Jueces 13:6 - Biblia Mixe de Quetzaltepec

⁶ Ënät ja to'oxytyëjk ojts nyijkxy ma ja nyiye'etyëjkën ets tukmëmëtyäky: Tu'ukës yë ye'etyëjk të xynyiminy, Tios yë tyuunpë, jëtu'unyës të ntimwyi'imy koos të nwinku'ixë, jëtu'unës të n'ixy tä tu'uk yë Wintsënën kyukäjpxyën. Ka'apës të nyajtëy tii xyëëwajtyp ets ni yë'ë të xykyatuk'ëwaanës.

Biblia Dc en Mixe de Quetzaltepec

⁶ Ënet ja to'oxytyëjk ojts nyijkxy ma ja nyiye'etyëjkën ets tukmëmëtyäky: Tu'ukës yë ye'etyëjk të xynyiminy, Dios yë tyuunpë, jëtu'unyës të ntimwyi'imy koos të nwinku'ixë, jëtu'unës të n'ixy tä tu'uk yë Wintsënën kyukäjpxyën. Ka'apës të nyajtëy tii xyëëwajtyp ets ni yë'ë të xykyatuk'ëwaanës.

Jueces 13:6 ပူးပေါင်းရင်းမြစ်များ

1 Samuel 9:6

E ja tyuunpë tyaa y'ëtsoowë: Ma ya'atë kajpnën tam tu'uk tsyëënë yë ja'ay mëti'ipë y'akäjpxypën tii yë Wintsën tyunäämpyën. Ja'am n'ëk'ijxëmë, kooxyëp xynyatuk'ëwa'anëmëty mëti'ipë tu'u mëpaat nmajtsëmë.

Deuteronomio 33:1

Ka'anëm ënäty ja Moisés y'ookynyëm, mëti'ipë ja Tios myëtuunën, ko ja Israel ja'ayëty ojts t'ëkjaakënu'kxnë,

Apocalipsis 1:17

Koos jëtu'un n'ijxy ënätës n'o'ktsoky ets nkëtaayës ma ënäty jam tyänën. Ënät ja y'a'oykyë'ë mëët xymyäjtyës ets xynyëmaayës: Këtii mtsë'ëkë. Ëjts winë nyajtso'ontakës ets ëjts näjyëtu'un nyajjëjpkëxäämpyës.

Hechos 6:15

Tam ënäty jëtu'un y'ëna'antë, ko ja yajjuntë'ajtpë t'ijxtë ko ja Esteban ja wyiin jyëjp tyë'kxpëky ijxtëm ja Tios kukäjpxy.

Lucas 9:29

Ko ja Jesús ënäty ja Tios jam tmëkäjpxy, tääts ja wyiin jyëjp tyëkajtsy ets janty ajajp atë'kxp ja wyit yaj'ixy.

Lucas 1:19

Tääts ja tsajpjotmëtë kukäjpxy y'ëtsooy: Gabrielës ëjts, Tiosës y'ënä'ämën npatuunëp; yë'ëjës të xykyexy ets mijts n'ëwaanëty ya'atë aaw ayuk oypyë.

Daniel 10:11

Täätsës të xy'ënëëmë: Taniel, mëti'ipë yë Tios tsojkëpën, mëtoow'it yajxon mëti'ipë yam ntuk'ënëëmëjäämpyën: Pëtë'ëk, ëjts tëëjës mijts nyajtuknikexy. Je'eyë kyajpxtaay täätsës tsë'ëkë nwa'kujkëy.

Daniel 10:5

Ënätës ajotkumonë të n'ijxpaaty tu'uk yë ja'ay, yë'ë wyit'ajtyp yë Linë wit ets yë'ë wyëën'ajtyp yë pu'ts pujxn wa'atspë.

