Jueces 19:3 - Biblia Mixe de Quetzaltepec

³ ko ja Leví ja'ay nyimiinë ets wyowa'anyë jatëkok, ja to'oxytyëjk ojts oy t'ëxajë ja nyiye'etyëjk. Ja Leví ja'ay ojts twoy tu'uk yë tyuunpë ets jyämyëët'ajtë.

Biblia Dc en Mixe de Quetzaltepec

³ ko ja Leví ja'ay nyimiinë ets wyowa'anyë jatëkok, ja to'oxytyëjk ojts oy t'ëxajë ja nyiye'etyëjk. Ja Leví ja'ay ojts twoy tu'uk yë tyuunpë ets jyämyëët'ajtë.

Jueces 19:3 ပူးပေါင်းရင်းမြစ်များ

Génesis 50:21

Paaty miitsëty këtii mtsë'ëkëtëty. Ëjts yam miitsëty nmo'ojantëp mëti'ipë mkaytyëp m'uuktëpën ets mëti'ipë jyë'kxtëp pyëjktëpën näjyëtu'un yë m'u'unk m'ëna'këty. Jëtu'un ojts jatëkok yë José yë myëku'uktëjk tyajjotkujkë, ko ojts tmëëtmëtyä'äky mëët yë oy'aaw oy'ayuk.

Génesis 34:3

E ja Siquem yajxon ojts ja Dina tjanty tsyojkën'aty ets ja jyot wyinma'any t'ëwa'anëy ets jeexyë ja Dina tsyojkën'atyë.

Gálatas 6:1

Miits mëku'uktëjkëty, ko pën xy'ixtëty tëë pokyjotm kyä'äy, miitsëty mëti'ipë näyaj'ijtëtëp mëët ja Kënu'kxymyëkajtën putëkëtë ets kajpxwijtë mëët ja nätsyokë näjyawë ets näkyëwent'atëtë këtiipë mka'atëty näjyëtu'un pokyjotm.

Juan 8:11

Tääts ja to'oxytyëjk y'ëtsooy: Ka'ap maa pën, Wintsën. Ënät ja Jesús y'ënëmaayë: Ni ëjts mijts nkani'ënä'ämëty ets m'ookëty, nëjkx ets ka'ap m'ëk pokytyuunëty.

Mateo 1:19

Ja José, mëti'ipë Maria mëët ajaaymyuky y'ityën, oyjyä'äy ijty, ka'ap ojts t'ëxmatsa'any mayjyä'äy itkujky tsëtyu'unmëët, jëtu'un tjatukniwinma'ayëy ets ayu'utsy tja'ëxmatsany.

Oseas 2:14

Mpëjkta'akäämpyës ma jyot wyinma'anyën yë tsojkën ja'awën, jamës të'ëts'itjotm nyajnëjkxa'any etsës jyootjoty wyinma'anyjoty nmëkajpxa'any.

Jeremias 3:1

Jëtu'un yë Wintsën y'ënä'äny: Ko tu'uk yë to'oxytyëjk nyäy'ëxmatsyë mëët yë nyiye'etyëjk, yë to'oxytyëjk ko pyëjktëkatsy, ka'ap t'ëkjëkyäjpnë nän yë'ë mëët jatëkok pyëkëty mëti'ipë ënäty mëët të nyäy'ëxmatsyën. Yë naax kajpn wiink nëjkx t'ixy. E mijts Israel, jëtu'un të m'ëtë'ëtsy tä tu'uk to'oxytyëjk kanaak yë ye'etyëjk mëët y'ityën ets ënät m'ëna'any ko ëjts xynyiwinpita'any. Ëjts Wintsën, ëjts ënaanp.

Jueces 15:1

Jëtu'un nyäjxy ja xëëw jëmëjt, e jää ma ënäty të myëjaawta'ayën ja tsajpmok, jä'ä xëëw ojts nyijkxy yë Sansón jam ma ja tyo'oxytyëjk ja kyajpnën ets t'ixa'any. Ko jam jyä'äjty tä y'ënäny: ¿Jyëkyejpyës naxëtyë? Nto'oxytyëjkës n'ixäämpy jap ma tyëkotën. Ja myë't ka'ap ojts yajnaxyë,

Números 22:22

Balaam yë'ë tyuk'ënyääpy ja kyërukts ets nimäjtsk ja tyuunpë pyanëjkxyë. Ja Tios wiink tja'awëy ko ja Balaam kë'ëmwinma'any tsyo'ony. Paaty ojts tu'uk ja Wintsën kyukäjpxy tyu'u'ëtukyë ma ënäty nyaxa'anyën.

Levitico 20:10

Ko pën tyajwintsë'këntëkoyëty yë pëjkën ukën ma ja myëku'uk ja tyo'oxytyëjkën, amäjtsk nëjkx y'ooktë, jëtu'un ja ye'etyëjk ets jëtu'un ja to'oxytyëjk.

Levitico 19:17

Këtii je'eyë tu'kmox xymyëët'atëty yë näy'ëxëëk'ixë näkya'oy'ixë ma mjëëky mëku'ukën. Mtuk'ënëëmëp ja mëku'uk ma pyäätyën ko tii tuuntëkoy tkajpxtëkoyëty.

Jueces 19:2

E ja to'oxytyëjk ojts tukjoot'anpëky ja nyiye'etyëjk ets jam tsyo'ony, jam ojts nyijkxy ma ja tyeety ja tyëjkën jam Belén. Tëë ënäty taxk po'o nyäxy,

Jueces 19:4

Näyjyëtu'un ja to'oxytyëjk ja tyeety ojts tyajja'ajtä'äky ja myë't ma ja tyëjkën akujk jotkujk. Ja Leví ja'ay ets ja tyuunpë tëkëëk xëëw ojts jam wyë'ëmtë ma ja to'oxytyëjk ja tyeety ja tyëjkën, oy tsuj jam kyääytyë y'uktë ets myaatë pyo'kxtë.

Jueces 19:26

Xëënyënëp ënätynyë, ko ja to'oxytyëjk ojts wyimpijnë ma ja mëjja'ay ja tyëjkën, ma ënäty ja nyiye'etyëjk jam yajpaatyën, je'eyë oy wi'ix jyä'äjty ets y'o'ky jam tëjk'ëkë'ëm.

Oseas 2:16

Ënätës xymyëkäjxa'any: Nye'etyëjkës, ets ka'ap nëjkx y'ëk'ënanë, Nwintsënës. Ëjts Wintsën, ëjts ënaanp.