Jueces 2:14 - Biblia Mixe de Quetzaltepec

¹⁴ Paaty ojts yë Wintsën mëk tukjoot'anpëky yë Israel kajpn ets tyajkutujky ets ja mä'tspë ëxëëk tyunëtëty ets tpëjkta'ajëty tiijaty ënäty myëët'ajtëpën ets ëxëëk tyuunëtë ja myëtsipëty mëti'ipë ënäty jam mëwinkon'ajtëtëpën.

Biblia Dc en Mixe de Quetzaltepec

¹⁴ Paaty ojts yë Wintsën mëk tukjoot'anpëky yë Israel kajpn ets tyajkutujky ets ja mä'tspë ëxëëk tyunëtëty ets tpëjkta'ajëty tiijaty ënety myëët'ajtëpën ets ëxëëk tyuunëtë ja myëtsipëty mëti'ipë ënety jam mëwinkon'ajtëtëpën.

Jueces 2:14 ပူးပေါင်းရင်းမြစ်များ

2 Reyes 17:20

Paatykyëjxm ja Wintsën ojts tim nyas'ijxënyë ja Israel ja'ayëty ets ëxëëk jyajtë kyëpäjtë, ma ëxëëk tyuunëtën ja mëti'ipë yajja'ay'o'ktëpën; koonëm jam y'ëxwojpëtë ma ja nyaax kyajpnëtyën, kyë'ëyajktaayëtë ma ja mä'tspëtëjkëtyën y'ijxwojpëtë Wintsën wyintum.

Deuteronomio 32:30

Tu'uk je'eyë ja myëtsip mëti'ipë nitu'kmil yajkekpyën ja myëtsip. ¿Wi'ix jëtää ko jyëtu'unëty? E ja mäjtskpë ja myëtsip majk mil tyajke'eky. ¿Näy wi'ix ko jyëtu'unëty? E ¿tiikyëjxm ko jëtu'un jyajnëtë kyëpäjnëtë? Yë'ë ko Wintsën jëtu'un të tuknipëjktaakë, mëti'ipë ijty këwent'ajtëtëpën. E tyam jä'ä ko tëë y'ëxmajtsënëtë, paaty o'ktëy jyajnëtë kyëpäjnëtë ma ja myëtsipëtyën.

Jueces 10:7

Paatykyëjxm yë Wintsën ojts tyukjot'anpëkëtë ets y'ëxmajtsëtë ma filistejë ja'ayëty ets ma Amón ja'ayëtyën.

Jueces 4:2

Paaty ojts yë Tios tyukjoot'anpëkëtë ets y'ëxmajtsëtë. Ënät yë Jabín myiiny ets yë'ë yajnëjkxëtë, jam ënäty y'ëne'emy Canaán ets jam ja kyutujktakn Hazor. Ja tsyiptuunpë wintsën jä'ä ijty txëëwëty Sísara, jam tsyënaay Haróset-goim

Levitico 26:37

Kë'ëm nëjkx muum nyäwyinkuja'atëtë, tä jeexyë mkä'äktën tsipjotm, oy pën mkapapo'ojëtëty. Ma miitsëtyën ni pën ja myëtsip tkawinkuwa'akëja'anëty.

2 Crónicas 36:16

Yë'ëjëty ka'ap tmëjpëjktaktë ja aaw ayuk, je'eyë tnëxik tukxiktë mëti'ipë ja Wintsën jyakajpxën; koonëm ja Wintsën yajxon tyajjoot'anpëjktë ets ka'ap ojts t'ëkjëkyäjpnë wi'ix jyotxäämëtyën.

Jeremias 37:10

Oy jeexyë miitsëty mjatimmyëtaktëpë ets jeexyë Caldeo ja'ayëty may xyjyayaj'o'ktëpë, ja mëti'ipë wë'ëmtëpën juuky, mëti'ipë je'eyë tsëtyujtëpën jam tsipjotm, yë'ë pëtë'ëkantëp ets ëxëëk mtuna'anëtë ets tjëënmo'oja'antë ja naax kajpn.

Isaías 50:1

Jëtu'un ja Wintsën y'ënä'äny: Miitsëty këtii m'ëna'antëty ko paatyës ja Israel kajpn të n'ëxmatsy, mëti'ipë miits mtaak'ajtëpën ëkë paatyës të ntooky ma wiink kajpnën jä'äkyëjxm koos ënäty pën nmënu'kxy'äty. Miitsëty paaty të myajtooktë wiink naax wiink kajpn jä'äkyëjxm ko të mpokytyuntë; ja Israel kajpn paaty të yaj'ëxmatsy jä'ä ko miitsëty je'eyë të mkäjpxykyumëtoownaxtë.