Daniel 8:17

Ënätës të xymyëwinkony, e ëjts tëëjës ntsë'ëkë ets nwintä'äky të naaxkoyës, koonëmës yë nwinpok ntukpaaty yë naax, e yë'ë jëtu'unës të xy'ënëëmë: Mijts nääxwiinyëtë ja'ay, yë'ë mnijawëp ko ya'atë xy'ixyën yë'ë nyikäjpxyp wi'ix kyukëxëja'anyën yë xëëw juukyajtën.

2 Reyes 4:9

Ënät ja to'oxytyëjk t'ënëmaay ja nyiye'etyëjk: Më''ëtsow, mijts m'ijxyp ko tääpë ja'ay xëmë yaa xykyu'ijxëmë, wa'ats ja'ay yë'ë, Wintsën yë kyäjpxynyajxpë.

1 Timoteo 6:11

E mijts Timoteo, Tios yë y'u'unk, mkukä'äkëp yë jëtu'unpë. Mëtëy mjuuky'atëty, mpa'ëyowëp, mëpëkëp, mmëët'atëp yë tsojkën ja'awën, mëk myajpaatëty ma ja ëyo'onën ets yu'unk naxym winë'aaw winëjot.

2 Reyes 4:16

Tä ja Elisejë y'ënëmaayë: Jajëmëjt, ya'atpë, tëë ënäty yë m'u'unk maay xypyääty. Tä y'ëtsooy ja to'oxytyëjk: Ëk'ix Wintsën, këtii nëkoo jëtu'unpë ayuk xykyajpxpëtsëmy, jä'ä ko ka'ap tjëkyepy mijts xywyin'ëënëtyës, jä'ä ko mijts Wintsën myajtuunëp.

1 Reyes 17:24

Ets ja to'oxytyëjk y'ëtsoowë: Tyamës ënät yajxon nijawë ko mijts Wintsën mja'ay'ajtëp ets ja mëti'ipë mnikäjpxypën aakjä'ä mëti'ipë mëtëyën.

1 Reyes 17:18

Ënät ja ku'ookytyo'oxy t'ënëmaay ja Elías: ¿Tii tsipës ëjts mëët mijts nmëët'ajtyp, mijts mëti'ipë Wintsën myëtuumpyën? ¿Ëkë je'eyës mijts nëkoo ja nnëë npoky xypyaye'eyanë etsës ja n'u'unk nmaay y'ookëty tyëkoytyë?

1 Samuel 2:27

Jä'ä jëmëjt tu'uk yë Tios y'ayuk akajpxpë jyä'äjty ma Eli tyëjkën ets y'ënëmaayë: Jëtu'un yë Tios y'ënä'äny: Mijts yë m'ap m'ok mëti'ipë myëtuuntën yë yajkutujkpë jap Egiptë wa'ats tnija'awëtë ko ojtsës nnänyikëxë'ëkyë ma yë'ëjëtyën,

Jueces 13:22

Tää t'ënëmaay ja Manoa ja tyo'oxytyëjk: Tyam kopkpëky yë'ë ko ënät n'o'kënëty, jä'ä ko tëë yë Tios n'ijxëmë.

Jueces 13:8

Ënät yë Manoa ojts tmëpëjktsoy yë Wintsën ets t'ënëmaay: Wintsën, tyam mijts n'amëtoy npëjktsoy ets xytyunëty yë mëyajtën xykyäxëty jatëkok ja ye'etyëjk ma ëëtsëtyën ets xytyuk'ëwaanëtyës tiijës mëpaat ntuntën mëët ja u'unk maay mëti'ipë mëxu'unk'ataanpën.

Josue 14:6

Ënät ja Judá ja y'u'unk y'ok ojts nyëjkxtë jam Guilgal ets myëtya'aka'antë mëët ja Josué. Ojts yë Caleb näjyëtu'un nyijkxy mëti'ipë Quenéz ja'ayën, Jefuné yë myaank ets t'ënëmaay ja Josué: Ja'amyäts wi'ix yë Wintsën ojts t'ënëëmën yë Moisés jam Cades-barnea ko ojts ëëtsajtëm nyajnimëtyakëmë.

