Jueces 15:18 - Biblia Mixe de Quetzaltepec

¹⁸ E yë Sansón yajxon ënäty tsyëtsënë, ënät ojts tmëkäjpxy yë Wintsën ets t'ënëmaay: ¿Wintsën wi'ixpëmës nja'awëkyëtä'äky koos mijts të xyajmëtä'äky maas të ntsippaatyën, e ka'ap yowë tyim'oy'ajnë etsës ënät mijts tyam xyaj'ookëty mëët yë nëëtëëtsë ma ya'atë ëxëëkja'ayëtyën yë kyë'ë y'aawëtyën ka'apë m'ëwtatyën?

Biblia Dc en Mixe de Quetzaltepec

¹⁸ E yë Sansón yajxon ënety tsyëtsënë, ënät ojts tmëkäjpxy yë Wintsën ets t'ënëmaay: ¿Wintsën wi'ixpëmës nja'awëkyëtä'äky koos mijts të xyajmëtä'äky maas të ntsippaatyën, e ka'ap yowë tyim'oy'ajnë etsës ënät mijts tyam xyaj'ookëty mëët yë nëëtëëtsë ma ya'atë ëxëëkja'ayëtyën yë kyë'ë y'aawëtyën ka'apë m'ëwtatyën?

Jueces 15:18 ပူးပေါင်းရင်းမြစ်များ

Hebreos 11:32

¿Tiis njaakmëtya'akëp? Ka'ap ja tiempo nëkoo y'ëkyajmëët'ajnë ets jeexyë njaaknimëtyä'äkyës ja Gedeón, ja Barac, ja Sansón, ja Jefté, ja David, ja Samuel ets ja Tios ja kyäjpxynyajxpëtëjk.

Juan 19:28

Ko jëtu'un jyäjty kyëpejty, ets ko nän nyija'ap ënäty ja Jesús ko tëë tyuunta'ay jyajta'ayë winë ets tam mëti'ipë jaaktëkoy'ajtpën paaty y'ënäny: Tëtsëpës.

2 Samuel 1:20

Ka'ap mëpaat yajnijawë jam Gad, nän ka'ap yajnimëtya'akëty jam Escalón, këtiipë ja filistejë to'oxytyëjkëty xyoonta'aktëty, ets ënät y'ätstëty pyutëty.

1 Samuel 27:1

David kä'äpyëm ënäty jotkujk nyäjyawëty, paaty ojts myäy tyäjy: Yë Saúl tsojkës yë ëwään jëpom xyaj'ookëty. Ni'ik oy'atëp koos nkä'äkëty, jamës nnëjkxëty ma filistejë ja'ayëtyën. Jëtu'un'äämpy ka'apës xëmë nmayëty ntajëty ets ka'apës nëkoo Saúl xy'ixjëtit xypyajëtitëty ma Israel yë naaxjotmën. Ni'ik oyës ntimnyäjyëpëkëtëty.

1 Samuel 17:36

E wä'än tmëti'ipë jëyujkëty, tä yë kaajën ëkë osë ëjts poj'amës ijty nyaj'ooky. E nän tim jëtu'untsën ënät jyatëty kyëpätëty tääpë yë filistejë ja'ay mëti'ipë ka'ap nijawën pën y'ëwtatëpën mëti'ipë nëkoo yajoot'anpëjkpyën, ja Wintsën ja tsyiptuunpëtëjk.

1 Samuel 17:26

Ënät yë David tyajtëëy yë ja'ay jampë ënäty winkon tyänëtën: ¿Tii jëtää yajmo'ojëp ja ja'ay mëti'ipë ënäty yaj'o'kpyën xiipë filistejë ja'ay, ets kyëxëty nyaxëty ma je'eyë ja Israel ja'ay t'atsë'ëk t'ajawën. Jä'ä ko tääpë filistejë ja'ay tim pën yë'ë tyimnäjya'awënë ets ëxaty tijëty yë Tios yë tsyiptuunpëtëjk.

Jueces 16:28

Tääts ja Sansón tyëjkëy kajpxtaktë ets ja Tios tmëkäjpxy, t'ënëmaay: Wintsën, tyam mijts nmëkäjpxy ets nmënu'kxtä'äky, ja'amyäjtskës ets mooykyës yë mëjaaw wä'änës ntuknituny yë filistejë ja'ayëty mëët koos yë nwiiny të xyjyu'tëtë.

Jueces 8:4

Ënät tsyo'ontë yë Gedeón jam ma ënäty yajpaatën mëët nitëkëëk mëko'px ja jyä'äy ets tuknajxtë ja Jordán nëë oy ënäty tëë yajxon jya'ënu'kxëtë, mëët ko ja myëtsip të tpapo'otë tu'kxëëw.

Génesis 32:31

Tam ënäty yë Jacob tuknajxtaaynyë ja it naaxwiinyëtë mëti'ipë xyëëwajtypyën Penuel, ko ja xëëw pyëtsiimy. E jä'ä ko tëë ënäty ja tyeky jyäjxma'aty, paaty ënäty na'ëxma'at ye'ey.

Génesis 20:11

Tä yë Abraham y'ëtsooy: Ëjts tyaajës ënäty nmay ntajy, ko ka'ap ntij yaa pën yë Tios tsë'ëkë ma ya'atë naax kajpnën, xyaj'ooktëpës ntij koos n'ënanëty, ko yë Sara nto'oxytyëjk yë'ë.

Jueces 15:17

Ko kyajpxtaay tää ojts t'ijxjëpijpkojnë ja pajk, paatykyëjxm ojts tampë it naaxwiinyëtë xyëëwpety Ramat-lehi.

Jueces 14:3

E yë tyeety tyaak jëtu'un y'ëtsoowtë: ¿Wi'ix ko jam muum yë to'oxytyëjk xy'ixta'ajaanpë ma filistejë ja'ayëtyën ka'apë yë Tios t'ëwtatën? ¿To'oxytyëjk jëtää yaa ka'ijtpë ma mëkunaax mëkukajpnënë? Yë Sansón y'ëtsooy: Tääpë kiixy yë'ëjës jëtu'un të ntsojkën'aty ets yë'ëjës mpëkäämpy.