Jueces 17:5 - Biblia Mixe de Quetzaltepec

⁵ Micaías myëët'ajtyp ijty tu'uk tëjk ma Tios t'ëwtatyën. Ojts tu'uk yë wit t'oytyuny mëti'ipë ja teety pyëjktaktëpën, kanaakpëky yë tios tyajmëjnajxy, tu'uk ja myaank tuknipëjky ets tyeety'atëty.

Biblia Dc en Mixe de Quetzaltepec

⁵ Micaías myëët'ajtyp ijty tu'uk tëjk ma Dios t'ëwtatyën. Ojts tu'uk yë wit t'oytyuny mëti'ipë ja teety pyëjktaktëpën, kanaakpëky yë tios tyajmëjnajxy, tu'uk ja myaank tuknipëjky ets tyeety'atëty.

Jueces 17:5 ပူးပေါင်းရင်းမြစ်များ

Jueces 18:14

Ënät ja nimëkoxpë ja ja'ayëty y'ënantë mëti'ipë ënäty ojts të y'ixtë tyuntën jam Lais: ¿Mnija'awëtyëpë? ma ya'atë tëjkën tap tu'uk yë Efod yajpaaty ets kanaak yë tios, nän tap tu'uk yë kepy tsye'ëts mëti'ipë nikoyën mëët yë poop pujxn ¿Wi'ix mëpaat n'ëktu'unëmë?

Jueces 8:27

Mëët tääpë pu'ts pujxn mëti'ipë yë Gedeón ënäty të tyajmukyën, yë'ë mëët t'oytyuuny tu'uk yë teety wyit mëti'ipë jam pyëjktakën Ofrá, ma kyukajpnëtyën; mëët ya'atë Efod mëti'ipë aak pu'ts pujxnën, yë Israel ja'ayëty ka'ap ojts oy yë Wintsën tmëtuntë, je'eyë ojts nëkoo tyajtsipta'aktë ja Gedeón ja y'u'unk tyo'oxytyëjk.

Génesis 31:19

Jä'ä ënäty ja Labán të tninëjkxy ja kyupixyny ets ja nyijëmk tnëkääpanë, e jam ënäty muum yajpaaty ko ja Raquel ojts tmeetsy ja naaxpotsy u'unk mëti'ipë ja tyeety ijty y'ëwtajtypyën.

Jueces 18:24

Tääts ja Micaías y'ëtsooy: Wi'ix ko xymyëkä'äktë yë ntiosës mëti'ipës kë'ëm të n'oytyunyën ets näjyëtu'un xywyoowkä'äktë ja teety mëti'ipë jam tuunpën maas yë ntëjkën etsës jëtu'unyës xyajwë'ëmnëtë. ¿Ets ënät miits xyajtëwtës tiijësën xyjyajtp?

Génesis 31:30

Pën mijts mjanty wyinpitanëp ënäty ma ja mteety ja jyëën tyëjkën ets paaty të mtsoony. ¿Wi'ix ko të xy'ëkmä'tspë ntsaamëxanës?

Oseas 3:4

Jä'ä ko yë Israel ja'ayëty jeky ka'ap tmëët'ata'antë yë kyutujkpëty ets mëti'ipë nikopk'atëtëp, ka'ap tyaka'antë wintsë'kën ets ka'ap t'ëwtata'antë ja tsaanipiy kënu'kxypyë, ka'ap tmëët'ata'antë yë teety wit ets awinax mëti'ipë tu'kjëën tu'ktëjk myëët'ajtëpën.

Éxodo 29:9

Jëtu'un tä yë Aaronkën ets ja y'u'unk y'ëna'këty yajxon xywyë'ënta'tsëtëty ets ënät xypyëjktakëtëty yë kyupitëty. Jëtu'un'äämpy xymyo'ojëty ja kutujkën ets tpa'atwa'akëtëty ja teety'ajtë. Ya'atë ënä'ämën xëmëkyëjxm y'itëty.

Éxodo 28:15

Ja katsyjyän mëët ja mëti'ipë tuunpën ko winë yajnipaye'ey, jëtu'un xy'oytyunëty tä ja kejky yä'äpën, oyëty jyo'oky'atëty, yë'ë mëët xy'oytyunëty yë pu'ts pujxn ets ja wit mëti'ipë koyëtyën: tsu'unk, uky, tsapts ets ja linë wit awiity.

Hebreos 5:4

Ni pën kë'ëm kyanäpyëjktä'äkyë ets y'itëty wintsë'ëkë ko ënäty y'ity teety wintsën. Tios wyin'ijxyp pën pyëjkta'akäämpyën teety wintsën, jëtu'un ja Aarón ojts yajwinwitsy.

Oseas 8:14

Yë Israel ja'ayëty kyojtëp yë kyutujkëntëjkëty, je'eyëp ko jyä'äytyëkooytyëp mëti'ipë winë yajkojpyën. Judá may tkojy yë naax kajpn mëti'ipë ta'tspëky yajpatpën ets këwent'atypë y'ityën, e ëjts nyajkutukäämpyës ets kyutujkëntëjk jëën yajtooytyëkoyëtëty.

Esdras 1:7

Ja yajkutujkpë mëti'ipë txëëwajtpën Ciro, ojts tkë'ëyajkta'ay mëti'ipë ënäty ja Wintsën jyä'ä'ajtypyën, mëti'ipë ja Nabucodonosor ënäty të tmëpëtsëmyën jam Jerusalén ko tnitëjkëy ets jam tyajnëjkxtaay ma ja wiink tios ja tsyajptëjkën.

