Jueces 13:20 - Biblia Mixe de Quetzaltepec

²⁰ Ko ja jëën yä'änë'ky jam ma ja wintsë'këntyaknën ënät ja Manoa mëët ja tyo'oxytyëjk ajotkumonë t'ijxpatë ko jap jokjoty taptëm ja Wintsën ja tsyajpjotmëtë kukäjpxy pya'tëjkënë tsajpjotm. Ënätyë ja Monoa nyäjyijtakë mëët ja tyo'oxytyëjk.

Biblia Dc en Mixe de Quetzaltepec

²⁰ Ko ja jëën yä'änë'ky jam ma ja wintsë'këntyaknën ënät ja Manoa mëët ja tyo'oxytyëjk ajotkumonë t'ijxpatë ko jap jokjoty taptëm ja Wintsën ja tsyajpjotmëtë kukäjpxy pya'tëjkënë tsajpjotm. Ënätyë ja Monoa nyäjyijtakë mëët ja tyo'oxytyëjk.

Jueces 13:20 ပူးပေါင်းရင်းမြစ်များ

Levitico 9:24

Jëtu'un kyëtäky, tä tu'uk yë mëj jëënyä'änkën ets ojts tukëtä'äky ja jëyujk'ooky ets tyajtooykyëtaktaay tu'kë'ëyë jënu'un ënäty jamën ma ja wintsë'këntyaknën. Ko jëtu'un yaj'ijxy ënät yë Israel ja'ayëty tyëjkëtyë yaxjpë jojkpë mëët ja xoontakën ets tëkokyë nyäjyijtaktaayëtë naaxkëjxy ets ojts ja Tios t'ëwtatë, mëët tu'uk ja näwyintsë'ëkë.

1 Crónicas 21:16

Ko ja David y'ijxë'ky, ënät t'ijxy ko tamtëm ja Wintsën ja kyukäjpxy yajpaaty, tam tkë'ëkë'ë'aty ja tyiypyujxn ets itkujky yajpaaty ma ja naaxwiinyëtë mëët ja tsajp nyäpyäätyë ets ja tyiypyujxn jamtëm tnajtstijë ma ja Jerusalén kajpnën. Ja David mëët ja mëjja'aytyëjk tëë ënäty nyätyukxoxëtë wit këëtsëtypë ets twinkuxtënaaytyë ja Wintsën ja kyukäjpxy,

2 Reyes 2:11

E tam ënäty jëtu'un tyu'uye'eytyë ets myëtya'aktë, ko ojts ajotkumonë tu'uk yë pujxnwintëkäämpë t'ëkëty y'ijxpaatë jam tu'u ëkë'ëm jëënmëët, mëët yë nyikëwaay nän jëënmëët, mëti'ipë ojts yajwa'akwa'kxëtën, e jëtu'un'äämpy ojts ja Elías tsyajpäjnë mëët tu'uk pojxujtyk.

Ezequiel 1:28

Tä i'tyën mëti'ipë këxë'kpën xëëw'an akujky ko tyu'uja'any, jëtu'unës ja Tios ja myëj'ajt y'oyajtën të n'ijxë. Koos jëtu'un të n'ixy täätsës të nwintä'äky të nnaaxkoy, yë'ëjës yë nwinpok ntukpatyp yë naax.

Mateo 17:6

Ko ja Jesús ja y'ijxpëjkpëtëjk tmëtoowtë, ënät nyäkyoxtënaaytyakëtë naaxkëjxy mëët ja mëktsë'ëkë.

Hebreos 1:3

Yë'ë kyujäjpy kyutë'kxyp ets yajknikëxë'kpy ja Tios ja myëj'ajt y'oyajtën. Jëtu'un ijxtëm ja Tios Teety, tim näjyëtu'un ja y'u'unk, ja y'u'unk tu'kë'ëyë winë wyijts'ijtääpy mëët ja y'aaw y'ayuk mëk'ajtënmëëtpë. Ko të xyajpokywyatsëmë, tääts të nyaaxweetsy tsajpjotm Tios pyë'aay aka'any'äämpy.

1 Crónicas 21:26

jam ojts tkojy tu'uk ja wintsë'këntyakn, ma tmooyën ja Wintsën ja wyintsë'kën nino'oky nixämpyë, ets ja nay'ëëw'oy näykyajpx'oyë ttuuny mëët ja Wintsën. Tä ja Wintsën tmënu'kxtäky ets y'ëtsoowë mëët mëj jëën, jam tsajpjotm tsyo'ony ets tukkëtäky ja jëyujk ooky nino'okpyë mëti'ipë ënäty jamën ma wintsë'këntyaknën.

Génesis 17:3

Ënät ojts yë Abram nyäkyoxtënaaytyä'äkyë, tyukpatyp yë wyimpok yë naax, tam ënäty yë Tios kyäjpxy:

Daniel 10:9

Koos të nmëtoy të kyäjpxy ënetyës të nkëtay ets të njëpijpkëtä'äkyës naaxkëjxy.

Ezequiel 1:26

Jam niwits nijuux nëkëjxy jëtu'unës të n'ixy jam yowë yë po'kxtakn ma yajkutujktaknën, yë'ë mëët y'oytyunyëty yë tsuxk uky tsyaa; e ma tääpë kutujktaknën jam tu'uk yë ja'ay yaj'ixy.

Salmos 47:5

Yë Tios mëti'ipë Wintsën'ajtpën tëë yë y'ënyääytyakn tpëky ma jam yajkutukëtyën mëët yë xuxpë wojpë ets mëët yë xoontakën mëjpë këjääpë.

Jueces 6:19

Ënät ja Gedeón ojts nyijkxy pëyi'ikyë ma tyëjkën ets ja tojkx tyaj'o'oyëy, yaj'o'k tu'uk yë tsajppax ets ja tsajpkääky tyaj'o'oyëy mëët i'px tsim yë tsajpmokway ka'apë tsyooymyëëtëty, ko tyaj'o'oyëtyääy jap ja tsu'utsy t'apëjkëy katyjoty, ja tojkxnëë jap t'apëjkëy tu'tsjoty ets ojts jam tmënëjkxy kopkëjxm.

Jueces 6:21

Ënät ja Wintsën ja kyukäjpxy ojts ja tyajk tukpaaty ja tsu'utsy ets ja tsajpkääky ets mëj jëën jap pyëtsiimy tsaajoty. Wa'ats tyooytyääy ja tsu'utsy ets ja tsajpkääky; ko tyooynyajxtaay, ja Wintsën ja kyukäjpxy jëtu'unyë ojts t'ijxtëkoy.

1 Crónicas 21:21

Ko ja David jam wyinkoony ma jam tyunyën ja Ornán, ënät näjyëtu'un y'ijxpatë ets nyimiinë, ko jam jyä'äjty ma David, tä wyintäky nyaaxkooy.