Jueces 2:11 - Biblia Mixe de Quetzaltepec

¹¹ Ja yu'unënëty kyajpxënëty ja Israel ja'ayëty wiink ojts ja Tios t'ixy, jä'ä ko ojts wiink ja tios tpanëjkxtëjkënyëtë mëti'ipë tyijtëpën Baal.

Biblia Dc en Mixe de Quetzaltepec

¹¹ Ja yu'unënëty kyajpxënëty ja Israel ja'ayëty wiink ojts ja Dios t'ixy, jä'ä ko ojts wiink ja tios tpanëjkxtëjkënyëtë mëti'ipë tyijtëpën Baal.

Jueces 2:11 ပူးပေါင်းရင်းမြစ်များ

Jueces 10:6

E yë Israel ja'ayëty ojts jatëkok t'ëxmatstë ja Wintsën ja nyë'ë'aaw tyu'u'aaw, jä'ä ojts tpanëjkxtëkëtë ja Baal ets ja Astarté, ka'apë tyiosëtyën mëti'ipë yë Siria ja'ayëty y'ëwtajtëpën; näjyëtu'un yë Sidónja'ayëty, Moab ja'ayëty, Amón ja'ayëty ets filistejë ja'ayëty. Yë Israel ja'ayëty ojts t'ëxmajtsnëtë Wintsën ets ka'ap ojts t'ëkmëjja'awënëtë.

Jueces 6:1

E ja Israel ja'ayëty ëxëëk ja jyot wyinma'any ojts tyajkëxë'ëktë Tios wintum, paatykyëjxm ojts kyë'ëyakëtë ma ja Madián ja'ayëtyën wëxtujk jëmëjt ets ëxëëk tyuunëtë.

Jueces 4:1

Ko ojts ja Ehud y'o'knë, yë Israel ja'ayëty ojts jatëkok yë jyot wyinma'any tyajtëkoytyë ets ëxëëk winë tuuntë Tios wintum.

Jueces 3:7

Yë Israel ja'ayëty ka'ap ojts winë oy tuntë tkajpxtë Tios wintum ojts ja Wintsën tja'atyëkooynyëtë ets ojts t'ëwtajnëtë ja Baal ja y'awinax ets ja Astarté ja y'awinax.

Jueces 8:33

Ko yë Gedeón ojts y'o'knë, yë Israel ja'ayëty ojts t'ëxmatstë jatëkok yë Wintsën ets tpanëjkxtëjkëtyë ja wiink tios mëti'ipë yajtijpën Baal; yë'ë ojts twin'ixtë t'ëwtata'antë tu'uk awinax mëti'ipë tyijtëpën Baal-berit.

1 Reyes 18:18

Ëjts ka'apës ni pën n'ëxëëk wiinkajpxë, jëtu'un t'ëtsooy yë Elías; mijtsën tëy, mëët yë mja'ay, mëët ko ja Wintsën ja y'ënä'ämën tyiyajtën të xy'ijxmajtsnëtë ets jä'ä oy xymyëjja'awënëtë ja ka'apë Wyintsënëtyën tä ja Baal ja y'awinaxën.

Jueces 13:1

Yë Israel ja'ayëty ojts jatëkok ja jyot wyima'any tyajtëkooykyojnëtëpë ets ëxëëkjaty winë tuuntë Tios wintum, paaty ojts yë Wintsën tyim'ijxmatsëtë ets ëxëëk tyuunëtë yë filistejë ja'ayëty wëxtyikxy jëmëjt.

Jeremias 9:14

Kujuun nyäpyëjktakëtë ets jëtu'un ojts winë tuntë tä ja kyë'ëm jot kyë'ëm winma'anytyën ets wiink tios ojts t'ëwtajtnëtë tä yë y'aptëjk tyukni''ijxëyëtën.

Jeremias 2:23

¿Wi'ix m'ëna'ana'any: Ëjts ka'apës tii poky nmëëtëty ets ka'apës wiink tios të npanëjkxyë? Mëmay mëtaj wi'ix ojts m'ëtë'ëtsy m'ëna'anyën jam joyjyotm; ja'amyäjtsta'a tiijaty të xytyunyën ko ojts mnäypyëjktä'äkyë tä jëyujk jëku'ux to'oxyën mëti'ipë xii yaa pëyë'knajx pëyë'ktëjkëpën;

Esdras 8:12

Johanán, myaank yë Hacatán, y'u'unk y'ok yë Azgad, mëët nimëko'px ja majk yë ye'etyëjktëjk;

2 Crónicas 33:6

Tä tyaj'o'ky ja y'u'unk y'ëna'k ets nino'ky nixämy mëti'ipë tyukwintsë'këyën ja Ben-hinom; ojts tyajmëjnajxnë ja näpyatoy näpyanaxë, ja najtsja'awën, ja toonkajpk ets ja kaxpojkën. Tim tëkatsy ojts winë tuunë, aakjä'ä mëti'ipë ja Wintsën y'ëxëëk'ijxypyën.

