Jueces 12:4 - Biblia Mixe de Quetzaltepec

⁴ Ënät ja Jefté tyajmujky ja ja'ayëty jampë ënäty tsyëënëtën Galaad ets tsyiptuuny mëët yë Efraín ja'ayëty. Jefté ojts myëtä'äky. Yë Efraín yë jyä'äyëty jëtu'un ënäty y'ëna'antë ko ja Galaad ja'ayëty mëti'ipë jam tsënaaytyëpën ma Efraín mëët yë Manasés nyäpyäätyë, ka'ap ënäty mëët yë Efraín ja'ay y'ëknäy'oyjya'awënëtë.

Biblia Dc en Mixe de Quetzaltepec

⁴ Ënet ja Jefté tyajmujky ja ja'ayëty jampë ënety tsyëënëtën Galaad ets tsyiptuuny mëët yë Efraín ja'ayëty. Jefté ojts myëtä'äky. Yë Efraín yë jyä'äyëty jëtu'un ënety y'ëna'antë ko ja Galaad ja'ayëty mëti'ipë jam tsënaaytyëpën ma Efraín mëët yë Manasés nyäpyäätyë, ka'ap ënety mëët yë Efraín ja'ay y'ëknäy'oyjya'awënëtë.

Jueces 12:4 ပူးပေါင်းရင်းမြစ်များ

1 Samuel 25:10

E ja Nabal tyaa ja y'ëtsooy: ¿Pënën tääpë mtijtëp David? ¿Pën ja'ayën tääpë xynyikajpxtën ko Jesé tmaankëty? tyam ya'atë xëëw ya'atë jëmëjt may yë ja'ay kye'eky jyëtity, mëti'ipë mëtuuntëpën ko ja wyintsën wyintaj tkamëj'ixtë.

Proverbios 15:1

Ko ja'ay oy tsuj y'ëëw'ëtsoy kyajpx'ëtsoy, yë'ëpaat yë äkë tyajxeemy; e ko ja'ay y'ëtsoy, ni'ikyë yë äkë tyajmëjtä'äky.

Proverbios 12:13

Yë ëxëëk ja'ay kë'ëm nyäyajkujo'opyë ko tii ka'ap mëtëy tnikäjpxy; e tu'uk yë wa'ats ja'ay oy winë tukpëtsëmy ma nyäjyawëtyën tsiptuuy kya'aja'any.

Salmos 78:9

Yë Efraín yë nyaax kyajpn ojts kyäkta'atë jam tsipjotm mëët ja mëktsë'ëkë, oy ënäty yajpaatë jëjp'ixy mëët ja ti'pxn ets ja ku'umën.

Nehemías 4:4

Ënätës ja nTios'ajtëmë tmëkajpxtäky, etsës n'ënëmaay: Wintsën, Wintsën, ëkmëtoow'it wi'ixës ja ja'ay xynyëxi'ik xytyukxi'iktën. Ijxtëm tsoktë jeexyë ëëts njat nkëpätë wä'än yë'ë jëtu'un tjatë tkëpätë, yajkutuk ets myëtsiptëjk yajnëjkxëtë wiink naax wiink kajpn.

Jueces 11:10

Ets ja mëjja'aytyëjk y'ëtsoowtë: Yë Tios yë'ë yam wa'ats xy'ijxyp nyija'ap ko ëëtsëty tyamës nkupëktë tä yam m'ëna'anyën:

Jueces 12:3

E koos n'ijxy miitsëty ka'ap maa mkëxë'ëktë, ënätës ojts kë'ëm ntimnyijkxy tsiptuunpë ma ja Amón ja'ayëtyën, e yë Wintsën ojtsës xyajmëtä'äky. ¿E miitsëty wi'ix ko ënät tyam mintë ets je'eyë mtsip'ixta'atë?

Jueces 12:5

Yë Galaad ja'ayëty yë'ë ojts tniwa'aktë ja ta'akkam mëti'ipë jamën nëë''ëkë'ëm ma Jordán nëëjën, tääpë ta'akkam yë'ë ijty nyitënaaytyëp yë Efraín yë jyä'äyëty. Paatykyëjxm ko ja Efraín ja'ayëty jam kyäktë tsipjotm ets jyanaxantë, jëyëjp tyajtëëwtë, ¿mijts yë'ë mja'ay'ajtëp yë Efrainkë? E ko y'ëtsoy ka'ap,

1 Reyes 17:1

Ja käjpxynyajxpë mëti'ipë xyëëwajtypyën Elías, jampë tsyoonyën Tisbé, ma Galaad y'itjotmën, jëtu'un t'ënëmaay ja Ahab: Tyam yajxon mijts n'ënëëmë mëët yë Wintsën yë xyëëw, mëti'ipës nmëtuumpyën, ko ya'atë xëëw ya'atë jëmëjt ka'ap tyajtu'uja'any ets ni tu'ktsunyën yë maanik tkayajka'aja'any, koonëm yë'ë jatëkok tnikajpxëty.