Jueces 17:13 - Biblia Mixe de Quetzaltepec

¹³ Tääts ja Micaías ojts myäy tyäjy ko ja jyëën tyëjk ets ja jyuukyajtën jëjp'ixy ënäty tmëët'ajnë ja Tios ja kyënu'kxën, jä'ä ko yë'ë ënäty jam teety'ajtp ma ja tyëjkën tu'uk yë Leví ja'ay.

Biblia Dc en Mixe de Quetzaltepec

¹³ Tääts ja Micaías ojts myäy tyäjy ko ja jyëën tyëjk ets ja jyuukyajtën jëjp'ixy ënety tmëët'ajnë ja Dios ja kyënu'kxën, jä'ä ko yë'ë ënety jam teety'ajtp ma ja tyëjkën tu'uk yë Leví ja'ay.

Jueces 17:13 ပူးပေါင်းရင်းမြစ်များ

Hechos 26:9

Ëjtspaat ijty jëtu'un nwinmay ets nyajkutëkoyä'änyës ja Jesús Nazaretëtë ja y'oyajtën.

Juan 16:2

Nëjkxëp myaj'ixkäxtë jap tsajptëkoty ets nëjkxëp ja'ay myaj'ookëtë ets jëtu'un nëjkx myäytyë tyajtë ko Tios myëtuuntëp.

Mateo 15:13

Tääts ja Jesús y'ëtsooy: Jëtu'un yë fariseë ja'ayëty ijxtëm yë ujtsën mëti'ipë ka'ap yë nTeetyës të tkojyën. Oytyii'ujtsëty pën ka'ap yë'ëjëty yë nTeetyës tsajpjotmëpë të tkojy, yajwijxë'ëkaanp jappaat ma tyiktsën.

Mateo 15:9

Nëkoopë nyätyijëtë koos xywyintsë'ëkëtë; yë y'ijxpëjkënëty, ja'ay yë y'ënä'ämën.

Isaías 44:20

Tyaapë jëtu'un tä ja'ay kuyjyaam tjë'kxyën. Jëtu'un tä ja'ay kë'ëm nyäwyin'ëënyën. Tääpë jëtu'unpë ja'ayëty ka'ap nijënu'un tjëkyepy wi'ix tsyo'oktëtyën. Ka'ap nijënu'un tja'akyukëtë ko mëti'ipë y'ëwtajtëpën nëkoopë nyätyukwin'ëënëtë.

Proverbios 14:12

Tää yë në'ë tu'u mëti'ipë oy yaj'ijxpën; e jam ma jyëjpkëjxnën okën jam.

Jueces 17:12

Micaías ojts yajnaxyë teety ets jëtu'un ojts jam wyi'imy tsënääpyë.

Jueces 18:1

Jä'ä xëëw jä'ä jëmëjt, yë Israel ja'ayëty ka'ap ënäty yë yajkutujkpë tmëët'atënëm; yë Dan yë jyä'äy ka'ap ënäty yë nyaax kyam tpaatënën ma tsyënaaytya'aktëtyën; paaty yë'ëjëty jëtu'unyë ënäty jyëtitënëm, t'ixta'atë maa y'ëkwë'ëmtëty.

Jueces 18:24

Tääts ja Micaías y'ëtsooy: Wi'ix ko xymyëkä'äktë yë ntiosës mëti'ipës kë'ëm të n'oytyunyën ets näjyëtu'un xywyoowkä'äktë ja teety mëti'ipë jam tuunpën maas yë ntëjkën etsës jëtu'unyës xyajwë'ëmnëtë. ¿Ets ënät miits xyajtëwtës tiijësën xyjyajtp?