2 Crónicas 28:2

Yë'ë ojts ja në'ë tu'u tpanëjkxy ja ka'apë y'oyëtyën, jëtu'un tä ja yajkutujkpëtëjkën jampë ënäty të yajkutuktën Israel. Ojts tyajkojy pujxn awinax jëtu'unpë yaj'ixyën tä ja Baalën,

1 Samuel 7:4

Ënät ja Israel ja'ayëty tjantyjyu'taaytyë ja Baal ets ja Astarté ja y'awinaxëty ets je'eyë t'ëwtajtë tu'ukyë ja wyintsën Tiosëty.

Jueces 10:10

Paatykyëjxm ojts ja putëjkën t'amëtowtë ma Tiosën ets t'ënëmaaytyë: Wintsën ëëts nja'awëtyëpës ko tëë myajmëtëkoy mëët ko të myaj'ëxmatsy etsës ja wiink tios të npanëjkxtëkëtë.

Jueces 3:12

Ënät yë Israel ja'ayëty ojts jatëkok tpanëjkxtëkëtë ja ëxëëktu'un ëxëëkajpxën ets ja Wintsën jëtu'un tuk'ixtë, paatykyëjxm ojts tyukjoot'anpëkëtë ets tyajmëktäky ja yajkutujkpë Eglón, jampë y'ëne'emyën ma Moab kajpnën.

Génesis 38:7

Yë Er ëxëëk ënäty yë jyot wyinma'any ets ëxëëk ijty jyä'äy'äty; aakyë'ë tyuunpy mëti'ipë yë Tios ka'ap t'oy'ixyën, paaty yë jyuukyajtën ojts tpëjkë.

Génesis 13:13

Ja ja'ayëty ja jampë tsyëënëtën Sodomë ëxëëk ënäty jyä'äy'atë. Ets aakjä'ä ënäty ja pokytyuuntëp, mëti'ipë Tios ka'ap ninu'un tsokyën.

Deuteronomio 31:16

Ënät yë Wintsën t'ënëmaay yë Moisés: Wäänë y'itëty tääts m'o'knëty. E ya'atë naax kajpn ënätyë yë jyot wyinma'any tyajtëkoya'antë ets wiink wintsën ënätyë pyanëjkxantëp pën jëtu'unyë y'itë, ko ja Wintsën t'ëwtatëty mëti'ipë jam yajpatëpën ma ja naax kajpnën, mëti'ipë nyiwa'akantëpën. Ëjts nëjkxëpës xyjyä'äytyëkooynyëtë ets ja käjpxytyu'unën ka'ap nëjkx t'ëktuunëtë këwentë.

Jueces 6:25

Jä'ä tsu'um ojts yë Wintsën t'ënëëmë yë Gedeón: Amëtow yë mteety tu'uk yë tsajpkaa ets xyaj'ookëty, ja mëmäjtskpë mëti'ipë wëxtujk yë jyëmëjtën ets xyjyijtë'ëkëty yë Baal yë wyintsë'këntyakn mëti'ipë yë mteety myëët'ajtypyën. Pujxë'ëk näjyëtu'un ja jampë ja kepy tyänën winkon ma Baal yë wyintsë'këntyaknën, mëti'ipë tyijtëpën ko kyënu'kxyëty.

1 Reyes 22:53

Ojts näjyëtu'un t'ëwtajnë ja Baal ets ojts twinkoxtënaaynyë, jëtu'un tä ënäty ja tyeety të y'ëti'ityën, tyajjoot'anpëjky ja Wintsën, mëti'ipë jam yaj'ëwtajtpën Israel.

Nehemías 9:26

Je'eyëp ko yë'ëjëty ojts mkäjpxykyutëjyë ets ni'ikyë ojts je'eyë mkäjpxykyumëtoownajxënë ets ka'ap n'ëktuunëtë këwentë ja m'ënä'ämën mtëyajtën. Ja mtuunpë ets ja mja'ay mëti'ipë ja m'aaw m'ayuk jyanikäjpxypën je'eyë tyaj'o'k tyajtëkooytyë jä'ä ko ënäty tyukwinmëtowëtë ja nyëë pyokyëty, tääts jëtu'un'äämpy myajjoot'anpëjkë mëjwiin këjää.

Salmos 78:56

E yë'ëjëty je'eyë ojts yë Tios Ni'ik Këjxmëpë tnëxi'ik tukxi'iktë, ets ni'ikyë tkäjpxykyumëtoownajxtë ets ka'ap tpatuuntë ijxtëm ënäty ja y'ënä'ämën tyiyajtën jya'ëna'anyën.

Jeremias 11:10

Näy jä'ä poky të tuntë mëti'ipë ja y'aptëjk tyuuntën, ka'ap ojts xymyëmëtowtës, yi'iyë pyanëjkxtëjkëtyë ja wiink tios ets yë'ë y'ëwtajtë. Yë Israel ja'ayëty ets Judá ja'ayëty tëë tkumëtoownaxtë ja käjpxytyu'unën mëti'ipë mëët ja y'aptëjk ntuunyënës.