Salmos 44:12

jëtu'un tpatnë tä jeexyë yë mnaax mkajpn janty mëpaat të xynyito'knën, e tiitën mpatyp m'ijxyp ko janty mëpaat xytyooky.

2 Crónicas 15:5

Jä'ä xëëw jä'ä jëmëjt ka'ap ënäty maa ja akujk'ajt jotkujk'ajtën; je'eyë ja tsë'ëkë jawë yajmëëtëty xiitsow yaatsow mëët ja wiinkëtypë ja kajpn.

Jueces 1:34

Yë Amor ja'ayëty mëk tjëjpkuwa'këtyë yë Dan yë jyä'äy ko jyanitëkëjanëtë, jam tjëjpye'eytsyoowtë tunkëjxm ets ka'ap tyajjënajktë jam joyjotm.

Jueces 1:19

E oy ënäty ja Judá ja'ayëty jyayajpaatë mëët ja Wintsën ets oy ënaty tjajëkyepy jeexyë tniwa'aktë ja kopkjot ets ja joyjyot ka'ap ojts y'ëkmaayënëtë; jä'ä ko ja ja'ayëty ja jampë ënäty tsyëënëtën myëët'ajtëp pyujxnwintëkäämpë mëti'ipë myëtsiptuuntëpën.

Deuteronomio 28:58

Ënät jëtu'un pën ka'ap xykyuuytyuny ja mëti'ipë të mjayajtukni''ixën ets ko ka'ap xywyintsë'ëkëty yë mWintsën.

Deuteronomio 28:25

ets mnakëty. Ko ja mëtsip xyanitsoonëty, je'eyë xywyinku'ixëty ko nimay mniminyë, tääts poj'am mkä'äkëty, mijts ko ënäty ëxëëk'o'ktëy mjajnë mkëpäjnë, yë'ë nëjkx ja wiink naax wiink kajpn xytyuk'atsë'ëk xytyuk'ajawë.

Deuteronomio 28:20

Jëtu'un tä ënäty ja Wintsën të mpokyën jëtu'un nëjkx mtukëtakpäjta'ayë ets jëtu'unyë nëjkx mkumo'on mkutukë, oy tii xyjyatuna'anëty, wäänë y'itëty tä nëjkx mijts kë'ëm mtimy'atëkoy, mëët ko ënäty të xy'ëxmatsy ja Wintsën ja nyë'ë'aaw tyu'u'aaw mëët ja m'ëxëëktu'un m'ëxëëk kajpxën.

Números 32:14

E miits yë mteety mtaak ojts pyokytyuntë, näjyëtu'un tyam winë xytyuna'antë tä yë'ëjëty y'ëtëtstën ets ja Wintsën jatëkok xyajjoot'anpëka'antë ets tukjoot'anpëkëty ja Israel kajpn.

Levitico 26:28

Ëjts nëjkxëpës näjyëtu'un miitsëty ntukjoot'anpëktë. Nëjkxëp ntëytyuntë mëët ja mëkjoot'an ets wëxtujk'ok nëjkx jyaak yajni'ikës ja tëytyu'unën ma miitsëtyën, mëët ja mpokykyëjxmëty.

Jueces 2:20

Paaty ojts ja Wintsën tukjoot'anpëky ja Israel kajpn ets y'ënäny: Ya'atë ja'ayëty je'eyë nëkoo tyajma'aty yë nkäjpxytyu'unënës mëti'ipës ntuunën mëët yë y'ap y'okëty ets ka'apës xymyëmëtowa'antë.

Jueces 3:12

Ënät yë Israel ja'ayëty ojts jatëkok tpanëjkxtëkëtë ja ëxëëktu'un ëxëëkajpxën ets ja Wintsën jëtu'un tuk'ixtë, paatykyëjxm ojts tyukjoot'anpëkëtë ets tyajmëktäky ja yajkutujkpë Eglón, jampë y'ëne'emyën ma Moab kajpnën.