Éxodo 3:6

Ets ojts tjaaknikäjpxy: Ëjts jëtu'un ojts xyTios'atë yë m'ap m'okëty. Ëjts jëtu'un xyTios'ajtë yë Abraham, Isaac ets Jacob. Yë Moisés ënätyë ojts nyäwyinkumo'kxëty, jä'ä ko yë'ë ojts tsë'ëkë, ko ja Tios jeexyë t'ixy,

Éxodo 3:2

Jam ojts yë Tios yë kyukäjpxy nyänyikëxë'ëkyë tä tu'uk yë jëënën, jëtu'un yaj'ixy toopy yowë jam ma zarsa kepyën. Ënät yë Moisés yajxon tja'ijxwa'atsany ja jëën mëti'ipë jam yä'ämpën kepykyëjxm, e ja zarsa kepy ka'ap tii jyätyë ets ka'ap tyoy.

Génesis 32:29

Ënät ja Jacob ojts näjyëtu'un tyajtëy ja naaxwiinyëtë ja'ay: Mijts ënät tyam tuk'ëwa'anëkës, ¿tii mxëëwajtyp? Tää ja naaxwiinyëtë ja'ay y'ëtsooy: ¿Wi'ixës ko yë nxëëw xyajtëy? Ënät ja naaxwiinyëtë ja'ay jämyë kyënu'kxë.

Génesis 18:2

Ko ojts ja Abraham y'ijxë'ëky, ënät t'ijxy nitëkëëk yë ja'ay wyintänëty ye'etyëjk. Ko jëtu'un t'ixy ojts pojën y'ëxwä'ätsë'ëky ets ojts t'ëëwpo'kxy tkajpxpo'kxy.

Jueces 6:11

Paaty yë Wintsën yaa ja kyukäjpxy myiiny ets nyaaxwe'tsy jam xojpa'tkë'ëm ma txëëwatyën Ofrá ma ja Joás ja nyaaxjotën, yë Abiézer yë jyä'äy. Yë Gedeón yë myaank, yë Joás yë'ë ënäty jam yë tsajpmok yajpajk'ajtyp ayu'utsy, ma ja ja'ay ja tsatym ijty twintääntën ets tyajkojtë ja tsatym nyëë, jä'äkyëjxm ënäty jam ayu'utsy yajpaaty këtiipë ja Madián ja'ay y'ixëtëty.

Jueces 13:3

Ënät ojts tëkok tu'uk yë Wintsën kyukäjpxy nyikëtä'äkyë ets y'ënëmaayë: Mijts ka'ap të tjëkyepy yë u'unk maay xypyaatëty xy'ixëty, e tyam yë'ëts yam ntuknijawëjäämpy ko mijts mpatäämpy m'ixäämpy tu'uk yë u'unk maay.

Jueces 13:7

Mëti'ipës tëy të xytyuk'ëwaanën yë'ë ko nmëët'atäämpyëkës tu'uk yë u'unk maay ets ka'apëkës mëpaat n'uuky yë tsatym nyëë ets oy tii nëë mëti'ipë mëkën; ni nkäjë'kxëtyëkës tii mëti'ipë ëxëëkën ëkë ka'apë kyënu'kxëtyën, jä'ä ko ja u'unk mëti'ipës nyajja'täämpyën yë'ë ja Tios nyiwa'anäämpy ets nazareo nëjkx y'ity jëtu'un tyimmëxu'unk'atëty ets jëtu'un nëjkx y'ooky.

Jueces 13:10

ënät ojts ja tyo'oxytyëjk pëyi'ikyë nyinëjkxyë ets y'ënëmaayë: Ëtsow, ja naaxwiinyëtë ja'ay mëti'ipës ojts xy'ëknimiinpën, tëëjës jatëkok xynyiminy.