Jueces 12:3 - Biblia Mixe de Quetzaltepec

³ E koos n'ijxy miitsëty ka'ap maa mkëxë'ëktë, ënätës ojts kë'ëm ntimnyijkxy tsiptuunpë ma ja Amón ja'ayëtyën, e yë Wintsën ojtsës xyajmëtä'äky. ¿E miitsëty wi'ix ko ënät tyam mintë ets je'eyë mtsip'ixta'atë?

Biblia Dc en Mixe de Quetzaltepec

³ E koos n'ijxy miitsëty ka'ap maa mkëxë'ëktë, ënätës ojts kë'ëm ntimnyijkxy tsiptuunpë ma ja Amón ja'ayëtyën, e yë Wintsën ojtsës xyajmëtä'äky. ¿E miitsëty wi'ix ko ënät tyam mintë ets je'eyë mtsip'ixta'atë?

Jueces 12:3 ပူးပေါင်းရင်းမြစ်များ

Job 13:14

Njuukyajtënës yam kë'ëm npëjktäkpy atsë'ëkëtuuy ets wä'än t'ixy tiijës xyjyajtp xykyëpäjtp.

1 Samuel 28:21

Ko ja to'oxytyëjk t'ijxy ko ja Saúl jëtu'unyë jyënuunkëtaknë, tä ojts tmëwinkony ets t'ënëmaay: Ya'atë to'oxytyëjk, yë mtuunpë, tëë tkuuytyuny ijxtëm të xy'ënëëmën. Tëës yë nkë'ëmjuukyajtën npëjktä'äky atsë'ëkëtuuy mëët koos të npatuny mijts ja m'ënä'ämën.

1 Samuel 19:5

Ix wa'ats xynyijawë ko ka'ap yë jyuukyajtën tpa'ëyooy ma tyaj'o'kyën ja filistejë ja'ay, e mëët yë'ëkëjxm yë Israel ja'ayëty ojts tpaatë ja nitsokën. Mijts yajkutujkpë wa'ats xy'ijxy ets wa'ats xynyijawë. ¿E wi'ix ko ënät nëkoo xyaj'ooka'any tu'uk yë ja'ay mëti'ipë ka'ap tii poky tmëëtëtyën, ma xytyuknipëjktaakën xyaj'ooka'any ja David?

Salmos 119:109

Ëjts janty o'kën jëjp'amës xëmë nyajpaaty, je'eyëp ko ka'ap nja'atyëkoyës yë m'ijxpëjkën.

Apocalipsis 12:11

Tëë ja nmëku'uk'ajtëm tmëmëta'aktë ja mëjku'u mëët ja Tios U'unk ja nye'pyny ets mëët ja tëyajtën mëti'ipë nyikajpxtën; ka'ap të tsë'ëkëtë ja o'kën, ni'ikyënëm të y'ëna'antë oy tyimwi'ix'atëty.

Romanos 16:4

Yë'ë tëë nyäpyëjkta'akëtë kutsë'ëkëtum, o'kënjëjp'am, ëjtskyëjxm. Nyajnaxyës ja kukajpxën ets ka'apës nätyu'uk nkukajpxë, näjyëtu'un ni'ëmukë nkukajpxës ja mëpëjkpëtëjk mëti'ipë ka'ap jyutiis ja'ay'atën.

2 Crónicas 13:12

Yë'ë tëy ja'amyätstë yajxon, ko ëëtsëty yë'ëjës xytyu'uwinye'eytyëp yë Wintsën ets teetytyëjkëty, yë'ëjëty jëjp'ixy tyim'itë ets tyajxu'uxa'antë ja pujxnxuxn mëti'ipë nyikäjpxypën ja tsip ets miitsëty myajnipëtë'ëktëty. E paaty yam myaj'ënëëmëtë Israel ja'ayëty, ko këtii nëkoo mtsiptuntëty mëët yë Wintsën, mëti'ipë Tiosajtën ja m'aptëjkëty, jä'ä ko ka'ap mëta'aktëty.

Jueces 11:27

Ëjts ka'ap mijts maa nmëtëkoy. Mijts jëtu'un kë'ëm mtëkoopy koos ëëts nëkoo xymyëmayëtë ets xynyipëtë'ëktës maas yaa ntsëënëtë njuuky'atën. E yë Wintsën yë'ë nyija'ap wi'ix tyaj'oyën ya'atë amay jotmay ma Israel ja'ayëty ets Amón ja'ayëty. Yë'ë nyija'ap pën yë poky myëët'ajtyp.

Jueces 9:17

Yë nteetyës ojts jyot wyinma'any tmëktuny ko mnitsiptuunëtë ets myajtsokëtë ma Madián ja'ayëtyën.

Jueces 12:2

Tä ja Jefté y'ëtsooy: Ëëtsëty mëët yë nja'ayëtyës, tëëjës yë tsip nmëët'atën ma Amón ja'ayëtyën, ko të jyëtu'un'aty miitsëty ojts mjayajmëkajpxtë, e ka'ap miintë etsës jeexyë xykyuwantë.

Jueces 12:4

Ënät ja Jefté tyajmujky ja ja'ayëty jampë ënäty tsyëënëtën Galaad ets tsyiptuuny mëët yë Efraín ja'ayëty. Jefté ojts myëtä'äky. Yë Efraín yë jyä'äyëty jëtu'un ënäty y'ëna'antë ko ja Galaad ja'ayëty mëti'ipë jam tsënaaytyëpën ma Efraín mëët yë Manasés nyäpyäätyë, ka'ap ënäty mëët yë Efraín ja'ay y'ëknäy'oyjya'awënëtë.