2 Samuel 7:11

Koos mpëjktäky ja ja'ay mëti'ipë nyitsiptuntëpën ja naax kajpn. Ëjts nëjkxëpës mijts ëwaatsëtum xëmë nyaj'ity ma ja mëtsiptëjkëtyën. Ets tyam näjyëtu'un ntuknijawë ko nmo'ojäämpy ja m'u'unk m'ok,

2 Reyes 13:3

Paaty ja Wintsën mëj këjää tukjoot'anpëjky ja Israel kajpn ets jekpyaat tkë'ëyäjky ma ja Hazael yajkutukyën, jam Sirië ets ma ja y'u'unkën Ben-adad.

Nehemías 9:27

Paatykyëjxm ojts kyë'ëyajkënë ma ja myëtsipëtyën, mëti'ipë ëxëëk tuunëtën. Ok tja'ijxtë ko ëxëëk jyajnëtë kyëpäjnëtë, tä tpëjktsoowtë ja näpyutëkë ma mijtsën, e mijts mëët tu'uk mëjpa'ëyo'owën, ojts xymyëtoowë jam tsajpjotm ja jyi'iyënëty yaxënëty; ets xytyuknikejxy ja ja'ay mëti'ipë yaj'ëwaatsëpëtsëëmëtën ma ja myëtsiptëjkëtyën.

Levitico 26:17

Ëjts nmëtsipës n'awinpita'any mëët miitsëty, ja ja'ayëty mëti'ipë ënäty mëtsip'ajtëtëpën, ëxëëk nëjkx mtunëtë ets yë'ë nëjkx y'ënä'ämtë ma ja mnaax mkajpnëtyën, mëti'ipë ënäty m'ëxëëk'ijxëtëpën, jëtu'unyë mkä'äktëty mputëty, oy ënäty ni pën mkapapo'ojëtë.

Números 32:13

Yë Wintsën mëj këjää ojts tukjoot'anpëky yë Israel ja'ayëty. Paaty ojts jam tyajjëtity të'ëts'itum wëxtyikxy jëmëjt, koonëm y'o'ktaay tyëkooytyääytë, ja mëti'ipë ënäty të yajjoot'anpëkyën mëët ja y'ëxëëkjëtu'un y'ëxëëkkajpxënëty.

Josue 23:16

Pën ka'ap xypyatuntë ja Wintsën ja kyäjpxytyu'unën. Ko miitsëty wiink tios xy'ëwtajnëtëty ets xywyinkoxtënaaynyëtëty, yë Wintsën mëj këjää nëjkx mtukjoot'anpëkëtë ets ka'ap mnimä'kxëtëty; wa'ats myajkutëkooytya'ajëtëty koonëm mkëxtëty yaa naaxwiiny naaxkëjxy ma ya'atë it naaxwiinyëtë të mo'ojëtën.

2 Samuel 24:1

Ënät ojts ja Wintsën jatëkok tukjoot'anpëky ja Israel ja'ay, ko ja David tëkatsy ja winma'any tpaty ets ni'ënä'ämëy tkëxjaaytya'atëty tëkokyë jënu'un ja ja'ay jam yajpaatën ma ja Israel ets ja Judá kajpnën.

2 Crónicas 28:5

Paatykyëjxm ja Wintsën kyë'ëyajkë ets ja Siria ja'ayëty myëmëtakë, may ojts ja Siria ja'ayëty tyajnëjkxtë ja ja'ay tsumy matsy jam Damaskë. Ojts kyë'ëyäkyë näjyëtu'un ja Wintsën ma ja Israel ja'ayëtyën, mëti'ipë ëxëëk tuunën ets ka'ap yajmëtakë.

Salmos 44:11

Jëtu'un mijts të xykyë'ëyaktës tä tu'uk yë kupixynyën mëti'ipë yajmënëjkxpën ma y'o'ktaknën; axit ako'owës të xyajjatë ma ja'ayëtyën mëti'ipë ka'ap tios t'ëwtatën;

Isaías 42:24

¿Pën jëtää të tyajkutuky ets Israel kajpn, mëti'ipë Jacob kyajpn'ajtypyën, yajnitëkëty ets yajmënëjkxëty wiink kajpn? ¿Këtii myëtëyëty ko yë'ëjëty yë Wintsënë? Jä'ä ko ojts tmëtëkoytyë ka'ap tye'eya'antë ja oypyë në'ë tu'u mëti'ipë ënäty të yatukni''ixëtën, ka'ap ojts tpatuunëtë ja y'ënä'ämën tyiyajtën.