Jueces 15:6 - Biblia Mixe de Quetzaltepec

⁶ Ko yë filistejë ja'ayëty t'ijxtë, ënät ojts tpaye'eytya'aktë pën ënäty të y'ëti'itsyën. Tääts tnija'awëtyë ko yë'ë Sansón, jä'äkyëjxm ko ënäty ja myë't ja tyo'oxytyëjk të pyëjkëty ets ënäty të yajmo'oy ja myëku'uk mëti'ipë mëët oy nyäjyawëtyën. Ënät ojts tninëjkxtë ja Sansón ja myë't ets tyajnitooytyë mëët tëkokyë ja y'u'unk y'ëna'k, yë'ëpaat ja to'oxytyëjk mëti'ipë ënäty ja Sansón të tjapëkyën.

Biblia Dc en Mixe de Quetzaltepec

⁶ Ko yë filistejë ja'ayëty t'ijxtë, ënät ojts tpaye'eytya'aktë pën ënety të y'ëti'itsyën. Tääts tnija'awëtyë ko yë'ë Sansón, jä'äkyëjxm ko ënety ja myë't ja tyo'oxytyëjk të pyëjkëty ets ënety të yajmo'oy ja myëku'uk mëti'ipë mëët oy nyäjyawëtyën. Ënet ojts tninëjkxtë ja Sansón ja myë't ets tyajnitooytyë mëët tëkokyë ja y'u'unk y'ëna'k, yë'ëpaat ja to'oxytyëjk mëti'ipë ënety ja Sansón të tjapëkyën.

Jueces 15:6 ပူးပေါင်းရင်းမြစ်များ

Jueces 14:15

Paaty ojts tninëjkxtë ja Sansón ja tyo'oxytyëjk ma tyaxkxëëpetyën ets t'ënëmaaytyë: Ënëëmë yë mniye'etyëjk ets tnikajpxëty tiitën jyatijäämpy. Jä'ä ko pën ka'ap tnikäjpxy mnitoyëp yam mijts ets näjyëtu'un yë mteety mtaak. Jëtu'un yajja'akyukë ko je'eyë yowë yajxon të xynyimay të xynyitajëtë ko yaa xywyowa'antës ets xypyëjkëja'antës mëti'ipës njä'ä'ajtëpën.

1 Tesalonicenses 4:6

Ka'ap pën ja myëku'uk ja tyo'oxytyëjk twin'ë'ënëty, jä'ä ko Tios tu'kë'ëyë tukumëtoowta'aja'any mëk'äämpy mëti'ipë jëtu'un ëtëtstëpën; ijxtëm të ntuk'ëwaanëtën janaam jatsojk.

Proverbios 22:8

Mëti'ipë ja'ay yaj'ijxëpën yë ëxëëk jot ëxëëk winma'any; Tios nëjkx mëj këjää tyukpoky'ätyë mëët ja joot'an.

Jueces 12:1

Ënät ja Efraín ja jyä'äyëty ojts nyäyajmukëtë ets tsyo'ontë, nyinajxtë yë Jordán mëjnëë, jamtsow ënäty nyëjkxtë Zafón, ko jam jyajtë, ënät ojts t'ënëëmëtë ja Jefté: ¿Wi'ix koos të xykyatuk'ëwaanëtë, ko të mnëjkxy tsiptuunpë mëët yë Amón ja'ayëty, tëëyëp mpanëjkxtë? E tyam mëët ko ka'ap të xynyikäjpxy myajnino'okëp ënät mëët yë mtëjk.

Jueces 15:5

Ënät tjëën'ixko'onëy ets tuk'ixtë'ëyëtyääy ja wax jam kamjotm ma ënäty ja filistejë ja'ayëty ja pyëjktä'äky tyaj'itën. Ko ja wax tmëpëyë'ktso'ontë ja jëën wa'ats tno'ktaaytyë ja tsajpmok mëti'ipë ënäty jam nipëjkpety ijtpën ets mëti'ipë ënäty ka'ap yajwixynyëmën; yë'ëpaat ojts tyooytyä'äy yë tsatsymkyam ets olivë kam.

Jueces 15:7

Ënät ja Sansón y'ënäny: Tyam miits yajxon ntimy'ënëëmëtë ko ka'apës yë po'kxën n'ixëty koonëm n'ijxnajxta'atëty mëët mëti'ipë të xytyuntën.