpijtë ets t'ëxmajtstë ja ëxëëktu'un ëxëëk kajpxën ets ojts y'ënä'äny ko ka'ap tyajkutëkoyanëpë ja Nínive kajpn jëtu'un tä ënäty të tnikäjpxyën.

Salmos 90:13

Wintsën, niwinpijtëkës jatëkok Këtii mpo'oxy. Tun yë mëyajtën, mëët'at pa'ëyo'owën mëët ya'atë ja'ayëty mëti'ipë mmëtuunëtëpën.

Salmos 12:5

Yë Wintsën jëtu'un të y'ënä'äny: Yë ëyoopëja'aytyëjk ets paki'ixtëjk; o'ktëypyë jyatën kyëpätën, mëti'ipë jëëytyëp yaxtëpën. Yë'ëjës yam mputëkëjantëp etsës nkuwa'ana'antë, ijxtëm yë'ë tsojkën'atën.

Números 10:9

Ko yë mëtsiptëjkëty mtukmin mtukja'tëtëty ma ënäty m'itën mtsëënëtën ets miitsëty mnäkyuwa'anëtëty, mëk nëjkx mya'axtë mjoktë ets xyajxuxkä'äktëty näjyëtu'un ja pujxnxuxn. Jëtu'un'äämpy nja'amyätstëty, ëjts mWintsën Tiosëty ets nyajtso'oktëty ma ja mëtsiptëjkëtyën.

Jueces 2:19

E ko ja ja'ay y'o'knë mëti'ipë ënäty tsip'ixyën ets tëë ja nyaax kyajpn twinye'ey ënätyë ijty jatëkok ja wyinma'any tyajtëkoytyë ets ni'ik o'ktëy winë tuntë këtiinëm ja y'ap y'okëty, t'ëwtatë ja wiink tios ets tmëtuntë. Ninu'un ënäty tkatimy'ëxmatstë ja y'ëxëëktu'un y'ëxëëkkajpxënëty ets ja y'ëxëëkjot y'ëxëëk winma'anyëty.

Éxodo 32:14

Yë Tios, ojts jëtu'unpë ja winma'any tjantyajjëwä'äky ma yë'ëjën, ko jya'ënany ja nyaax kyajpn tyajkutëkoyä'äny.

Jueces 3:9

Koonëm tmëpëjktsoowtë ja Wintsën ets ojts tu'uk yë ja'ay pyëtsimy mëti'ipë yajtsokëtën. Ja ja'ay mëti'ipë yajtsokëtën yë'ë xyëëwajt Otoniel, yë myaank yë Quenás yë y'uty yë Caleb.

Jueces 6:12

Ënät ja Wintsën ja kyukäjpxy nyipëtsëëmë jam ets y'ënëmaayë: Yë Wintsën yë'ë tyam yajpatp ma mijtsën, jotmëkja'ay.

Jueces 6:16

Ënät yë Wintsën y'ënëmaayë: Mijts mjëkyäpëp xytyunëty jä'ä ko ëjts yajpaataanp ma mijtsën. Mijts ka'ap nëjkx xyajmëtä'äky yë Madián ja'ayëty jä'ä ko jëtu'un yë'ëjëty tä jeexyë tu'ukyë ja'ay je'eyë mëët mtsiptunyën.

Jueces 11:32

Jefté ojts nitëjkëtyä'äy yë Amón ja'ayëty yë nyaax kyajpnëty ets myëtäky, yë'ë ojts yë Wintsën pyutëkëty.