1 Reyes 12:31

Ojts ja nyitsajptëjk tkojë ka'apë tyiosëtyën jam ma tuuntakn kajpxtaknën tunkëjxmëpë kopkëjxmëpë ets pyëjktak näjyëtu'un ja nyiteety mëti'ipë jam tim itëpën ka'apë Leví ja'ayëtyën.

1 Samuel 23:6

E ja Abiatar, yë myaank yë Ahimélec tëë ënäty kye'eky, jam ënäty të nyijkxy Keilá, tääts mëët nyäpyaata'anyë ja David, ojts tmënëjkx ja efod.

Éxodo 28:4

Ya'atë wit y'oytyuntëp: katsyjyän, kejky yä'äp, nijän, tëyxyuywyit mëti'ipë nëjkx tjo'oktën, kupit ets ja wëën.

Éxodo 24:5

Ënät ojts tuk'ëne'emy ja ëna'ktëjkëty ets tyaj'ooktëty ja tsajpkaa ets jä'ä tukwintsë'ëkëtëty ja Tios, jëtu'un'äämpy ja nay'ëëw'oy näykyajpx'oyë tuntëty mëët yë'ë.

Números 3:10

Yë'ë mtuknipëkëp yë Aarón ets y'u'unk y'ok, ma winë yajtuna'anyën mëti'ipë mëpaat ja teetytyëjk tuntën. Ko pën kë'ëmwinma'any tii tunaanpëty mëti'ipë ja teetyëjk tyuunk'ajtëpën nëjkxëp y'ooky.

Jueces 17:4

Ko yë Micaías tmooy yë tyaak ja poop pujxn meeny, yë tyaak ojts tukë'ëtëky mäjtsk mëko'px ja poop pujxn meeny, tu'uk yë poop pujxn'oytyuunpë ets tyajkojëty ja awinax oytyuny yajxon ets tuknikoyëty yë poop pujxn, ko kyojtaay jap ojts tpëjktä'äky ma ja Micaías ja tyëjkën.

Jueces 18:30

Jamts ojts ja Dan ja'ayëty tpëjkta'aktë ja kepy tsyetsy mëti'ipë ënäty nikoyën mëët ja poop pujxn ets yë'ë t'ëwtata'antë, yë'ë ojts tyajteety'atë ja Jonatán, yë myaank yë Guersón, yë y'ok'u'unk yë Moisés. Kom'ok yë Jonatán yë y'u'unk y'ëna'këty yë'ë ojts tyeety'atë ma ja Dan ja'ayëtyën, koonëm jatëkok jam yaj'ëxwojptë.

Isaías 44:13

Tsojk ënät näjyëtu'un nimëtyakëm ja ja'ay mëti'ipë tsäjtspën pujxpën: Jëyëjp tkijpxy ja kyepy ets tuknikeetsy mëët ja tyuunpäjn wi'ix tyaj'ijxëntëkëja'anyën, tääts ënät twinxeey ëtyä'äkyë'äämpy mëët yë xyä'äwën; jëtu'un tyajwintu'upëky tyajkëxë'ëky ënät ja'ayën, yajxon tyaj'ijxëntëkë ets oy yaj'ixëty, tim ja'ayën kyëxë'ëky, ko tyaj'o'oyëtyä'äy tääts tmënëjkxy tsajptëkoty.

Ezequiel 21:21

Tëë ja Babilonyë yajkutujkpë nyäpyëjktä'äkyë jam ma mäjtskpë ja tu'u tsyoonyën, tam t'ijxpëtsëmy wi'ix winë tunëtyën, tam t'ixta'ay tuunta'ay yë tyi'pxn, tam näjyëtu'un tyajtëy yë tyios, tam t'ixy tuny wi'ixjaty ja jëyujk määts y'ixëtyën.

1 Samuel 19:13

Mical je'eyë ojts tu'uk yë kepy tsetsy twinpity jëtu'unpë kyëxë'ëkyën tä ja'ayën, ets tkëxko'ky jam wëëtykyijxy ets jam ma ja koyën tsajppax'ak ojts twintijmuky ets tnipe'eny mëët tu'uk yë poop wit.

1 Reyes 12:32

Ojts näjyëtu'un tu'uk ja xëëw tyajnaxkëtä'äky, ma myajkmokx'anyën ja mëtuktujkpo'opë, jëtu'un tä ijty jam xyëëwtuntën ja ja'ayëty ma ja Judá kajpnën ets kë'ëm wyintsë'kën ojts tkë'ëyajkojy ma ja wintsë'këntyaknën. Ya'atë ojts jam tuny Betel, ko tmooy ja wyintsë'kën ja tsajpkaa ayääkë, ma ënäty ja nyiteety kë'ëm të tpëjktakën.

Ezequiel 21:26

Ëjts Wintsën jëtu'unës n'ëna'any: Myajpëjkëjaanp yë mkupit, ja mkujän mëti'ipë më'ëne'emypyën ets nëjkxëp winë tyëkajtsta'ay. Nëjkxëp mëj'äämpy nyäxy mëti'ipë yu'unk naxym yajpatpën ets yu'unk naxym mëti'ipë mëj'äämpy yajpatpën.