Jueces 2:16 - Biblia Mixe de Quetzaltepec

¹⁶ ojts twin'ixy tu'uk mäjtsk yë ja'ay mëti'ipë tsip'ixëtyën ets ja naax kajpn tu'uwinwowtëty ets tnitsiptunëty ma o'ktëy ja myëtsiptëjk tyunëtën.

Biblia Dc en Mixe de Quetzaltepec

¹⁶ ojts twin'ixy tu'uk mäjtsk yë ja'ay mëti'ipë tsip'ixëtyën ets ja naax kajpn tu'uwinwowtëty ets tnitsiptunëty ma o'ktëy ja myëtsiptëjk tyunëtën.

Jueces 2:16 ပူးပေါင်းရင်းမြစ်များ

Hechos 13:20

Jëtu'unts jyä'äjty taxk mëko'px ja kujkm jëmëjt. Ënät ja Tios myooyëtë ja paye'epyë koonëm ja Tios ja kyäjpxynyajxpë myiiny mëti'ipë xyëëwajtypyën Samuel.

1 Samuel 12:11

E mëët ko jëtu'un mëk ja Tios tmëmaaywyajtstë ënät tyuknikäjxëtë ja Jerubaal, Barac, Jefté ets ja Samuel ets yë'ë mputëkëtëty ets myajtso'okëtëty ma ja mëtsiptëjkëtyën ets jëtu'un'äämpy jotkujk mjuuky'atëty.

Nehemías 9:27

Paatykyëjxm ojts kyë'ëyajkënë ma ja myëtsipëtyën, mëti'ipë ëxëëk tuunëtën. Ok tja'ijxtë ko ëxëëk jyajnëtë kyëpäjnëtë, tä tpëjktsoowtë ja näpyutëkë ma mijtsën, e mijts mëët tu'uk mëjpa'ëyo'owën, ojts xymyëtoowë jam tsajpjotm ja jyi'iyënëty yaxënëty; ets xytyuknikejxy ja ja'ay mëti'ipë yaj'ëwaatsëpëtsëëmëtën ma ja myëtsiptëjkëtyën.

Jueces 3:15

Koonëm tmëpëjktsoowtë yë Tios ets ojts tu'uk jam pyëtsimy pën yajnitso'okëtëp. Ja ja'ay mëti'ipë ojts nyitsiptunëtën jä'ä xyëëwajt Ehud, anajny ijty tyony myätsy, yë'ë yë myaank yë Guerá, yë Benjamín yë jyä'äy. Tu'kxëëw tu'kjëmëjt ojts yë Israel ja'ayëty tkäxtë yë Ehud ma ja yajkutujkpë Eglónkën ets tmo'ojëty ja këpäjtën mëti'ipë ënäty të tyajmuktën kyajpnjotyëty.

Jueces 6:14

Ënät ja Tios ja kyukäjpxy je'eyë wyintë'kxë ets y'ënëmaayë: Yajtun ja mjot mëjaaw mëti'ipë mëët'ajtypyën ets nëjkx yajtso'ok Israel ja'ayëty ma Madián ja'ayëtyën. Ëjts jëtu'un yam mijts nkejxyp.

Jueces 4:5

Ya'atë to'oxytyëjk Débora winjëpom ijty jam yajpaaty ma tu'uk yë palmëkepyën ma Efraín yë jyä'äyëty yë y'itjotmën, itkujky ma Ramá mëët yë Betel nyämyëwinkon'atyën, jamts ja Israel ja'ayëty ja y'amay jyotmay tmënëjkxtë ets ja Débora tyaj'oyë.

Jueces 10:1

Ko ojts y'o'knë yë Abimélec, ënät jam tu'uk pyëtsiimy yë ja'ay mëti'ipë xyëëwajtypyën Tolá, yë'ë myaank yë Puá, y'ok'u'unk yë Dodó; ojts tnitsiptuny yë Israel kajpn ets tyajtsoky. Jam ijty tsyëënë Samir ma ja kopkën mëti'ipë nyitënääpyën yë Efraín ja'ay.

Rut 1:1

Jä'ä xëëw, jä'ä jëmëjt, ma ënäty y'ënä'ämtën yë tsiptuunpë ja'ayëty tsip'ixypyë jam Israel kajpnjotm, ojts yë yuu xëëw y'ity. Paatykyëjxm ojts tsyo'onë tu'uk yë ja'ay, Elimélec xyëëwajtyp, jam kyukajpnëty Belén, Judá y'itjotm ets ojts nyijkxy tsënääpyë ma Moab y'itjotmën. Ojts twoownëjkxy yë tyo'oxytyëjk Noemi ets nimäjtsk yë myaank: tu'uk txëëwaty Mahlón ets tu'uk Quelión. Jä'ä yajtijtë Éufrates ja'ayëty, jä'ä ko jam tsyoontë Belén. Ojts jya'të jam Moab ets jam tsyënaaytyaknpëjktë.

Jueces 3:31

Ja mëmäjtskpë ja ja'ay mëti'ipë ojts tnitsiptunyën ja Israel kajpn ets tsip'ixy jä'ä xyëëwajt Samgar, yë'ë myaank yë Anat, jä'ä tyaj'o'ky yë filistejë ja'ay nitëtujk mëko'px mëët tu'uk yë krukts'apajk. Samgar ojts näjyëtu'un tyajtso'oky yë Israel ja'ayëty.

Jueces 11:32

Jefté ojts nitëjkëtyä'äy yë Amón ja'ayëty yë nyaax kyajpnëty ets myëtäky, yë'ë ojts yë Wintsën pyutëkëty.

1 Samuel 14:48

Ënät tyajmujky nimay yë tsiptuunpëtëjk, ets tsyiptuuny mëët yë Amalec ja'ayëty, ka'ap tyajmëtäky. Jëtu'un'äämpy ojts tyajtso'oky yë Israel kajpn ma ënäty ëxëëk tyunëtën yë toonpë mä'tspë.

2 Samuel 7:11

Koos mpëjktäky ja ja'ay mëti'ipë nyitsiptuntëpën ja naax kajpn. Ëjts nëjkxëpës mijts ëwaatsëtum xëmë nyaj'ity ma ja mëtsiptëjkëtyën. Ets tyam näjyëtu'un ntuknijawë ko nmo'ojäämpy ja m'u'unk m'ok,