Números 25:3

jëtu'un ojts mëj'äämpy tjëkyäjpnëtë ja Baal-peor. Paaty yë Wintsën tukjoot'anpëky yë Israel ja'ayëty,

Deuteronomio 4:25

Ko ënäty xymyëët'ajnëtë ja m'u'unk m'ëna'këty, ja m'ok'u'unk m'ok'ëna'këty ets të mmëjja'ayënëtë ets jää xyajkoj'awinajxtëpëty oynatii, mpokytyuntë jëtu'un ma ja Wintsënën mëti'ipë mTiosajtëpën ets yë'ë xyajjoot'anpëktëty.

1 Samuel 7:3

Paatykyëjxm ja Samuel t'ënëmaay tëkokyë ja naax kajpn: Pën miitsëty winë aaw winëjot yë Wintsën mnätyukë'ëtëkëtë ets pën mju'taaytyëp ja wiink tios ma mjëën mtëjkëtyën tä yë Astarté mëti'ipë wiink ja'ayëty y'ëwtajtëpën. Ets ja jyuukyajtën yë'ë Wintsën tmo'otëty ets yë'ë y'ëwtatëp. Yë Wintsën nëjkxëp myajtso'okëtë ma filistejë ja'ayëty tyam ëxëëk mtunëtën, pën mkumaaytyëp yë Wintsën ets pën mëjpëjktaktëp.

1 Samuel 12:10

E yë'ëjëty ko jëtu'un jyajtë kyëpäjtë, ënätnëm ots t'ixkaptë pën jëtu'un Wintsënajtp, ets tja'awëy'ijtë ko tëë ënäty pyokytyuntë ko t'ëxmajtstë ja wyintsën Tiosëty ets ko ja wiink tios ojts tpanëjkxtëjkënyëtë tä ja mëti'ipë xyëëwajtëpën Baal ets Astarté; e ojts mëk tmëpëjktsowtë ja Tios ets ojts pyokymyä'kxëtë ets yajtsokëtë ma ja myëtsiptëjkëtyën, ko t'ëwtajtë winë aaw winëjot yi'iyë tu'uk.

1 Reyes 11:5

Salomón ojts t'ëwtajnë ja tsaatsetsy mëti'ipë ijty tyijtëpën Astarté, mëti'ipë ja Sidónja'ayëty wyintaj'ajtëpën ets ojts näjyëtu'un t'ëwtajnë wiinkpë ja tsaatsetsy mëti'ipë tyijtëpën Milcom, yë'ë Amón ja'ayëty ijty tyijtëp Wintsën, tu'uk awinax mëti'ipë ka'ap yë Wintsën ninu'un timy'ixa'anyën.

2 Crónicas 28:3

ojts ja poom tyajjoky tyajwiixy jam ma ja joyjyot txëëwatyën Ben-hinom, ni'ikyë ja y'u'unk y'ëna'k ojts tnino'k tniixaamnë, tukwintsë'ëkë ja ëxëëkpë ku'oypyë, tuunë winë tä ja naax kajpnëtyën mëti'ipë ënäty ja Wintsën të t'ëxkexyën.

Jeremias 2:20

Tëëyëp xyajtso'ontä'äky maas je'eyë xykyäjpxykyumëtoownaxyën, maas ka'ap xymyëmëtoyën. Je'eyë m'ënany: Ëjts ka'apës tii ntuna'any. Jam muum kepypya'tkë'ëm, jam muum kopkëjxm, je'eyë ojts jam mpokytyuny, ko wiink tios xy'ëwtajty, jëtu'un tä to'oxytyëjk jyot nyini'kx tookyën ets kanaak yë ye'etyëjk tmëët'aty.

Jeremias 16:11

Ënät xy'ëtsowëty: Jëtu'un yë Wintsën y'ënä'äny: Tyaapë paaty jëtu'un jyäty kyëpety jä'ä ko ja m'ap m'okëty ojts xy'ëxmatstës ets ojts ja wiink tios tpanëjkxtëkëtë, yë'ë ojts t'ëwtajtnëtë ets tukwintooynyëtë ja poom; e ëjts jëkäm jëxkë'ëmës ojts xyajwë'ëmnëtë ets ka'ap pën t'ëktuunë ijxtëmës ënäty të ntuk'ënëëmëtën.

Jeremias 32:23

E ko jyajtë jam ma ja it naaxwiinyëtën mëti'ipë ënäty të xymyo'oyën ets tpëjktaaytyë ja nyaax kyamëty, ka'ap ojts m'ëk mëmëtoowënëtë ets ka'ap ojts jëtu'un t'ëktuunëtë tä ënäty të m'ënë'ëmxëtyën, nimëti'ipë tkatuuntë mëti'ipë mjatuk'ënëmaayën. Paaty xytyuknikejxy ja ëyo'on jotmay mëti'ipë tyam tuunëpen jajtëpën.