Jueces 14:4 - Biblia Mixe de Quetzaltepec

⁴ Ja tyeety tyaakëty ka'ap ënäty tnijawëtë pën Tiostëm ënäty jëtu'un të tuknipëjktaakë ets ja Sansón jëtu'un myäyëty tsyajëty ets ja winma'any jëtu'un tpaatëty, t'ixta'ay wi'ix ja filistejë ja'ay t'ëknipëtë'ëkëtyën mëti'ipë ënä'ämtëpën ma Israel ja'ayëtyën.

Biblia Dc en Mixe de Quetzaltepec

⁴ Ja tyeety tyaakëty ka'ap ënety tnijawëtë pën Tiostëm ënety jëtu'un të tuknipëjktaakë ets ja Sansón jëtu'un myäyëty tsyajëty ets ja winma'any jëtu'un tpaatëty, t'ixta'ay wi'ix ja filistejë ja'ay t'ëknipëtë'ëkëtyën mëti'ipë ënä'ämtëpën ma Israel ja'ayëtyën.

Jueces 14:4 ပူးပေါင်းရင်းမြစ်များ

Josue 11:20

Wintsën ojts kë'ëm tuknipëjktaakë ets tääpë ja'ayëty kujuun nyäpyëjkta'akëtëty ets tmëmayëtëty ja Israel kajpn, tääts yë'ë yajkutëkooyëtë ets yajkëjxtaayëtë. Nimaa ja pa'ëyo'owën tkamëët'ajtë mëët yë'ëjëty, jëtu'un tä ja Wintsën ënäty të tuk'ëne'emyën ja Moisés.

Salmos 115:3

Yë Tios jam yajpaaty tsajpjotm; yë'ë winë të tyajkojy të tpëjktä'äky ijxtëm yë'ë të tsojkën'atyën.

Jueces 13:1

Yë Israel ja'ayëty ojts jatëkok ja jyot wyima'any tyajtëkooykyojnëtëpë ets ëxëëkjaty winë tuuntë Tios wintum, paaty ojts yë Wintsën tyim'ijxmatsëtë ets ëxëëk tyuunëtë yë filistejë ja'ayëty wëxtyikxy jëmëjt.

2 Crónicas 22:7

Yë Wintsën tëë ënäty tuknipëjktaakë ko tyaj'oka'any ja Ocozías ma jam tku'ixëja'anyën ja Joram. Tim je'eyë jam jyä'äjty, ënät mëët tsyo'ony yë Joram ets nëjkx nyäpyaata'anëtë mëët yë Jehú, Nimsi myaank. Yë Wintsën yë'ë ojts tuknipëky yë Jehú ets tyaj'o'kta'ajëty yë Ahab y'u'unk y'ëna'k, y'u'unk tyo'oxytyëjk.

2 Crónicas 10:15

Jëtu'un'äämpy ja yajkutujkpë ka'ap ja naax kajpn tmëmëtooy, jä'ä ko Wintsënën ënäty kë'ëm të tnipëjktaakë ets jëtu'un jyatëty kyëpätëty, jëtu'un'äämpy y'atëwëty ja Wintsën ja y'aaw y'ayuk mëti'ipë tyukwinwa'anëyën ja Jeroboam, Nabat yë myaank, mëët ja Ahías, jampë kyukajpnëtyën Siló.

2 Reyes 6:33

Tam ënäty jëtu'un myëtyä'äkynyëm mëët ja mëjja'aytyëjk, ko ja kukäjpxy jyä'äjty ma ja Elisejë ets y'ënäny: Tyamën ja mëk ëyo'on tyunyë jyätyë, ¿ëjts tiijës njaaktimy'ëwxitëp ma yë'ëjën?

1 Reyes 12:15

Ja yajkutujkpë ka'ap ojts timmyëj'ixy ja naax kajpn, jä'ä ko ja Wintsën ënäty jëtu'un të tuknipëjktaakë ets y'atëwëty ja aaw ayuk mëti'ipë ja Wintsën të tukwinmëtoyën ja Jeroboam, yë myaank yë Nabat, ko myëëtmëtyakë ja Ahías, jampë tsyoonyën Siló.

2 Crónicas 25:20

Ja Amasías kyatimtyuunpy ja këwentë, oy jëtu'un ja Joás jya'ëna'any, jä'ä ko Wintsën tëë ënäty kë'ëm tuknipëjktaakë ko Edom ka'ap yajmëta'aka'anyë ja Joás, mëët ko ja Edom wiinktsow ja wyinma'any tpëjktäky.

Jueces 15:11

Ko jëtu'un tmëtoowtë, ënät ojts yë Judá jyä'äy tsyoontë nitëkëëk mil ets nyëjkxtë jam Etam ma ja aankën mëti'ipë ja Sansón tyuktsëna'ayëpën, ko jam jya'ajtë tä ja Sansón t'ënëmaaytyë: Tii këtiijën xytyimnijawë ko yë filistejë ja'ayëty mëk ni'ikëty këtiinëm ëëts'ajtëmë. ¿Wi'ix ko nëkoo xymyëma'ayëpë etsës je'eyë tsipjoty xypyëjkta'aktës? Ënät ja Sansón y'ëtsooy: Ëjts ka'apës maa yë'ë nmëtëkoytyë, yi'iyës ntukukëpäjtëp ijxtëmës të xytyimtuntën.

Deuteronomio 28:48

Yë mmëtsiptëjk yë'ë nëjkx xymyëtuny mëti'ipë ja Wintsën të mtuknikexyën ets ëxëëk mtunëtëty. Nëjkxëp m'ayuu'aty m'axëëw'aty, nëjkxëp ja nëëtëëtsë xymyënaxy xyajnaxy, ni mwit ni mtujkxy nëjkx kyaka'ty, o'ktëy mjat mkëpätëty. Yë Wintsën nëjkx jëtu'un myaj'ëyoyë, koonëm m'ookëty mtëkoyëty.

Jueces 14:5

Paatykyëjxm yë Sansón ojts tsyoontë mëët ja tyaak tyeety ets ojts nyëjkxtë jam Timnat. Tam ënäty yë Sansón jyajnë kajpntum ko tu'uk yë mëj kaa nyipëtsëëmë jam ma tu'uk yë tsatym kyamën ets nyipëtë'kë.

Daniel 6:4

Ja mëti'ipë anajx atëjkëtyëpën ets mëti'ipë yajkutujktëpën ojts ja winma'any t'ixta'atë wi'ix y'ëna'antëtyën ets tyajnipaxëtëkëja'antë ja Daniel ma yajkutukyën, ja Daniel wa'ats ja jyot wyinma'any ënäty tmëëtëty paaty ka'ap tpatë ja pyoky; jëtu'un ka'ap yajni'ë'ënëy.

Jueces 15:3

Tä ja Sansón y'ëtsooy: Tyam ka'apës ëjts npoky'atëty pën ëxëëkës yë filistejë ja'ayëty ntuny.

1 Reyes 12:24

ko ëjts yam jëtu'un ni'ënä'ämëp ko këtii yë myëku'uk nëkoo mëët tsyiptuntëty, yë Israel ja'ayëty. Nikë wä'än timwyimpijta'atë ma tyëjkëtyën jä'ä ko jëtu'unës të ntuknipëjktaakë. Ko jëtu'un tmëtoowtë, ënätyë ojts jyänty wyimpijta'atë, jëtu'un tä ja Wintsën ënäty të tni'ënä'ämën.